IRCTCಯಿಂದ ಅಜಂತಾ-ಎಲ್ಲೋರಾ ಬಂಪರ್ ಟೂರ್
ನಾಲ್ಕು ದಿನ ಮಹಾರಾಷ್ಟ್ರ ಸುತ್ತುವ ಆಸೆ ಹೊತ್ತವರಿಗೆ ಗುಡ್ನ್ಯೂಸ್
ಕಡಿಮೆ ದರದಲ್ಲಿ ಅಜಂತಾ ಎಲ್ಲೋರಾ ನೋಡಲು ಅವಕಾಶ
ಪ್ರಾಚೀನ ಕಾಲದ ಗುಹೆಗಳು ಹಾಗೂ ಪ್ರಸಿದ್ಧ ದೇವಾಲಯ, ಕೋಟೆ ನೋಡಲು ಬಯಸುವ ಪ್ರವಾಸಿಗರಿಗೆ ಗುಡ್ನ್ಯೂಸ್. ಇಂಡಿಯನ್ ರೈಲ್ವೆ ಕ್ಯಾಟರಿಂಗ್ ಅಂಡ್ ಟೂರಿಸಂ ಕಾರ್ಪೊರೇಷನ್ (ಐಆರ್ಸಿಟಿಸಿ) ಮಾರ್ವೆಲ್ ಆಫ್ ಮಹಾರಾಷ್ಟ್ರ ಹೆಸರಿನಲ್ಲಿ ಕಡಿಮೆ ದರದಲ್ಲಿ ಪ್ರವಾಸದ ಯೋಜನೆಯನ್ನು ಜಾರಿ ಮಾಡಿದೆ. ಇದು ಹೈದರಾಬಾದ್ನ ಕಾಚಿಗುಡದಿಂದ ಈ ಪ್ರವಾಸ ಆರಂಭವಾಗಲಿದೆ.
ಮಾರ್ವೆಲ್ ಆಫ್ ಮಹಾರಾಷ್ಟ್ರ ಪ್ರವಾಸವು ಮೂರು ರಾತ್ರಿಗಳು ಹಾಗೂ ನಾಲ್ಕು ದಿನಗಳ ಕಾಲ ಇರಲಿದೆ. ಪ್ರತಿ ಶುಕ್ರವಾರ ಸಂಜೆ 6:30 ಕ್ಕೆ ಕಾಚಿಗುಡದ ರೈಲು ನಿಲ್ದಾಣದಿಂದ 17064 ಅಜಂತಾ ಎಕ್ಸ್ಪ್ರೆಸ್ ರೈಲಿನಲ್ಲಿ ಪ್ರಯಾಣ ಆರಂಭವಾಗುತ್ತದೆ ಎನ್ನಲಾಗಿದೆ.
ಇನ್ನೂ ಶನಿವಾರ ಬೆಳಿಗ್ಗೆ ಬೆಳಿಗ್ಗೆ 5:25 ಕ್ಕೆ ಛತ್ರಪತಿ ಸಂಭಾಜಿನಗರಕ್ಕೆ ರೈಲು ತಲುಪುತ್ತದೆ. ಅಲ್ಲಿ ಖಾಸಗಿ ಹೋಟೆಲ್ನಲ್ಲಿ ತಿಂಡಿ ಮುಗಿಸಿಕೊಂಡ ನಂತರ ಎಲ್ಲೋರ ಗುಹೆ ಮತ್ತು ಗುಹೇಶ್ವರ ದೇವಾಲಯಕ್ಕೆ ಭೇಟಿ ನೀಡಬೇಕಾಗುತ್ತದೆ. ಸಂಜೆ ಐತಿಹಾಸಿಕ ಪ್ರಸಿದ್ಧ ಬೀಬಿ ಮಕ್ಬರಾ ವೀಕ್ಷಣೆಗೆ ಅವಕಾಶ ಇರುತ್ತದೆ. ರಾತ್ರಿ ಸಂಭಾಜಿನಗರದ ಹೋಟೆಲ್ನಲ್ಲಿ ತಂಗಲು ಸೌಲಭ್ಯವಿರಲಿದೆ.
ಭಾನುವಾರ ಬೆಳಿಗ್ಗೆ ತಿಂಡಿ ನಂತರ ಚೆಕ್ಔಟ್ ಇರುತ್ತದೆ. ಸುಮಾರು 100 ಕಿ.ಮೀ ದೂರದಲ್ಲಿರುವ ಅಜಂತಾ ಗುಹೆ ನೋಡಲು ಸೌಲಭ್ಯ ಕಲ್ಪಿಸಲಾಗುತ್ತದೆ.ರಾತ್ರಿ 10:45 ಕ್ಕೆ 17063 ರೈಲಿನಲ್ಲಿ ಕಾಚಿಗುಡಕ್ಕೆ ಹೊರಡುತ್ತೀರಿ. ಸೋಮವಾರ ಬೆಳಿಗ್ಗೆ 9:45 ಕ್ಕೆ ಕಾಚೆಗುಡಕ್ಕೆ ಆಗಮಿಸುವುದರೊಂದಿಗೆ ಪ್ರವಾಸವು ಮುಕ್ತಾಯಗೊಳ್ಳುತ್ತದೆ.
ಪ್ಯಾಕೇಜ್ ದರ ಹೀಗಿದೆ (ಜುಲೈ 2026 ರಿಂದ ಜಾರಿಗೆ ಬಂದಿರುವಂತೆ)
1 ರಿಂದ 3 ಪ್ರಯಾಣಿಕರಿಗೆ: ಕಂಫರ್ಟ್ (3AC): ಸಿಂಗಲ್ ಶೇರಿಂಗ್ 22,730, ಅವಳಿ ಹಂಚಿಕೆ 13,340, ಟ್ರಿಪಲ್ ಶೇರಿಂಗ್ 10,700 ರಿಂದ ಪ್ರಾರಂಭ.
ಸ್ಟ್ಯಾಂಡರ್ಡ್ : ಸಿಂಗಲ್ ಶೇರಿಂಗ್ 21,230ರೂ., ಇಬ್ಬರಿಗೆ ಹಂಚಿಕೆ 11,830ರೂ., ಟ್ರಿಪಲ್ ಶೇರಿಂಗ್ 9,200ರೂ. ರಿಂದ ಆರಂಭ. 4 ರಿಂದ 6 ಪ್ರಯಾಣಿಕರಿಗೆ ಕಂಫರ್ಟ್: ಟ್ವಿನ್ ಹಂಚಿಕೆ 10,810ರೂ., ಟ್ರಿಪಲ್ ಶೇರಿಂಗ್ 10,150.
(ಹಾಸಿಗೆ ಇರುವ ಅಥವಾ ಇಲ್ಲದ 5 ರಿಂದ 11 ವರ್ಷ ವಯಸ್ಸಿನ ಮಕ್ಕಳಿಗೆ ವಿಶೇಷ ದರಗಳು ಅನ್ವಯಿಸುತ್ತವೆ).
ಪ್ಯಾಕೇಜ್ನಲ್ಲಿ ಏನೆಲ್ಲ ಸೌಲಭ್ಯಗಳಿದೆ
ರೈಲು ಪ್ರಯಾಣ
ಎಸಿ ವಾಹನ ಸೌಲಭ್ಯ
ಒಂದು ರಾತ್ರಿ ಹೋಟೆಲ್ ವಸತಿ
ಎರಡು ಉಪಹಾರಗಳು
ಪ್ರಯಾಣ ವಿಮೆ
ಪ್ರೇಕ್ಷಣೀಯ ಸ್ಥಳಗಳಿಗೆ ಸಾರಿಗೆ, ಟೋಲ್ಗಳು, ಪಾರ್ಕಿಂಗ್ ಮತ್ತು ಜಿಎಸ್ಟಿ
ಪ್ಯಾಕೇಜ್ನಲ್ಲಿ ಒಳಗೊಳ್ಳದ ಅಂಶಗಳು
ಮಧ್ಯಾಹ್ನ ಹಾಗೂ ರಾತ್ರಿಯ ಊಟ ಮತ್ತು ರೈಲಿನಲ್ಲಿ ಆಹಾರ
ಪ್ರವಾಸ ಮಾರ್ಗದರ್ಶಿಮತ್ತು ಹೆಚ್ಚುವರಿ ಮನರಂಜನಾ ಚಟುವಟಿಕೆಗಳ ಖರ್ಚುಗಳು
ಹೆಚ್ಚಿನ ಮಾಹಿತಿಗಾಗಿ ಐಎಸ್ಆರ್ಟಿಸಿ ವೆಬ್ಸೈಟ್ಗೆ ಭೇಟಿ ನೀಡಿ (ಏಜೆನ್ಸೀಸ್).