ಒಂಟಿಯಾಗಿ ಮೊಬೈಲ್​ ನೋಡ್ತಾ, ಊಟ ಮಾಡೋದು ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತೆ!; ಹೇಗೆ?..Eating Alone Health Risks

Eating Alone Health Risks: ಈ ಹಿಂದೆ ಅವಿಭಕ್ತ ಕುಟುಂಬಗಳು ಹೆಚ್ಚಿದ್ದ ಕಾರಣ, ಎಲ್ಲರು ಒಟ್ಟಾಗಿ ಅಡುಗೆ ಮಾಡುತ್ತಾ..ಕೆಲಸ ಮಾಡುತ್ತಾ , ಹರಟೆ ಒಡೆಯುತ್ತ ಮಾತಿನಲ್ಲೇ ಒಬ್ಬೊಬ್ಬರ ಕಾಲೆಳೆಯುತ್ತ ಊಟ ಮಾಡುತ್ತಿದ್ದರು. ಆದರೆ.. ಎಐ ಜಗತ್ತಿನಲ್ಲಿ ಜನರನ್ನು ಮಾತನಾಡಿಸುವುದು ಕಷ್ಟವಾಗಿದೆ. ಅವಿಭಕ್ತ ಕುಟುಂಬ ದಿನ ಕಳೆದಂತೆ ವಿಭಕ್ತ ಕುಟುಂಬವಾಗಿ ಮಾರ್ಪಾಡಾಗುತ್ತಿದೆ. ಈಗ ಮೂರರಿಂದ ಹೆಚ್ಚು ಜನರು ಒಟ್ಟಾಗಿ ಇರವುದಕ್ಕೂ ಹಿಂಜರಿಯುತ್ತಿರುವ ಕಾಲಮಾನದಲ್ಲಿದ್ದೇವೆ.

ಈಗ ಒಂಟಿಯಾಗಿ ಕೂತು ಊಟ ಮಾಡೋದು ಸಾಮಾನ್ಯವಾಗಿದೆ. ಮೆಟ್ರೋ ನಗರದಲ್ಲಿ ಬದುಕುತ್ತಿರುವರಿಗೆ ಇದೇ ಸರಿಯಾದ ಮಾರ್ಗ ಎನಿಸುತ್ತದೆ. ಯಾರ ತಲೆಬಿಸಿಯೂ ಇಲ್ಲದೆ ಏಕಾಂತದಲ್ಲಿ ತಿನ್ನುವುದು ಚಂದ ಎನಿಸುತ್ತದೆ. ಆದರೆ, ಹೊಸ ವರದಿಯೊಂದು ಈ ಮಾದರಿ ಆಹಾರ ಸೇವನೆ ಹಾನಿಕಾರಕ ಎಂದಿದೆ.

ಗುಂಪಿನಲ್ಲಿ ಕೂತು ಊಟ ಮಾಡುವಾಗ ಆಹಾರದಲ್ಲಿರುವ ಪೋಷಕಾಂಶದ ಬಗ್ಗೆ, ರುಚಿಯ ಬಗ್ಗೆ ಮಾತನಾಡುತ್ತಾ ಸೇವನೆ ಮಾಡುತ್ತೇವೆ, ಅಡುಗೆ ತಯಾರಿ ಮಾಡುತ್ತೇವೆ. ಯಾವ ಆಹಾರ ಇಂದು ಬೇಕು ಎಂದು ಮಾತನಾಡಿಕೊಂಡು, ಯಾವುದು ಆರೋಗ್ಯಕ್ಕೆ ಒಳ್ಳೆಯದು ಎಂದು ಕೇಳಿಕೊಂಡು ತಯಾರಿಸುತ್ತೇವೆ. ಆದರೆ, ಇತ್ತೀಚಿನ ದಿನಗಳಲ್ಲಿ ಒಬ್ಬೊಬ್ಬರೇ ಅಡುಗೆ ಮಾಡಿಕೊಂಡು ತಿನ್ನುವಾಗ ಕಾಟಾಚಾರಕ್ಕೆ ಊಟವನ್ನು ತಯಾರಿಸಿಕೊಳ್ಳುತ್ತೇವೆ. ಜೊತೆಗೆ ತಿನ್ನುತ್ತೇವೆ.

ಮೊಬೈಲ್​ ಅಥವಾ ಟಿವಿ ನೋಡುತ್ತಾ ತಿನ್ನುವುದರಿಂದ ದೇಹಕ್ಕೆ ಬೇಕಾದ ಪ್ರಮಾಣಕ್ಕಿಂತ ಹೆಚ್ಚಾಗಿ ಆಹಾರ ಸೇವನೆ ಮಾಡುತ್ತೇವೆ. ಇಲ್ಲಿ ಹೊಟ್ಟೆ ತುಂಬಿದ ಭಾವನೆಯೇ ಮೂಡೋದಿಲ್ಲ. ಹೀಗಾಗಿ ಹೆಚ್ಚು ತಿಂದು ದೇಹದಲ್ಲಿ ಬೊಜ್ಜು ಹೆಚ್ಚಾಗುವಂತೆ ಮಾಡಿಕೊಳ್ಳುತ್ತೇವೆ. ಇದು ತೂಕ ಏರಿಕೆಗೆ ಕಾರಣವಾಗುತ್ತದೆ.

ಒಬ್ಬರೇ ಕೂತು ತಿನ್ನುವುದರಿಂದ ಮೆಟಬಾಲಿಸಂ ಉತ್ಪತ್ತಿಯಾಗದೆ ಕುಂಠಿತವಾಗುತ್ತದೆ. ಆದರೆ, ಸಂತೋಷವಾಗಿ ಕೂಡು ಕುಟುಂಬದಂತೆ ಕೆಲವರ ಜೊತೆಗೆ ಕೂತು ಊಟ ಮಾಡೋದ್ರಿಂದಾಗಿ ಒತ್ತಡ ಹೆಚ್ಚಾಗದೆ ಜೀರ್ಣಕಾರಿ ರಸಗಳು ಉತ್ಪತ್ತಿಯಾಗಿ ಮೆಟಬಾಲಿಸಂ ಕುಂಠಿತವನ್ನು ತಡೆಯುತ್ತದೆ. ಜೊತೆಗೆ ಇದು ಮಲಬದ್ಧತೆ ತಡೆಗೂ ಕಾರಣವಾಡುತ್ತದೆ.

ದೀರ್ಘಕಾಲ ಒಂಟಿಯಾಗಿ ಊಟ ಮಾಡುವುದರಿಂದ ಮೆಟಬಾಲಿಕ್​ ಸಿಂಡ್ರೋಮ್​ ಕಾಣಿಸಿಕೊಂಡು ರಕ್ತದೊತ್ತಡ ಮತ್ತು ಕೊಲೆಸ್ಟ್ರಾಲ್​ ಏರಿಕೆಗೆ ಕಾರಣವಾಗುತ್ತದೆ. ಇವು ಹೃದಯಾಘಾತದಂತಹ ಸಮಸ್ಯೆ ಉದ್ಭವಕ್ಕೆ ಕಾರಣವಾಗುತ್ತದೆ.

ವಾರ ಪೂರ್ತಿ ಒಂಟಿಯಾಗಿ ಊಟ ಮಾಡುವ ಬದಲು ವಾರದಲ್ಲಿ ಒಂದೆರಡು ದಿನ ನಿಮ್ಮ ಗೆಳೆಯ ಅಥವಾ ಗೆಳತಿಯರ ಮನೆಗೆ ಊಟಕ್ಕೆ ಹೋಗಿ ಅಥವಾ ಅವರನ್ನೇ ನಿಮ್ಮ ಮನೆಗೆ ಊಟಕ್ಕೆ ಕರೆದು ಒಟ್ಟಾಗಿ ಅಡುಗೆ ತಯಾರಿಸಿ ಊಟ ಮಾಡಿ. ಇದ್ರಿಂದ ಆರೋಗ್ಯದಲ್ಲಿ ಸಕರಾತ್ಮಕ ಜೀರ್ಣಕಾರಿ ರಸಗಳು ಉದ್ಭವವಾಗುತ್ತದೆ. ಊಟ ಮಾಡುವಾಗ ಮೊಬೈಲ್​ ಬಳಸದೆ ಇರುವ ಹವ್ಯಾಸ ಬೆಳೆಸಿಕೊಳ್ಳಿ, (ಏಜೆನ್ಸೀಸ್).