ಮೊರೆನಾ: ಶಿಕ್ಷಕರ ನೇಮಕಾತಿ ಸುಳ್ಳು ಪ್ರಮಾಣ ಪತ್ರಗಳನ್ನು ಒದಗಿಸಿ ಸರ್ಕಾರಿ ಗಿಟ್ಟಿಸಿಕೊಂಡು 77 ಶಿಕ್ಷಕರ ವಿರುದ್ಧ ಪ್ರಕರಣ ದಾಖಲಿಸಿರುವ ಘಟನೆ ಮಧ್ಯಪ್ರದೇಶದ ಮೊರೆನಾದಲ್ಲಿ ನಡೆದಿದೆ.
ಜಿಲ್ಲಾ ಶಿಕ್ಷಣಾಧಿಕಾರಿಯ ದೂರಿನ ಮೇರೆಗೆ ಈ ಕ್ರಮ ಕೈಗೊಳ್ಳಲಾಗಿದ್ದು, ರಾಜ್ಯಾದ್ಯಂತ ವಿಕಲಚೇತನ ಕೋಟಾದಿಂದ ಒಟ್ಟು 750 ಶಿಕ್ಷಕರನ್ನು ನೇಮಕ ಮಾಡಲಾಗಿತ್ತು. ಈ ಪೈಕಿ 450 ವಿಕಲಚೇತನರ ಪ್ರಮಾಣ ಪತ್ರಗಳನ್ನು ಮೊರೆನಾ ಜಿಲ್ಲಾಸ್ಪತ್ರೆಯಿಂದ ನೀಡಿರುವುದು ಕಂಡು ಬಂದಿದೆ.
ಇದನ್ನೂ ಓದಿ: ಗೃಹಲಕ್ಷ್ಮೀ ಯೋಜನೆ ಜಾರಿ ವಿಳಂಬ: ನಾನೇ ತಡೆಹಿಡಿದಿದ್ದೇನೆ ಎನ್ನುತ್ತಾ ಡಿಸಿಎಂ ಡಿಕೆಶಿ ಕೊಟ್ಟ ಕಾರಣವಿದು
ಈ ಬಳಿಕ ಅನುಮಾನಗೊಂಡ ಸಾರ್ವಜನಿಕ ನಿರ್ದೇಶನಾಲಯದ ಸೂಚನೆ ಮೇರೆಗೆ ಸೂಚನೆ ಭೋಪಾಲ್ ಹಾಗೂ ಮೊರೆನಾದ ಆಧಿಕಾರಿಗಳು ಈ ಬಗ್ಗೆ ವಿಚಾರಣೆ ನಡೆಸಿದರು. ತನಿಖೆಯ ಸಮಯದಲ್ಲಿ 257 ವಿಕಲ ಚೇತನ ಪ್ರಮಾಣಪತ್ರಗಳ ಪೈಕಿ, 77 ಪ್ರಮಾಣಪತ್ರಗಳು ನಕಲಿ ಎಂದು ಕಂಡು ಬಂದಿದ್ದವು. ಆದರೆ ಈ 77 ಅಭ್ಯರ್ಥಿಗಳನ್ನು ಮೊರೆನಾದ ಆಸ್ಪತ್ರೆಯಲ್ಲಿ ಪರೀಕ್ಷಿಸಿಲ್ಲ ಎಂಬುದು ಬೆಳಕಿಗೆ ಬಂದಿದೆ.
ಕೊನೆಗೆ ಈ ಅಭ್ಯರ್ಥಿಗಳ ವಿರುದ್ಧ ಎಫ್ಐಆರ್ ದಾಖಲಿಸಲಾಗಿದ್ದು, ಈ ವಿಷಯದ ಕುರಿತು ಪೊಲೀಸರು ಮತಷ್ಟು ತನಿಖೆ ನಡೆಸುತ್ತಿದ್ದಾರೆ. ಕೆಲವು ತಿಂಗಳಿನ ಹಿಂದೆ ಮಧ್ಯಪ್ರದೇಶದಲ್ಲಿ ಶಿಕ್ಷಕರ ನೇಮಕಾತಿಗಾಗಿ ಪರೀಕ್ಷೆಯನ್ನು ನಡೆಸಿ, ಆಯ್ಕೆಯಾದ ಅಭ್ಯರ್ಥಿಗಳಿಗೆ ನೇಮಕಾತಿ ಪತ್ರವನ್ನು ನೀಡಿ ವಿವಿಧ ಜಿಲ್ಲೆಗಳಲ್ಲಿ ಶಿಕ್ಷಕರನ್ನು ನಿಯೋಜಿಸಲಾಗಿತ್ತು.(ಏಜೆನ್ಸೀಸ್)