ಮುಂಬೈ: ನೀವು ಷೇರುಗಳಲ್ಲಿ ಹೂಡಿಕೆ ಮಾಡಿದ್ದರೆ ನೀವು ಮುಂದುವರಿಯಬೇಕು. ಆದರೆ ಈ ಸಮಯದಲ್ಲಿ ಹೊಸ ಖರೀದಿಗಳನ್ನು ತಪ್ಪಿಸಬೇಕು ಎಂದು ಷೇರು ಮಾರುಕಟ್ಟೆಯ ಅನುಭವಿ ಮತ್ತು ಐಐಎಫ್ಎಲ್ ಸೆಕ್ಯುರಿಟೀಸ್ನ ನಿರ್ದೇಶಕ ಸಂಜೀವ್ ಭಾಸಿನ್ ಹೇಳಿದ್ದಾರೆ.
ನೀವು ಪಿಎಸ್ಯುಗಳು (ಸರ್ಕಾರಿ ಕಂಪನಿಗಳು), ರಕ್ಷಣಾ ಕಂಪನಿಗಳು ಇತ್ಯಾದಿಗಳಲ್ಲಿ ಹೂಡಿಕೆ ಮಾಡಿದ್ದರೆ ನೀವು ಲಾಭ ಪಡೆದುಕೊಳ್ಳಬೇಕು ಮತ್ತು ಹೊಸ ಎಂಟ್ರಿ ತಪ್ಪಿಸಬೇಕು. ನೀವು ಎಲ್ಲವನ್ನೂ ಮರೆತು ಇಂದೇ ಲಾಭ ಮಾಡಿಕೊಳ್ಳಿ ಎಂದು ಲೋಕಸಭೆ ಚುನಾವಣೆ ಫಲಿತಾಂಶದ ದಿನವಾದ ಮಂಗಳವಾರ ಸಂಜೀವ್ ಭಾಸಿನ್ ಸಲಹೆ ನೀಡಿದರು.
ಎನ್ಟಿಪಿಸಿ ಲಿಮಿಟೆಡ್ ಮತ್ತು ಕೋಲ್ ಇಂಡಿಯಾ ಷೇರುಗಳಲ್ಲಿ 15 ಪ್ರತಿಶತದಷ್ಟು ಕುಸಿತವು ಹೂಡಿಕೆದಾರರಿಗೆ ಉತ್ತಮ ಖರೀದಿ ಅವಕಾಶವಾಗಿದೆ ಎಂದು ಸಂಜೀವ್ ಭಾಸಿನ್ ಹೇಳಿದ್ದಾರೆ. ಕೋಲ್ ಇಂಡಿಯಾ ವಿಶ್ವದ ಮೂರನೇ ಅತಿದೊಡ್ಡ ಕಲ್ಲಿದ್ದಲು ಉತ್ಪಾದನಾ ಕಂಪನಿಯಾಗಿದೆ. ಯಾವುದೇ ಸರ್ಕಾರ ಅಧಿಕಾರಕ್ಕೆ ಬಂದರೂ ಇದರ ಕಾರ್ಯವೈಖರಿ ಮೇಲೆ ಪರಿಣಾಮವಾಗದು ಎಂದು ಸಂಜೀವ್ ಭಾಸಿನ್ ಹೇಳಿದ್ದಾರೆ.
ಇದು ದೀರ್ಘಾವಧಿಯಲ್ಲಿ ನಿಮಗೆ ಮಲ್ಟಿಬ್ಯಾಗರ್ ರಿಟರ್ನ್ಸ್ ನೀಡಬಹುದು. ಎನ್ಟಿಪಿಸಿ-ಕೋಲ್ ಇಂಡಿಯಾ ಷೇರುಗಳ ಬೆಲೆ ಮಂಗಳವಾರ ಶೇ.15ರಷ್ಟು ಕುಸಿತ ಕಂಡಿವೆ.
ಮಂಗಳವಾರ ಷೇರುಪೇಟೆಯ ದೌರ್ಬಲ್ಯದಿಂದಾಗಿ ಕೋಲ್ ಇಂಡಿಯಾ ಲಿಮಿಟೆಡ್ ಷೇರುಗಳ ಬೆಲೆ ಶೇ. 13ರಷ್ಟು ಕುಸಿದು 446 ರೂ. ಮುಟ್ಟಿದೆ. ಸೋಮವಾರ ಕೋಲ್ ಇಂಡಿಯಾ ಲಿಮಿಟೆಡ್ ಷೇರುಗಳ ಬೆಲೆ 512 ರೂ. ಇತ್ತು.