ಆತಂಕ, ಒತ್ತಡ, ಕ್ಷಣಕ್ಕೆ ಬದಲಾಗುವ ಮೂಡ್​ನಿಂದ ಮುಕ್ತಿ ಬೇಕಾ?; ಮಾನಸಿಕ ಆರೋಗ್ಯ ಕಾಪಾಡುವ ಈ ಆಹಾರ ಸೇವಿಸಿ..Mental Health

Foods for mental health: ಮಾನಸಿಕ ಖಿನ್ನತೆ, ಭಾವನೆಗಳು, ಒತ್ತಡವನ್ನು ಸಹಿಸಿಕೊಂಡು ಜೀವನ ನಡೆಸುವುದು ಇಂದಿನ ಕಾಲಘಟ್ಟದ ಜನರಿಗೆ ಕಷ್ಟ. ಮೆಟ್ರೋದಲ್ಲಿ ಅಳುವುದನ್ನು, ಬಸ್​​ಗಳಲ್ಲಿ ಗೆಳತಿ ಪಕ್ಕ ಕುಳಿತು ರೋದಿಸುವುದು. ರಸ್ತೆಗಳಲ್ಲಿ ಪೋನ್ ಹಿಡಿದು ಇನ್ಯಾರ ಬಳಿಯೋ ಕಿರುಚಾಡುವರನ್ನು ನಿತ್ಯ ನೋಡುತ್ತಲೇ ಇರುತ್ತೇವೆ. ಇದು ಪ್ರತಿಯೊಬ್ಬ ಮನುಷ್ಯನಿಗೂ ಕಾಡುವ ಸಾಮಾನ್ಯ ಸಮಸ್ಯೆ. ಇದಕ್ಕೆ ಮದ್ದೇನು ಎನ್ನುವುದನ್ನು ಪೌಷ್ಟಿಕತಜ್ಞರಾದ ನಮಾಮಿ ಅಗರ್ವಾಲ್​ ಅವರು ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಪೋಸ್ಟ್​ ಹಂಚಿಕೊಂಡಿದ್ದಾರೆ.

ಇಂದಿನ ಧಾವಂತದ ಜೀವನಶೈಲಿಯಲ್ಲಿ ಅತಿಯಾದ ಆತಂಕ, ಮೂಡ್​ ಬದಲಾಗುವುದು ಸಾಮಾನ್ಯ ಈ ವೇಳೆ ಇವನ್ನು ನಿಭಾಯಿಸಲು ನಿದ್ರೆ ಮಾಡಿದರೆ ಸಾಕಾಗೋದಿಲ್ಲ. ಬದಲಾಗಿ ನಮ್ಮ ಆಹಾರ ಪದ್ಧತಿಯನ್ನೂ ಬದಲಾಯಿಸಿಕೊಳ್ಳಬೇಕು. ನಮ್ಮ ಜೀರ್ಣಾಂಗ ವ್ಯವಸ್ಥೆ ಹಾಗೂ ಮೆದುಳಿನ ಕಾರ್ಯ ವೈಖರಿಗೆ ನಾವು ತಿನ್ನುವ ಆಹಾರ ಸಹಕಾರಿಯಾಗುತ್ತದೆ. ಇದು ನಮ್ಮ ಮೂಡ್​, ಆತಂಕವನ್ನು ಆರೋಗ್ಯಕರವಾಗಿ ನಿಭಾಯಿಸುತ್ತದೆ ಎಂದಿದ್ದಾರೆ. ಉತ್ತಮವಾದ ಮೆದುಳಿನ ಆರೋಗ್ಯಕ್ಕೆ ಏನನ್ನು ತಿನ್ನಬೇಕು ಎಂಬುದಕ್ಕೆ ಮಾಹಿತಿ ಈ ಲೇಖನದಲ್ಲಿ ಇದೆ.

ನಮ್ಮನ್ನು ಕಾಡುವ ಆತಂಕ ಮತ್ತು ದೇಹದ ನಡುವೆ ಸಂಬಂಧವಿದೆ. ಆಗಾಗ್ಗೆ ಎಲ್ಲ ವಿಚಾರಕ್ಕೂ ಆತಂಕ ಕಾಡುತ್ತಿದ್ದರೆ. ಮೆಗ್ನೀಶಿಯಂ ಅಂಶ ಸಮೃದ್ಧವಾಗಿರುವ ಚಿಯಾ ಬೀಜಗಳು, ಬಾದಾಮಿ, ಕುಂಬಳಕಾಯಿ ಬೀಜ, ಪಾಲಾಕ್​ ಸೊಪ್ಪು, ಡಾರ್ಕ್​ ಚಾಕೋಲೇಟ್ ತರಕಾರಿಯನ್ನು ತಿನ್ನುವುದು ಉತ್ತಮ. ಇದು ಮೆದುಳಿನ ನರವನ್ನು ಶಾಂತಗೊಳಿಸುವ ಮೂಲಕ, ಆತಂಕವನ್ನು ಕಡಿಮೆ ಮಾಡುತ್ತದೆ ಎಂದು ನಮಾಮಿ ಬರೆದುಕೊಂಡಿದ್ದಾರೆ.

ಕೆಲವೊಮ್ಮೆ ಕಾರಣವೇ ಇಲ್ಲದೆ ಬೇಸರವಾಗುತ್ತದೆ. ಅಳು ಬಂದಂತಾಗುತ್ತದೆ. ಕ್ಷುಲ್ಲಕ ಕಾರಣಕ್ಕೆ ಅಸಮಾಧಾನವಾಗುತ್ತದೆ. ಇಂತಹ ಸಂದರ್ಭದಲ್ಲಿ ವಿಟಮಿನ್​ ಡಿ ನಿಮ್ಮ ದೇಹಕ್ಕೆ ಸೇರಿಸಿಕೊಳ್ಳಬೇಕು. ನಿಮ್ಮ ದೇಹ ಮತ್ತು ಮೆದುಳು ಪ್ರಶಾಂತದಿಂದ ಕೂಡಿರಲು ಸೂರ್ಯನ ಬೆಳಕು, ಅಣಬೆ, ಮೀನು, ಬಾಳೆ ಹಣ್ಣು ತಿನ್ನುವುದು ವಿಟಮಿನ್​ ಡಿ ಮಟ್ಟವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಕರುಳಿನ ಆರೋಗ್ಯ ಚೆನ್ನಾಗಿದ್ದರೆ ಮೂಡ್ ಕೂಡ ಚೆನ್ನಾಗಿರುತ್ತದೆ. ಮೊಸರಿನಲ್ಲಿರುವ ಪ್ರೋಬಯಾಟಿಕ್ಸ್ ಕರುಳನ್ನು ಆರೋಗ್ಯವಾಗಿಟ್ಟು, ಮೆದುಳಿಗೆ ಧನಾತ್ಮಕ ಸಂಕೇತಗಳನ್ನು ರವಾನಿಸುತ್ತದೆ.

ಮೊಬೈಲ್​ ಬಂದ ನಂತರ ಅದರಲ್ಲಿರುವ ರೀಲ್ಸ್ ನೋಡುತ್ತಾ ಕುಳಿತು ಬಿಡುತ್ತೇವೆ. ಕೆಲಸ ಮಾಡಲು ಕುಳಿತರೆ ಗಮನ ಹರಿಸಲು ಸಾಧ್ಯವಾಗೋದಿಲ್ಲ. ಏನೋ ಮಾಡಲು ಹೋಗಿ ಮತ್ತಿನ್ನೇನೋ ಮಾಡುವುದು ಎಲ್ಲವೂ ಮರೆತಂತೆ ಆಗಿ, ಮತ್ತೆ ನೆನಪಾಗುವುದು ಇಂತಹ ಸಮಸ್ಯೆ ಕಾಡುತ್ತಿದ್ದರೆ, ಬ್ಲೂಬೆರ್ರಿ, ಸ್ಟ್ರಾಬೆರಿಗಳಂತಹ ಹಣ್ಣು, ಗ್ರೀನ್​ ಟೀ. ಮೊಟ್ಟೆ ಹಾಗೂ ಧಾನ್ಯಗಳನ್ನು ಸೇವಿಸಿ ಎನ್ನುತ್ತಾರೆ ಆಹಾರ ತಜ್ಞರು, (ಏಜೆನ್ಸೀಸ್).