ನಿಮ್ಮ ಅಡುಗೆಮನೆಯ ಈ ಪದಾರ್ಥಗಳೇ ಹಾವುಗಳಿಗೆ ಶತ್ರು! ಬೇಸಿಗೆಯ ಭಯ ಮುಕ್ತ ಮನೆಗಾಗಿ ಇಂದೇ ಟ್ರೈ ಮಾಡಿ... Snake Safety

ಹಾವುಗಳಿಗೆ ಕಿವಿ ಕೇಳಿಸದೇ ಇದ್ದರೂ ವಾಸನೆ ಗ್ರಹಿಸುವ ಶಕ್ತಿ ಇದೆ. ಅವು ತಮ್ಮ ಪರಿಸರವನ್ನು ಗ್ರಹಿಸಲು ತಮ್ಮ ನಾಲಿಗೆಯನ್ನು ಬಳಸುತ್ತವೆ. ಹಾವುಗಳು ಇಷ್ಟಪಡದ ಕೆಲವು ವಾಸನೆಗಳು ಮತ್ತು ವಿಷಯಗಳಿವೆ. ನೀವೇನಾದರೂ ಇದರ ಬಗ್ಗೆ ತಿಳಿದರೆ ನಿಮ್ಮ ಮನೆಯಿಂದ ಹಾವುಗಳನ್ನು ದೂರ ಇಡಲು ಇವು ಸಹಾಯ ಮಾಡುತ್ತವೆ.

ಕೆಲವು ಮಸಾಲೆಗಳ ಬಲವಾದ ವಾಸನೆಯು ಹಾವುಗಳನ್ನು ಕೆರಳಿಸಬಹುದು. ದಾಲ್ಚಿನ್ನಿ ಮತ್ತು ಲವಂಗ ಎಣ್ಣೆಯ ಮಿಶ್ರಣವು ಅತ್ಯುತ್ತಮ ನೈಸರ್ಗಿಕ ಹಾವು ನಿವಾರಕವಾಗಿ ಕಾರ್ಯನಿರ್ವಹಿಸುತ್ತದೆ. ನೀವು ಈ ಎಣ್ಣೆ ಮಿಶ್ರಣವನ್ನು ಹಾವುಗಳು ಬರುವ ಸಾಧ್ಯತೆಯಿರುವ ಜಾಗಗಳಲ್ಲಿ ಸಿಂಪಡಿಸುವುದರಿಂದ ಈ ವಾಸನೆಯು ಅವುಗಳನ್ನು ಹೊರಹೋಗುವಂತೆ ಮಾಡುತ್ತದೆ.

ಹೋಮ್ಸ್ & ಗಾರ್ಡನ್ಸ್ ವರದಿಯ ಪ್ರಕಾರ, ಅಡುಗೆಮನೆಯಲ್ಲಿ ಸಾಮಾನ್ಯವಾಗಿ ಬಳಸುವ ಬೆಳ್ಳುಳ್ಳಿ ಮತ್ತು ಈರುಳ್ಳಿಗಳು ಹಾವುಗಳನ್ನು ದೂರವಿಡಲು ಬಹಳ ಸಹಕಾರಿಯಾಗಿದೆ. ಆದಾಗ್ಯೂ, ಈ ಪದಾರ್ಥಗಳನ್ನು ರುಬ್ಬಿ ಅದರಲ್ಲಿರುವ ರಸವನ್ನು ಎಣ್ಣೆಯೊಂದಿಗೆ ಬೆರೆಸಿ ಬಾಗಿಲು ಅಥವಾ ಕಿಟಕಿಗಳಿಗೆ ಹಚ್ಚುವುದರಿಂದ ಹಾವುಗಳನ್ನು ಮನೆಗೆ ಬಾರದಂತೆ ತಡೆಯಲು ಸಹಾಯ ಮಾಡುತ್ತದೆ.

ಫೋರ್ಬ್ಸ್ ಹೋಮ್ ಪ್ರಕಾರ, ಪುದೀನದ ಪರಿಮಳವು ನಮಗೆ ಸುಗಂಧವೆಸಿದರೂ ಹಾವುಗಳಿಗೆ ಅದು ಹಿಂಸೆಯಾಗಿರುತ್ತದೆ. ಆದಾಗ್ಯೂ, ಪುದೀನ ಎಣ್ಣೆ ಅಥವಾ ಪುದೀನ ಸಸ್ಯಗಳ ಬಲವಾದ ವಾಸನೆಯು ಹಾವುಗಳಿಗೆ ಕಿರಿಕಿರಿಯನ್ನುಂಟು ಮಾಡುತ್ತದೆ. ನಿಮ್ಮ ತೋಟದ ಬಳಿ ಅಥವಾ ನಿಮ್ಮ ಮನೆಯ ಪ್ರವೇಶದ್ವಾರದ ಬಳಿ ಪುದೀನ ಗಿಡವನ್ನು ನೆಡುವುದರಿಂದ ಅಥವಾ ಅದರ ಸಾರಭೂತ ತೈಲವನ್ನು ಬಳಸಿ ಮನೆಗೆ ಸಿಂಪಡಿಸುವುದರಿಂದ ಹಾವುಗಳ ಅಪಾಯವನ್ನು ಕಡಿಮೆ ಮಾಡಬಹುದು.

ಹಾವುಗಳನ್ನು ಮನೆಗೆ ಬರದಂತೆ ತಡೆಯಲು ಬಿಳಿ ವಿನೆಗರ್ ಅನ್ನು ಪರ್ಯಾಯವಾಗಿ ಬಳಸಬಹುದು. ಈಜುಕೊಳಗಳು ಮತ್ತು ನೀರು ತುಂಬಿರುವ ತೊಟ್ಟಿಯ ಸುತ್ತಲೂ ವಿನೆಗರ್​ನ್ನು ಸಿಂಪಡಿಸುವುದರಿಂದ ಹಾವುಗಳನ್ನು ದೂರವಿಡಲು ಸಹಾಯ ಮಾಡುತ್ತದೆ. ಹಾವುಗಳು ಬಹಳ ಸೂಕ್ಷ್ಮ ಚರ್ಮವನ್ನು ಹೊಂದಿರುವುದರಿಂದ ವಿನೆಗರ್​ ವಾಸನೆಯು ಅವುಗಳನ್ನು ಮನೆಯ ಹತ್ತಿರಕ್ಕೆ ಬರದಂತೆ ತಡೆಯುತ್ತದೆ (ಏಜೆನ್ಸೀಸ್​).