ಉತ್ತರ ಪ್ರದೇಶ: ರಾಜ್ಯದ ಸಹರಾನ್ಪುರ ಜಿಲ್ಲೆಯ ಸಹನ್ಸಾರಾ ನದಿಯ ದಡದಲ್ಲಿ ಉತ್ಖನನದ ವೇಳೆ ಮೂರು ಕೊಂಬಿನ ಡೈನೋಸಾರ್ (Dinosaur Fossil) ಟ್ರೈಸೆರಾಟಾಪ್ಸ್ಗೆ ಸೇರಿದೆ ಪಳೆಯುಳಿಕೆ ಪತ್ತೆಯಾಗಿದ್ದು, ಇದು 40 ಮಿಲಿಯನ್ ವರ್ಷಗಳಷ್ಟು ಹಳೆಯದ್ದು ಎಂದು 'ಮಿಂಟ್' ಪತ್ರಿಕೆ ತನ್ನ ವರದಿಯಲ್ಲಿ ಉಲ್ಲೇಖಿಸಿದೆ.
ಈ ಪ್ರದೇಶದಲ್ಲಿ ನಡೆಸಿದ ಉತ್ಖನನದಲ್ಲಿ ಲಕ್ಷಾಂತರ ವರ್ಷಗಳಷ್ಟು ಹಳೆಯದಾದ ಟ್ರೈಸೆರಾಟಾಪ್ಸ್ ಎಂಬ ಡೈನೋಸಾರ್ನ ಮೂಗಿನ ಕೊಂಬು ಎಂದು ತಜ್ಞರು ಅಭಿಪ್ರಾಯಿಸಿದ್ದಾರೆ. ನೈಸರ್ಗಿಕ ಇತಿಹಾಸ ಮತ್ತು ಸಂರಕ್ಷಣಾ ಕೇಂದ್ರದ ಸಂಸ್ಥಾಪಕ ಮೊಹಮ್ಮದ್ ಉಮರ್ ಸೈಫ್ ಈ ಬಗ್ಗೆ ಪ್ರತಿಕ್ರಿಯಿಸಿ, "ಹೊಸ ಪಳೆಯುಳಿಕೆ ಪತ್ತೆಯಾಗಿದೆ. ಇದು ಟ್ರೈಸೆರಾಟಾಪ್ಸ್ಗೆ ಸೇರಿದ್ದು ಎಂದು ನಾವು ನಂಬಿದ್ದೇವೆ. ಈಗ ಸಿಕ್ಕಿರುವ ಪಳೆಯುಳಿಕೆಯು ಅದರ ಮೂಗಿನ ಭಾಗವಾಗಿದೆ" ಎಂದಿದ್ದಾರೆ.
ಇದನ್ನೂ ಓದಿ: ಬಾಂಬ್ ತಯಾರಿಕೆಗೆ ಅಮೋನಿಯಂ ನೈಟ್ರೇಟ್ ಬಳಕೆ! ಅಷ್ಟಕ್ಕೂ ಏನಿದರ ಎಫೆಕ್ಟ್? ಯಾಕಷ್ಟು ಡೇಂಜರ್? | Ammonium Nitrate
"ಪಳೆಯುಳಿಕೆ ಟ್ರೈಸೆರಾಟಾಪ್ಸ್ಗೆ ಸೇರಿದೆ ಎಂದು ನಾವು ಖಚಿತವಾಗಿ ಹೇಳಲು ಸಾಧ್ಯವಾಗದಿದ್ದರೂ, ಇದು ಜಗತ್ತಿನಲ್ಲಿ ಕಂಡುಬರುವ ಇತರ ಟ್ರೈಸೆರಾಟಾಪ್ಸ್ ಪಳೆಯುಳಿಕೆಯನ್ನು ಹೋಲುತ್ತದೆ. ಇದರ ನೋಟ, ಆಕಾರ ಮತ್ತು ಗಾತ್ರವು ಅದನ್ನೇ ಒತ್ತಿ ಹೇಳುತ್ತಿದೆ. ಈ ಡೈನೋಸಾರ್ಗಳು ಸುಮಾರು 66 ಮಿಲಿಯನ್ ವರ್ಷಗಳ ಹಿಂದೆ ವಾಸಿಸುತ್ತಿದ್ದವು. ಪ್ರಸ್ತುತ, ಪಳೆಯುಳಿಕೆಯನ್ನು ಸಂರಕ್ಷಿಸಲಾಗಿದೆ. ಪಳೆಯುಳಿಕೆಯು ಅದರ ಮೂಗಿನ ಭಾಗವಾಗಿದ್ದು, 35ರಿಂದ 40 ಮಿಲಿಯನ್ ವರ್ಷಗಳ ಕಾಲ ಹಳೆಯದ್ದಿರಬಹುದು" ಎಂದು ಹೇಳಿದ್ದಾರೆ,(ಏಜೆನ್ಸೀಸ್).