ಡಾರ್ಕ್ ಸರ್ಕಲ್ (Dark Circle) ಅಥವಾ ಕಪ್ಪು ವರ್ತುಲಗಳು ಕಣ್ಣುಗಳ ಕೆಳಗೆ ಕಪ್ಪು ಕಲೆಯನ್ನು ಮೂಡಿಸುತ್ತವೆ. ಡಾರ್ಕ್ ಸರ್ಕಲ್ ಅನ್ನು ತೆಗೆದುಹಾಕಲು ಸರಿಯಾದ ಕಣ್ಣಿನ ಆರೈಕೆ (Eye Care) ಮಾಡುವುದು ಅತ್ಯವಶ್ಯಕ. ಹೀಗಾಗಿ, ವೈದ್ಯರು ಶಿಫಾರಸ್ಸು ಮಾಡಿರುವ ಕೆಲ ಮನೆಮದ್ದುಗಳನ್ನು ಬಳಸುವುದು ಅತ್ಯಗತ್ಯ. ಈ ಮೂಲಕ ನೀವು ಈ ಸಮಸ್ಯೆಯನ್ನು ಸುಲಭವಾಗಿ ನಿಭಾಯಿಸಬಹುದು.
ನಿಮ್ಮ ಕಣ್ಣಿನ ಸುತ್ತಲೂ ಆಗಿರುವ ಡಾರ್ಕ್ ಸರ್ಕಲ್ಗೆ ಅಲೂಗಡ್ಡೆ ಪೇಸ್ಟ್ ಹಚ್ಚುವುದರಿಂದ ಕಪ್ಪು ಕಲೆಗಳನ್ನು ಕಡಿಮೆ ಮಾಡುಬಹುದು. ಅಲೂಗಡ್ಡೆ ಉತ್ಕರ್ಷಣ ನಿರೋಧಕಗಳು, ಜೀವಸತ್ವಗಳು ಹಾಗೂ ಖನಿಜಗಳಿಂದ ಕೂಡಿದೆ. ಹೀಗಾಗಿ, ನಿಮ್ಮ ಚರ್ಮಕ್ಕೆ ಅತ್ಯಗತ್ಯ ಪೋಷಕಾಂಶಗಳನ್ನು ಪೂರೈಸುತ್ತದೆ. ನೀವು ಮಾಡಬೇಕಾಗಿರುವುದು ಅಲೂಗಡ್ಡೆಯನ್ನು ತುರಿದು ಅದರ ರಸವನ್ನು ಸೋಸುವುದು. ಆ ರಸವನ್ನು ಕಣ್ಣಿನ ಸುತ್ತಲೂ ಹಚ್ಚಿಕೊಳ್ಳಬೇಕು.
ಅಲೋವೆರಾದಲ್ಲಿ ಅಲೋಸಿನ್ ಸಮೃದ್ಧವಾಗಿದ್ದು, ಇದು ನಿಮ್ಮ ಕಣ್ಣುಗಳ ಸುತ್ತಲಿನ ವರ್ಣದ್ರವ್ಯವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ನಿಮ್ಮ ಕಣ್ಣಿನ ಸುತ್ತಲೂ ಅಲೋವೆರಾ ಜೆಲ್ ಅನ್ನು ನಿಧಾನವಾಗಿ ಮಸ್ಸಾಜ್ ಮಾಡಿಕೊಳ್ಳಬೇಕು.
3.ಬಾದಮಿ ಎಣ್ಣೆ
ಬಾದಾಮಿ ಎಣ್ಣೆಯಲ್ಲಿ ವಿಟಮಿನ್ ಇ, ಮೆಗ್ನೀಸಿಯಮ್, ರಂಜಕ ಮತ್ತು ಉತ್ಕರ್ಷಣ ನಿರೋಧಕಗಳು ಸಮೃದ್ಧವಾಗಿವೆ. ಬಾದಾಮಿ ಎಣ್ಣೆ ಅತ್ಯುತ್ತಮವಾದ ಮನೆಮದ್ದಾಗಿದ್ದು, ಕಣ್ಣುಗಳ ಸುತ್ತಲಿನ ಸೂಕ್ಷ್ಮ ಚರ್ಮವನ್ನು ತೇವಾಂಶದಿಂದ ಮತ್ತು ದಷ್ಟಪುಷ್ಟವಾಗಿಡಲು ಸಹಾಯ ಮಾಡುತ್ತದೆ. ಚರ್ಮದ ಮೇಲ್ಮೈಗೆ ರಕ್ತದ ಹರಿವನ್ನು ಸುಧಾರಿಸಲು ಒಂದು ಹನಿ ಬಾದಾಮಿ ಎಣ್ಣೆಯನ್ನು ತೆಗೆದುಕೊಂಡು ನಿಧಾನವಾಗಿ ಮಸಾಜ್ ಮಾಡಿ.
ಕೇಸರಿ ಕೇವಲ ಆರೋಗ್ಯಕ್ಕೆ ಮಾತ್ರವಲ್ಲ. ನಿಮ್ಮ ಸೌಂದರ್ಯಕ್ಕೂ ಸಹಕಾರಿಯಾಗಿದೆ. 2-3 ಎಳೆಗಳ ಕೇಸರಿಯನ್ನು ತಣ್ಣನೆಯ ಹಾಲಿನಲ್ಲಿ ನೆನೆಸಿ ಹತ್ತಿ ಉಂಡೆಯನ್ನು ಬಳಸಿ ಕಣ್ಣುಗಳ ಸುತ್ತಲೂ ಹಚ್ಚುವುದಿರಿಂದ ಡಾರ್ಕ್ ಸರ್ಕಲ್ಗೆ ಉತ್ತಮ ರಾಮಬಾಣ ಎಂದು ಹೇಳಬಹುದು.
5.ಬಳಸಿದ ಗ್ರೀನ್ ಟೀ ಬ್ಯಾಗ್ಗಳು
ಬಳಸಿದ ಗ್ರೀನ್ ಟೀ- ಬ್ಯಾಗ್ಗಳನ್ನು ಎಸೆಯಬೇಡಿ. ಗ್ರೀನ್ ಟೀ ಫೀನಾಲಿಕ್ ಸಂಯುಕ್ತಗಳಿಂದ ತುಂಬಿರುತ್ತದೆ. ಬಳಸಿದ ಟೀ ಬ್ಯಾಗ್ಗಳನ್ನು ರಾತ್ರಿಯಿಡೀ ರೆಫ್ರಿಜರೇಟರ್ನಲ್ಲಿ ಇರಿಸಿ ಮತ್ತು ತಣ್ಣನೆಯ ಚೀಲಗಳನ್ನು ಹಚ್ಚುವುದರಿಂದ ಕಪ್ಪು ವೃತ್ತಗಳ ನೋಟವನ್ನು ಕಡಿಮೆ ಮಾಡುತ್ತದೆ.(ಏಜೆನ್ಸೀಸ್)
ಗಮನಿಸಿ: ಈ ಮಾಹಿತಿಯನ್ನು ಅಂತರ್ಜಾಲದಿಂದ ಸಂಗ್ರಹಿಸಲಾಗಿದೆ ಮತ್ತು ಮಾಹಿತಿ ಉದ್ದೇಶಗಳಿಗಾಗಿ ಮಾತ್ರ ಪ್ರಸ್ತುತ ಪಡಿಸಲಾಗಿದೆ. ಇದನ್ನು “ವಿಜಯವಾಣಿ ಡಾಟ್ ನೆಟ್" ದೃಢಪಡಿಸುವುದಿಲ್ಲ. ಯಾವುದೇ ಸಲಹೆಯನ್ನು ಅನುಸರಿಸುವ ಮೊದಲು ವೈದ್ಯರನ್ನು ಸಂಪರ್ಕಿಸುವುದು ಯಾವಾಗಲೂ ಉತ್ತಮ.