ಅಕ್ಟೋಬರ್ನಲ್ಲಿ ಜನಿಸಿದ ಮಕ್ಕಳಲ್ಲಿರುವ ಅತ್ಯುತ್ತಮ ಗುಣಗಳು ಯಾವುವು?
ಅಕ್ಟೋಬರ್ನಲ್ಲಿ ಜನಿಸಿದ ಮಕ್ಕಳ ಗುಣ ಲಕ್ಷಣ ಹೇಗಿರುತ್ತದೆ?
ಅಕ್ಟೋಬರ್ನಲ್ಲಿ ಜನಿಸಿದವರು ಶಾಂತ ಸ್ವಭಾವದ್ದು, ಎಲ್ಲರನ್ನೂ ಸಂತೋಷವಾಗಿ ಇಡಲು ಬಯಸುತ್ತಾರೆ
ಅಕ್ಟೋಬರ್ ತಿಂಗಳಲ್ಲಿ ಜನಿಸಿದ ವ್ಯಕ್ತಿಗಳು, ಮಕ್ಕಳು ಇತರರಿಗಿಂತ ವಿಭಿನ್ನವಾದ ವಿಶೇಷ ಗುಣ ಲಕ್ಷಣ ಹೊಂದಿರುತ್ತಾರೆ. ಈ ಮಾಸದಲ್ಲಿ ಮಹಾನ್ ವ್ಯಕ್ತಿಗಳು ಜನಿಸಿರುವುದೇ ಇದಕ್ಕೆ ಉದಾಹರಣೆ. ಮಹಾತ್ಮ ಗಾಂಧಿ, ಬಿಲ್ ಗೇಟ್ಸ್ ಮತ್ತು ಆರ್.ಕೆ. ನಾರಾಯಣ್ ಅವರಂತಹ ದಿಗ್ಗಜರು ಈ ತಿಂಗಳಲ್ಲಿ ಜನಿಸಿದ್ದಾರೆ. ತಿಂಗಳು ನವರಾತ್ರಿ ಮತ್ತು ದುರ್ಗಾ ಪೂಜೆಯಂತಹ ಹಬ್ಬಗಳೊಂದಿಗೆ ಅತ್ಯಂತ ಪವಿತ್ರವಾದ ತಿಂಗಳುಗಳಲ್ಲಿ ಒಂದಾಗಿದೆ. ಅಕ್ಟೋಬರ್ನಲ್ಲಿ ಜನಿಸಿದವರಲ್ಲಿ ಯಾವೆಲ್ಲ ಗುಣ ಲಕ್ಷಣಗಳಿವೆ ಎನ್ನುವುದನ್ನು ತಿಳಿದುಕೊಳ್ಳೋಣ ಬನ್ನಿ.
ಅಕ್ಟೋಬರ್ನಲ್ಲಿ ಜನಿಸಿದ ಮಕ್ಕಳು ಸ್ನೇಹಪರ ಸ್ವಭಾವವನ್ನು ಹೊಂದಿರುವವರಾಗಿರುತ್ತಾರೆ. ಪ್ರತಿ ವಿಚಾರದಲ್ಲಿಯೂ ಶಾಂತ ಸ್ವಬಾವದಿಂದ ಕೂಡಿರುತ್ತಾರೆ. ದುಃಖ ಅಥವಾ ನೋವು ಇವರನ್ನು ಕುಗ್ಗಿಸಲು ಬಿಡುವುದಿಲ್ಲ. ತಮ್ಮ ಸುತ್ತ ಮುತ್ತ ಇರುವ ಜನರನ್ನು ಎಲ್ಲ ಸಮಯದಲ್ಲಿಯೂ ಸಂತೋಷವಾಗಿಟ್ಟುಕೊಳ್ಳಲು ಬಯಸುತ್ತಾರೆ.
ಅಕ್ಟೋಬರ್ನಲ್ಲಿ ಜನಿಸಿದ ಮಕ್ಕಳು ತಮ್ಮ ಜೀವನದಲ್ಲಿ ಪ್ರೀತಿಗೆ ಪವಿತ್ರ ಸ್ಥಾನವನ್ನು ನೀಡುತ್ತಾರೆ. ಇವರ ಆಕರ್ಷಕ ಸ್ವಭಾವವು ಎಲ್ಲರನ್ನು ಸೆಳೆದುಕೊಳ್ಳುವಂತೆ ಮಾಡುತ್ತದೆ. ಹಾಗೂ ಇವರ ಈ ಆಕರ್ಷಕ ಸ್ವಭಾವವು ಎಲ್ಲರ ಮೆಚ್ಚುಗೆಗೆ ಪಾತ್ರವಾಗುವಂತೆ ಮಾಡುತ್ತದೆ.
ಅಕ್ಟೋಬರ್ನಲ್ಲಿ ಜನಿಸಿದವರು ಯಾವುದಾದರೂ ಕೆಲಸವನ್ನು ಆಯ್ಕೆ ಮಾಡಿಕೊಂಡರೆ, ಅದರಲ್ಲಿ ಆತ್ಮವೊಶ್ವಾಸವಿಟ್ಟುಕೊಂಡು ಕೆಲಸ ಮಾಡುತ್ತಾರೆ. ಸರಿಯಾದ ಮನೋಭಾವ ಮತ್ತು ಕೆಲಸ ಪೂರ್ಣಗೊಳ್ಳುವವರೆಗೆ ಹಿಂದೆ ಸರಿಯದ ಛಲ ಇವರಲ್ಲಿರುತ್ತದೆ.
ಅಕ್ಟೋಬರ್ನಲ್ಲಿ ಜನಿಸಿದ ಮಕ್ಕಳೊಂದಿಗೆ ಅಥವಾ ಯಾವುದೇ ವ್ಯಕ್ತಿಯೊಂದಿಗೆ ಸ್ನೇಹ ಮಾಡಿಕೊಂಡರೆ ಅಥವಾ ಪ್ರೀತಿ ಬೆಳೆಸಿಕೊಂಡರೆ, ಎಂದಿಗೂ ಸುಳ್ಳು ಹೇಳಬೇಡಿ. ಇವರು ಪ್ರಾಮಾಣಿಕತೆಯನ್ನು ನಂಬಿ ಬದುಕುತ್ತಾರೆ. ಅವರೆಂದಿಗೂ ಸುಳ್ಳು ಹೇಳುವವರನ್ನು ಸಹಿಸೋದಿಲ್ಲ.
ಅಕ್ಟೋಬರ್ನಲ್ಲಿ ಜನಿಸಿದವರು ಹೆಚ್ಚು ಕ್ರಿಯೇಟಿವಿಟಿ ಗುಣವುಳ್ಳವರು. ಪೋಷಕರು ಇವರಲ್ಲಿರುವ ಈ ಸುಪ್ತ ಪ್ರತಿಭೆಯನ್ನು ಗುರುತಿಸಿ ಪ್ರೋತ್ಸಾಹಿಸಿದರೆ ಅವರು ಅದರಲ್ಲಿ ದೊಡ್ಡ ಸಾಧನೆ ಮಾಡಬಹುದು. ಆ ಎಲ್ಲ ಗುಣವು ಇವರಲ್ಲಿ ಹೆಚ್ಚೇ ಇರುತ್ತದೆ.
ಅಕ್ಟೋಬರ್ನಲ್ಲಿ ಜನಿಸಿದವರು ಶಾಂತ ಸ್ವಭಾವದವರಾದರೂ, ಇವರು ಸವಾಲುಗಳನ್ನು ಎದುರಿಸಲು ಮತ್ತು ಸ್ವೀಕರಿಸಲು ಹೆಚ್ಚು ಇಷ್ಟಪಡುತ್ತಾರೆ. ಯಾವುದೇ ಸಮಸ್ಯೆ ಎಂದು ಕಾಣಿಸಿಕೊಂಡರೆ ಅದರಿಂದ ಹಿಂಜರಿಯೋದಿಲ್ಲ ಎಂತಲೂ ಹೇಳಬಹುದು, (ಏಜೆನ್ಸೀಸ್).