ರಾತ್ರಿ ಹೊತ್ತು ಸರಿಯಾಗಿ ನಿದ್ರೆ ಬರಲ್ವಾ? ನಿದ್ರೆ ಇಲ್ಲದೆ ಆರೋಗ್ಯ ಹಾಳಾಗಿದೆಯಾ? ಹಾಗಾದರೆ ಈ ನೈಸರ್ಗಿಕ ಮನೆ ಮದ್ದುಗಳನ್ನು ಒಮ್ಮೆ ಟ್ರೈ ಮಾಡಿ ನೋಡಿ.
ಬಾದಾಮಿ ಬೀಜಗಳು:-
ಬಾದಾಮಿ ಬೀಜಗಳಲ್ಲಿ ನಾರಿನ ಅಂಶ ಮತ್ತು ಅತ್ಯುತ್ತಮ ಕೊಬ್ಬಿನ ಪ್ರಮಾಣ ಇರುತ್ತದೆ. ಇದರಲ್ಲಿ ಮೆಗ್ನೀಷಿಯಂ ಪ್ರಮಾಣ ಇರಲಿದ್ದು, ಮಾಂಸ ಖಂಡಗಳನ್ನು ಶಾಂತ ಪಡಿಸುವಲ್ಲಿ ಇದು ಕೆಲಸ ಮಾಡುತ್ತದೆ. ಮಲಗುವ ಮುಂಚೆ ಬಾದಾಮಿ ಹಾಲು ಕುಡಿದು ಮಲಗುವುದರಿಂದ ಒಳ್ಳೆಯ ನಿದ್ರೆ ಬರುತ್ತದೆ.
ಅಶ್ವಗಂಧ:-
ಅಶ್ವಗಂಧ ಒಂದು ಅತ್ಯುತ್ತಮವಾದ ಆಯುರ್ವೇದಿಕ ಪದಾರ್ಥ. ಇದರಲ್ಲಿ ಮಾನಸಿಕ ಒತ್ತಡವನ್ನು ಕಡಿಮೆ ಮಾಡುವಂತಹ ಮತ್ತು ದೇಹಕ್ಕೆ ವಿಶ್ರಾಂತಿ ನೀಡಿ ರಾತ್ರಿಯ ಸಮಯದಲ್ಲಿ ಕಣ್ಣುಗಳಿಗೆ ಒಳ್ಳೆಯ ನಿದ್ರೆ ಬರುವಂತೆ ಮಾಡುವ ಗುಣಲಕ್ಷಣಗಳು ಇವೆ. ರಾತ್ರಿ ಮಲಗುವ ಅರ್ಧ ಗಂಟೆ ಮುಂಚೆ ನೀವು ಇದನ್ನು ತೆಗೆದುಕೊಳ್ಳುವುದು ಒಳ್ಳೆಯದು.
ಚಾಮೋಮೈಲ್ ಚಹಾ ಕುಡಿಯುವುದು:-
ಇದರಲ್ಲಿ ಆಂಟಿ ಆಕ್ಸಿಡೆಂಟ್ ಪ್ರಮಾಣ ಹೆಚ್ಚಾಗಿದ್ದು, ಮೆದುಳಿನ ನರಮಂಡಲಗಳನ್ನು ಶಾಂತಗೊಳಿಸಿ ನಿದ್ರೆ ಬರುವಂತೆ ಮಾಡುತ್ತದೆ. ಪ್ರಮುಖವಾಗಿ apigenin ಎಂಬ ಆಂಟಿ ಆಕ್ಸಿಡೆಂಟ್ ನಿದ್ರೆಯ ವಿಷಯದಲ್ಲಿ ಸಹಕಾರಿಯಾಗಿ ಕೆಲಸ ಮಾಡುತ್ತದೆ.
ಕುಂಬಳಕಾಯಿ ಬೀಜಗಳು:-
ಕುಂಬಳಕಾಯಿ ಬೀಜಗಳಲ್ಲಿ ಜಿಂಕ್ ಮತ್ತು ಟ್ರಿಪ್ಟೊಫ್ಯಾನ್ ಪ್ರಮಾಣ ಇರಲಿದ್ದು, ಮೆದುಳು ಇದನ್ನು ಸೆರೋಟನಿನ್ ಆಗಿ ಬದಲಿಸಿ ನಿದ್ರೆ ಬರುವಂತೆ ಮಾಡುತ್ತದೆ. ಹಾಗಾಗಿ ಇದನ್ನು ಅತ್ಯುತ್ತಮ ಆರೋಗ್ಯಕರ ಎಂದು ಹೇಳಬಹುದು.
ಅಂಜೂರದ ಹಾಲು:-
ಅಂಜೂರ ಕೂಡ ನಿದ್ರೆಯ ಗುಣಮಟ್ಟವನ್ನು ಹೆಚ್ಚು ಮಾಡುವಲ್ಲಿ ಕೆಲಸ ಮಾಡುತ್ತದೆ. ಏಕೆಂದರೆ ಇದು ಸಹ ನಮ್ಮ ದೇಹದಲ್ಲಿ ಸೆರೋಟೋನಿನ್ ಮತ್ತು ಮೇಲಟೋನಿನ್ ಪ್ರಮಾಣವನ್ನು ಹೆಚ್ಚಿಸುತ್ತದೆ ಮತ್ತು ಉತ್ತಮ ನಿದ್ರೆ ಬರುವಂತೆ ಮಾಡುತ್ತದೆ.
ಒಂದು ವೇಳೆ ನೀವು ಹೆಚ್ಚಿನ ಸಮಯದಿಂದ ರಾತ್ರಿಯ ಸಮಯದಲ್ಲಿ ನಿದ್ರೆ ಬಾರದೇ ನಿದ್ರಾಹೀನತೆಯ ತೊಂದರೆಯಿಂದ ಬಳಲುತ್ತಿದ್ದರೆ, ಈ ಮೇಲಿನ ಆಹಾರ ಪದಾರ್ಥಗಳನ್ನು ಸೇವಿಸಬಹುದು. ಇವು ಉತ್ತಮ ಮನೆಮದ್ದುಗಳಾಗಿ ಕೆಲಸ ಮಾಡುತ್ತವೆ.