Recipe: ಕ್ರಿಸ್ಮಸ್ ಹಬ್ಬ ಇನ್ನೇನು ಕೆಲವೇ ದಿನಗಳಲ್ಲಿ ಬಂದೇ ಬಿಡ್ತು. ಅನೇಕ ಜನರಿಗೆ ಕೇಕ್ ಕತ್ತರಿಸಬೇಕು ಎಂಬ ಹಂಬಲ ಇದ್ದೇ ಇರುತ್ತದೆ. ಆದರೆ, ಕೆಲವರು ಬೇಕರಿಯಲ್ಲಿ ಸಿಗುವಂತಹ ಕೇಕುಗಳು ಇಷ್ಟವಾಗಿರುವುದಿಲ್ಲ. ಹಾಗಾಗಿ ಮನೆಯಲ್ಲಿಯೇ ಸುಲಭವಾಗಿ ಓವನ್, ಒಲೆ ಇಲ್ಲದೇ 20 ನಿಮಿಷಗಳಲ್ಲಿ ಈ ಕೇಕನ್ನು ಮಾಡಿ ಸೇವಿಸಿರಿ.
ಬೇಕಾಗುವ ಪದಾರ್ಥಗಳು
* 200 ಗ್ರಾಂ ಡಾರ್ಕ್ ಚಾಕೊಲೇಟ್
* 300 ಗ್ರಾಂ ಒಣಗಿದ ಹಣ್ಣುಗಳು
* 200 ಗ್ರಾಂ ಪುಡಿಮಾಡಿದ ಬಿಸ್ಕತ್ತು
* 1 ಚಮಚ ಮಿಕ್ಸ್ಡ್ ಸ್ಪೈಸ್ (ದಾಲ್ಚಿನ್ನಿ, ಜಾಯಿಕಾಯಿ, ಏಲಕ್ಕಿ ಪೌಡರ್)
* ಚೆರ್ರಿ, ನಟ್ಸ್ ಅಥವಾ ಪೌಡರ್ ಸುಗರ್
ಮಾಡುವ ವಿಧಾನ
ಮೊದಲು ಒಂದು ಬಟ್ಟಲಿಗೆ ಡ್ರೈ ಫ್ರೂಟ್ಸ್ ಹಾಕಿ ಅದನ್ನು ಯಾವುದಾದರೂ ಜ್ಯೂಸ್ನಲ್ಲಿ 2 ಗಂಟೆ ನೆನಸಿಡಿ. ನಂತರ ಒಂದು ಬೌಲ್ಗೆ ಚಾಕೊಲೇಟ್ ಮತ್ತು ಬೆಣ್ಣೆಯನ್ನು ಹಾಕಿ ಅದನ್ನು ಕರಗಿಸಿಕೊಳ್ಳಿ. ಈ ಮಿಶ್ರಣಕ್ಕೆ ಹಾಲು, ಸ್ಪೈಸ್ ಪೌಡರ್ ಸೇರಿಸಿ ಚೆನ್ನಾಗಿ ಕಲಸಿಕೊಳ್ಳಿ. ನಂತರ ಅದಕ್ಕೆ ಬಿಸ್ಕತ್ತು ಪುಡಿ, ನೆನೆಸಿದ ಡ್ರೈ ಫ್ರೂಟ್ಸ್ ಮತ್ತು ನಟ್ಸ್ಗಳನ್ನು ಸೇರಿಸಿ ಎಲ್ಲವನ್ನೂ ಒಟ್ಟಾಗಿ ಮಿಕ್ಸ್ ಮಾಡಿ. ಮಿಶ್ರಣವನ್ನು ದಪ್ಪವಾಗಿಟ್ಟುಕೊಳ್ಳಿ.
ಒಂದು ಕೇಕ್ ಟಿನ್ಗೆ ಬೆಣ್ಣೆ ಹಚ್ಚಿ ಮಿಶ್ರಣವನ್ನು ಹಾಕಿ ಅದಕ್ಕೆ ಚೆರ್ರಿ, ನಟ್ಸ್ ಅಥವಾ ಚಾಕೊಲೇಟ್ ಡ್ರಿಜಲ್ ಹಾಕಿ ಡೆಕೊರೇಟ್ ಮಾಡಿ. ಫ್ರಿಜ್ನಲ್ಲಿ 4-6 ಗಂಟೆ ರಾತ್ರಿಯಿಡೀ ಫ್ರಿಜ್ನಲ್ಲಿಡಿ ನಂತರ ಸೇವಿಸಿ (ಏಜೆನ್ಸೀಸ್).
ಗಮನಿಸಿ: ಈ ಮಾಹಿತಿಯನ್ನು ಅಂತರ್ಜಾಲದಿಂದ ಸಂಗ್ರಹಿಸಲಾಗಿದೆ ಮತ್ತು ಮಾಹಿತಿ ಉದ್ದೇಶಗಳಿಗಾಗಿ ಮಾತ್ರ ಪ್ರಸ್ತುತ ಪಡಿಸಲಾಗಿದೆ. ಇದನ್ನು “ವಿಜಯವಾಣಿ ಡಾಟ್ ನೆಟ್” ದೃಢಪಡಿಸುವುದಿಲ್ಲ. ಯಾವುದೇ ಸಲಹೆಯನ್ನು ಅನುಸರಿಸುವ ಮೊದಲು ವೈದ್ಯರನ್ನು ಸಂಪರ್ಕಿಸುವುದು ಯಾವಾಗಲೂ ಉತ್ತಮ.