ನವದೆಹಲಿ: ಕೋವಿಡ್-19 ವಿರುದ್ಧ ಹೋರಾಟ ಮತ್ತು ಪರಿಸ್ಥಿತಿ ನಿಭಾಯಿಸಿದ್ದಕ್ಕೆ ಜಾಗತಿಕ ಮನ್ನಣೆ ಪಡೆದಿರುವ ಪ್ರಧಾನಿ ನರೇಂದ್ರ ಮೋದಿಯನ್ನು ಶೇ. 66.20 ಭಾರತೀಯರು ಬೆಂಬಲಿಸಿದ್ದಾರೆ. ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿಗೆ ಶೇ. 23.21 ಬೆಂಬಲ ವ್ಯಕ್ತವಾಗಿದೆ.
ಪ್ರಧಾನಿಗೆ ಅತಿ ಹೆಚ್ಚು ಮೆಚ್ಚುಗೆ ವ್ಯಕ್ತವಾಗಿರುವುದು ಒಡಿಶಾದಲ್ಲಿ (ಶೇ. 95.60). ಈ ವಿಷಯದಲ್ಲಿ ಕರ್ನಾಟಕ (ಶೇ.82.56) ಆರನೇ ಸ್ಥಾನದಲ್ಲಿ ಇದೆ. ಗೋವಾ (ಶೇ.52.40), ಕೇರಳ (ಶೇ.46.87) ಮತ್ತು ತಮಿಳುನಾಡುಗಳಲ್ಲಿ (ಶೇ.42.76) ರಾಹುಲ್ ಗಾಂಧಿ ಜನಪ್ರತಿಯತೆ ಹೆಚ್ಚಿದೆ. ಈ ರಾಜ್ಯಗಳಲ್ಲಿ ಕ್ರಮವಾಗಿ ಶೇ. 41.30, ಶೇ. 36.40 ಮತ್ತು ಶೇ. 37.64 ಜನರು ಮೋದಿಯನ್ನು ಬೆಂಬಲಿಸಿದ್ದಾರೆ.
ಇದನ್ನೂ ಓದಿ ವಿದ್ಯುತ್ ಕಾಯ್ದೆಗೆ ತಿದ್ದುಪಡಿ ಬೇಡ
ಪಟ್ನಾಯಕ್ ನಂ. 1 ಸಿಎಂ
ಜನಪ್ರಿಯ ಮುಖ್ಯಮಂತ್ರಿಯ ಗರಿ ಒಡಿಶಾದ ಸಿಎಂ ನವೀನ್ ಪಟ್ನಾಯಕ್ (ಶೇ. 82.96) ಮುಡಿ ಗೇರಿದೆ. ಕರ್ನಾಟಕ ಸಿಎಂ ಬಿ.ಎಸ್. ಯಡಿಯೂರಪ್ಪ (ಶೇ.67.21) ಎಂಟನೇ ಸ್ಥಾನದಲ್ಲಿದ್ದಾರೆ. ಹರಿಯಾಣದ ಸಿಎಂ ಮನೋಹರ್ ಲಾಲ್ ಖಟ್ಟರ್ (ಶೇ. 4.47), ಉತ್ತರಾಖಂಡದ ಸಿಎಂ ತ್ರಿವೇಂದ್ರ ಸಿಂಗ್ ರಾವತ್ (ಶೇ.17.72) ಜನಪ್ರಿಯತೆ ಪಟ್ಟಿಯ ಕಡೆಯ ಎರಡು ಸ್ಥಾನದಲ್ಲಿ ಇದ್ದಾರೆ.