ಹೈದರಾಬಾದ್: ( 10th students ) ಒಂದಾನೊಂದು ಕಾಲದಲ್ಲಿ, ಶಿಕ್ಷಕರು ವಿದ್ಯಾರ್ಥಿಗಳಿಗೆ ನಾಲ್ಕು ಏಟುಗಳನ್ನು ನೀಡಿ ಪಾಠ ಕಲಿಸುತ್ತಿದ್ದರು. ಆದರೆ ಇಂದು ಪರಿಸ್ಥಿತಿ ಭಿನ್ನವಾಗಿದೆ. ವಿದ್ಯಾರ್ಥಿಗಳು ಪೋಷಕರು ಶಿಕ್ಷಕರ ವಿರುದ್ಧವೂ ಪ್ರಕರಣಗಳನ್ನು ದಾಖಲಿಸುವ ಮಟ್ಟಕ್ಕೂ ಹೋಗುತ್ತಿದ್ದಾರೆ. ಇದೆಲ್ಲದರ ಹಿನ್ನೆಲೆಯಲ್ಲಿ, ಶಿಕ್ಷಕರು ಮಕ್ಕಳನ್ನು ಸರಿಯಾದ ದಾರಿಯಲ್ಲಿ ಹೇಗೆ ಇಡಬೇಕೆಂದು ತಿಳಿಯದೆ ತಲೆ ಕೆರೆದುಕೊಳ್ಳುತ್ತಿದ್ದಾರೆ. ನಾವು ಇಂತಹದ್ದೇ ಒಂದು ಘಟನೆಯ ಕುರಿತಾಗಿ ಇಂದು ತಿಳಿಸಿಕೊಡಲಿದ್ದೇವೆ...
ಹತ್ತನೇ ತರಗತಿಯ ವಿದ್ಯಾರ್ಥಿಯೊಬ್ಬ ಶಾಲಾ ಕಟ್ಟಡದಿಂದ ಹಾರಿ ಆತ್ಮಹತ್ಯೆ ಮಾಡಿಕೊಂಡರು. ಈ ಆಘಾತಕಾರಿ ಘಟನೆ ಬುಧವಾರ ಹೈದರಾಬಾದ್ನ ಶಾದ್ನಗರದಲ್ಲಿ ನಡೆದಿದೆ.
ಪೊಲೀಸರ ಪ್ರಕಾರ, ಹೈದರಾಬಾದ್ನ ರಂಗಾರೆಡ್ಡಿ ಜಿಲ್ಲೆಯ ಶಾದ್ ನಗರ ಸಿಎಸ್ಕೆ ವೆಂಚರ್ನಲ್ಲಿ ವಾಸಿಸುವ ಹರಿಭೂಷಣ್ ಪಟೇಲ್ ಮತ್ತು ಭಾಗ್ಯ ದಂಪತಿಯ ಪುತ್ರ ನೀರಜ್ (15). ನೀರಜ್ ಹತ್ತನೇ ತರಗತಿಯಲ್ಲಿ ಓದುತ್ತಿದ್ದನು. ಬುಧವಾರ ಬೆಳಿಗ್ಗೆ ಶಾಲೆಗೆ ಹೋದ ನೀರಜ್, ಮತ್ತೊಬ್ಬ ಸ್ನೇಹಿತನೊಂದಿಗೆ ತರಗತಿಯಿಂದ ಹೊರಬಂದು ಕಾರಿಡಾರ್ಗೆ ಬಂದನು. ಅಲ್ಲಿ ಅವರು ಹರಟೆ ಹೊಡೆಯುವುದನ್ನು ಗಮನಿಸಿದ ಪ್ರಾಂಶುಪಾಲ ನರೇಂದ್ರ ರಾಯ್, ಅವರಿಬ್ಬರನ್ನೂ ತಮ್ಮ ಕೋಣೆಗೆ ಕರೆಸಿಕೊಂಡು ಬುದ್ಧವಾದ ಹೇಳಿ ಚೆನ್ನಾಗಿ ಬೈದಿದ್ದಾರೆ.. ಇದರಿಂದ ಅಸಮಾಧಾನಗೊಂಡ ನೀರಜ್, ಅದೇ ದಿನ ಸಂಜೆ 4 ಗಂಟೆಗೆ ಸುಮಾರು 20 ಅಡಿ ಎತ್ತರದ ಶಾಲಾ ಕಟ್ಟಡದ ಮೇಲಿನಿಂದ ಹಾರಿದನು. ಆದರೆ ನೀರಜ್ ಪ್ರಾಂಶುಪಾಲ ಅವರು ಬುದ್ಧಿ ಮಾತು ಹೇಳಿದ್ದರಿಂದ ಬೇಸರಗೊಂಡನಾ? ಅಥವ ಇನ್ನಿತರ ಕಾರಣ ಏನಾದ್ರು ಇದ್ಯಾ? ಎನ್ನುವ ಕುರಿತಾಗಿ ಯಾವುದೇ ಮಾಹಿತಿ ಇಲ್ಲ.
ಶಾಲಾ ಕಟ್ಟಡದ ಮೇಲಿನಿಂದ ಹಾರಿದಾಗ ನೀರಜ್ ರಕ್ತದ ಮಡುವಿನಲ್ಲಿ ಬಿದ್ದಿದ್ದನು, ಆಗ ಶಾಲಾ ಸಿಬ್ಬಂದಿ ಅವನನ್ನು ಗಮನಿಸಿ ತಕ್ಷಣ ಹತ್ತಿರದ ಖಾಸಗಿ ಆಸ್ಪತ್ರೆಗೆ ಕರೆದೊಯ್ದರು. ನಂತರ, ವಿದ್ಯಾರ್ಥಿನಿಯ ಪೋಷಕರಿಗೂ ಈ ವಿಷಯದ ಬಗ್ಗೆ ತಿಳಿಸಲಾಯಿತು. ಅವರು ತಕ್ಷಣ ಸ್ಥಳಕ್ಕೆ ತಲುಪಿ ನೀರಜ್ನನ್ನು ಉತ್ತಮ ಚಿಕಿತ್ಸೆಗಾಗಿ ಹೈದರಾಬಾದ್ಗೆ ಸ್ಥಳಾಂತರಿಸಿದರು, ಆದರೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವಾಗ ಬಾಲಕ ಸಾವನ್ನಪ್ಪಿದ್ದಾನೆ.
ನೀರಜ್ ಕಟ್ಟಡದಿಂದ ಬೀಳುತ್ತಿರುವ ದೃಶ್ಯಗಳು ಶಾಲೆಯ ಸಿಸಿಟಿವಿ ಕ್ಯಾಮೆರಾದಲ್ಲಿ ದಾಖಲಾಗಿವೆ. ಈ ವಿಡಿಯೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಮನೆ ಮಗನನ್ನು ಕಳೆದುಕೊಂಡ ಕುಟುಂಬಸ್ಥರು ಕಣ್ಣೀರು ಹಾಕುತ್ತಿದ್ದಾರೆ.