ಜರ್ಮನ್: ( Christmas tree ) ಕ್ರಿಸ್ಮಸ್ ಹಬ್ಬ ತಯಾರಿ ಜೋರಾಗಿದೆ. ಈಗಾಗಲೇ ಮಾಲ್ ಹಾಗೂ ಕೆಲವು ಅಂಗಡಿ ಮುಗ್ಗಟ್ಟುಗಳು ವಿಶೇಷ ರೀತಿಯಲ್ಲಿ ಸಿದ್ಧಗೊಂಡಿವೆ. ಜರ್ಮನಿಯಲ್ಲಿ ನಿರ್ಮಾಣಗೊಂಡಿರುವ ಚಿನ್ನದ ಕ್ರಿಸ್ಮಸ್ ಟ್ರೀ ಈಗ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಸುದ್ದಿಯಲ್ಲಿದೆ.
2024 ವಿಯೆನ್ನಾ ಫಿಲ್ಹಾರ್ಮೋನಿಕ್ ಚಿನ್ನದ ನಾಣ್ಯಗಳಿಂದ ಇದು ಸಿದ್ಧಗೊಂಡಿದೆ. ಚಿನ್ನದಿಂದ ಸಿದ್ಧಗೊಂಡಿರುವ ಕ್ರಿಸ್ಮಸ್ ಬರೋಬ್ಬರಿ 63 ಕೆಜಿ ತೂಕ ಇದೆ. ಸುಮಾರು 47 ಕೋಟಿ ರೂಪಾಯಿ ವೆಚ್ಚ ತಗುಲಿದೆ ಎಂದು ಹೇಳಲಾಗುತ್ತಿದೆ.ಈ ಸ್ವರ್ಣ ಲೇಪಿತ ಕ್ರಿಸ್ಮಸ್ ಟ್ರೀಯನ್ನು ಮೂನಿಚ್ ಮೂಲದ ಚಿನ್ನದ ವ್ಯಾಪಾರಿ ಪ್ರೊ ಅರುಮ್ ಎಂಬುವವರು ನಿರ್ಮಿಸಿದ್ದಾರೆ.
ಬರೋಬ್ಬರಿ 10 ಅಡಿ ಎತ್ತರವಿರುವ ಈ ಗಿಡವು ಮಾರಲು ಅಂತ ನಿರ್ಮಿಸಿದ್ದಲ್ಲ. ಇದನ್ನು ಮೂನಿಚ್ನಲ್ಲಿ ಪ್ರದರ್ಶನಕ್ಕೆ ಇಡಲಾಗುವುದು. ಇದು ನಮ್ಮ ಕಂಪನಿಯ 35ನೇ ವಾರ್ಷಿಕೋತ್ಸವದ ಗೌರವವಾಗಿ ಗುರುತಿಸಲ್ಪಡಲಿದೆ.
2010ರಲ್ಲಿ ಅಬುದಾಬಿಯ ಎಮಿರೆಟ್ಸ್ ಪ್ಯಾಲೆಸ್ನಲ್ಲಿ ನಿರ್ಮಿಸಲಾಗಿದ್ದ ಸುಮಾರು 100 ಕೋಟಿ ವೆಚ್ಚದಲ್ಲಿ ನಿರ್ಮಾಣಗೊಂಡಿದ್ದ ಕ್ರಿಸ್ಮಸ್ ಟ್ರೀ 181 ಚಿನ್ನದ ಆಭರಣಗಳಿಂದ ಸಿದ್ಧಗೊಳಿಸಲಾಗಿತ್ತು. ಅದರ ಎತ್ತರ 43.2 ಫೀಟ್ನಷ್ಟು ಇತ್ತು ಇದು ಗಿನ್ನಿಸ್ ಬುಕ್ ರೆಕಾರ್ಡ್ನಲ್ಲಿ ವಿಶ್ವ ದಾಖಲೆಯಾಗಿ ಸೇರ್ಪಡೆಯಾಗಿದೆ.