ಎಲ್ಲರಿಗೂ ಸಂಕ್ರಾಂತಿ ಹಬ್ಬದ ಶುಭಾಶಯಗಳು. ಎಳ್ಳು ಬೆಲ್ಲ ತಿಂದು ಒಳ್ಳೊಳ್ಳೆಯ ಮಾತುಗಳನ್ನಾಡೋಣ; ಜೊತೆಗೆ ಒಳ್ಳೆಯ ಆರೋಗ್ಯವನ್ನೂ ಪಡೆಯೋಣ. ಎಳ್ಳು ಆಯುರ್ವೆದದ ಪ್ರಕಾರ ಅತ್ಯಂತ ಗುಣಯುಕ್ತವಾದ ಪದಾರ್ಥಗಳಲ್ಲಿ ಒಂದು. ಆಯುರ್ವೆದದಲ್ಲಿ ‘ತೈಲಾನಾಂ ತಿಲತೈಲಮ್ ಎಂದು
ಆದ್ದರಿಂದ ಕೊಲೆಸ್ಟರಾಲ್ ಹೆಚ್ಚಿರುವವರು ಅಡುಗೆಯಲ್ಲಿ ಬೇರೆ ಎಣ್ಣೆಗಳ ಬದಲಿಗೆ ಎಳ್ಳೆಣ್ಣೆಯನ್ನು ಬಳಸಿದರೆ ಹೆಚ್ಚು ಒಳ್ಳೆಯದು. ಬಾಯಿಗೆ ಎಣ್ಣೆ ಹಾಕಿ ಮುಕ್ಕಳಿಸುವುದು ಅಂದರೆ ಆಯಿಲ್ ಪುಲ್ಲಿಂಗ್ ಮಾಡಲು ಕೂಡಾ ಎಳ್ಳೆಣ್ಣೆ ಒಳ್ಳೆಯದು. ಹಲ್ಲು ಜುಮ್ ಎನ್ನುವುದು, ವಸಡಿನ ಸಮಸ್ಯೆಗಳು, ಬೇಗ ಹಲ್ಲು ಹಾಳಾಗುವ ತೊಂದರೆಗಳು ಇದರಿಂದ ಹತೋಟಿಗೆ ಬರುತ್ತವೆ. ಇನ್ನು ಅಭ್ಯಂಗಕ್ಕೆ ಅಂದರೆ ದೇಹಕ್ಕೆ ಮಸಾಜ್ ಮಾಡಿಕೊಳ್ಳಲು ಎಳ್ಳೆಣ್ಣೆ ಅತ್ಯಂತ ಶ್ರೇಷ್ಠವಾದದ್ದು. ಏಕೆಂದರೆ ಬೇರೆ ಎಣ್ಣೆಗಳಿಗೆ ಹೋಲಿಸಿದರೆ ಇದು ಅತ್ಯಂತ ವಾತನಾಶಕ. ಹಾಗಾಗಿ ಇದನ್ನು ಬಿಸಿ ಮಾಡಿ ದೇಹಕ್ಕೆ ಮಸಾಜ್ ಮಾಡಿಕೊಂಡರೆ ಮಂಡಿ ನೋವು, ಸೊಂಟ ನೋವು, ಚರ್ಮ ಒಡೆಯುವುದು, ಚರ್ಮ ಸುಕ್ಕು ಗಟ್ಟುವುದು ಮುಂತಾದ ತೊಂದರೆಗಳನ್ನು ತಡೆಯಬಹುದು.
ಚರ್ಮದ ಆರೋಗ್ಯಕ್ಕೂ ಉತ್ತಮ: ಎಳ್ಳಿನ ಸೇವನೆಯಿಂದ ದೇಹದ ಬಲ, ಚರ್ಮದ ಆರೋಗ್ಯ ಕೂಡಾ ಹೆಚ್ಚಾಗುತ್ತದೆ. ಮೆದುಳಿಗೆ ಶಕ್ತಿಯನ್ನು ಕೊಟ್ಟು ಮಾನಸಿಕ ಬಲ ಮತ್ತು ನೆನಪಿನ ಶಕ್ತಿಯನ್ನು ಹೆಚ್ಚಿಸುತ್ತದೆ. ಈ ಎಲ್ಲ ಕಾರಣಗಳಿಂದ ಚಿಕ್ಕ ಮಕ್ಕಳಿಗೆ ರಾಸಾಯನಿಕ ಯುಕ್ತ ತಿಂಡಿ ತಿನಿಸುಗಳನ್ನು ಕೊಡುವ ಬದಲು ಎಳ್ಳುಂಡೆಯನ್ನು ತಯಾರಿಸಿ ಕೊಟ್ಟರೆ ಆರೋಗ್ಯ ವೃದ್ಧಿಯಾಗಲು ತುಂಬಾ ಸಹಾಯವಾಗುತ್ತದೆ. ಎಳ್ಳುಂಡೆಯನ್ನು ತಯಾರಿಸುವಾಗ ಎಳ್ಳಿನ ಜೊತೆ ಸಕ್ಕರೆಯನ್ನು ಬಳಸುವುದು ಬೇಡ; ಬದಲಿಗೆ ಸಾವಯವ ಬೆಲ್ಲವನ್ನು ಬಳಸಬೇಕು. ಹೀಗೆ ಎಳ್ಳು ಮತ್ತು ಬೆಲ್ಲಗಳನ್ನು ಬಳಸಿ ತಯಾರಿಸಿದ ಎಳ್ಳುಂಡೆಯನ್ನು ಕೊಡುವುದು ಮತ್ತು ಅಂಗಡಿಗಳಲ್ಲಿ ಸಿಗುವ ಚಟವನ್ನು ಹಿಡಿಸುವ ಕೆಟ್ಟ ತಿನಿಸುಗಳನ್ನು ಕೊಡದೇ ಇರುವುದು ಈ ಸಂಕ್ರಾಂತಿಯಿಂದ ಎಲ್ಲ ತಂದೆ ತಾಯಿಗಳು ತೆಗೆದುಕೊಳ್ಳಬೇಕಾದ ಶಪಥವಾಗಲಿ.
ಸಾವಯವ ಬೆಲ್ಲ ಬಳಸಿ: ಕ್ಯಾನ್ಸರ್ನಂತಹ ಕಾಯಿಲೆಗಳಿಗೆ ಸಕ್ಕರೆ ಕಾರಣವಾದರೆ ಬೆಲ್ಲವು ಧಾತುಗಳ ಬಲವನ್ನು ಹೆಚ್ಚಿಸುತ್ತದೆ. ವಾತ ದೋಷವನ್ನು ಕಡಿಮೆ ಮಾಡುತ್ತದೆ; ಅಗ್ನಿ ಬಲವನ್ನು ಹೆಚ್ಚಿಸುತ್ತದೆ; ಜೀರ್ಣಾಂಗ ವ್ಯೂಹವು ಶುದ್ದವಾಗಿರುವಂತೆ ನೋಡಿಕೊಳ್ಳುತ್ತದೆ. ಬೆಲ್ಲದಲ್ಲಿ ಕ್ಯಾಲ್ಸಿಯಂ, ಕಬ್ಬಿಣ, ಮ್ಯಾಗ್ನಿಸಿಯಂ, ಪೊಟ್ಯಾಶಿಯಂ, ಸೆಲಿನಿಯಂ ನಂತಹ ಪೋಷಕಾಂಶಗಳು ಹೇರಳವಾಗಿ ಸಿಗುತ್ತವೆ. ಹಾಗಾಗಿ ಸಕ್ಕರೆಯ ಬದಲಿಗೆ ಇನ್ನು ಸಾವಯವ ಬೆಲ್ಲವನ್ನೇ ಬಳಸೋಣ.
ಸಂಕ್ರಾಂತಿಯಿಂದ ಯುಗಾದಿಯವರೆಗಿನ ಸಮಯದಲ್ಲಿ ನಮ್ಮ ದೇಹದಲ್ಲಿ ಕಫದೋಷವು ಅತ್ಯಂತ ಪ್ರಬಲವಾಗಿರುವ ಕಾರಣದಿಂದ ನಾವು ಈ ಕಾಲದಲ್ಲಿ ಕರಿದ ಪದಾರ್ಥಗಳನ್ನು, ಫ್ರಿಜ್ಜಿನಲ್ಲಿ ಇಟ್ಟ ತಂಪು ಪದಾರ್ಥಗಳನ್ನು ಸೇವಿಸುವುದು ಸರಿಯಲ್ಲ. ಬದಲಿಗೆ ಎಲ್ಲ ರೀತಿಯ ಹಣ್ಣುಗಳು, ಸೊಪ್ಪುಗಳು ಮತ್ತು ನಟ್ಗಳನ್ನು ತಿನ್ನಲು ಇದು ಸಕಾಲ. ಈ ಸಂಕ್ರಾಂತಿಯು ಎಲ್ಲರಿಗೂ ಆರೋಗ್ಯದ ಕ್ರಾಂತಿಯನ್ನು ಮಾಡುವ ಬುದ್ಧಿಯನ್ನು ಕೊಡಲಿ ಎಂದು ದೇವರಲ್ಲಿ ಪ್ರಾರ್ಥಿಸೋಣ.
(ಪ್ರತಿಕ್ರಿಯಿಸಿ: vvsudina@gmail.com)
