Gulab Jamun Ice cream (ಸಾಂದರ್ಭಿಕ ಚಿತ್ರ)
Gulab Jamun Ice cream: ಐಸ್ಕ್ರೀಮ್ ಅಂದರೆ ಯಾರಿಗೆ ತಾನೇ ಇಷ್ಟ ಇಲ್ಲ ಹೇಳಿ. ಚಳಿಗಾಲ ಆಗಲಿ, ಬೇಸಿಗೆಕಾಲ ಆಗಲಿ, ಮಳೆಗಾಲವಾಗಲಿ ಆದಷ್ಟು ಜನರು ಐಸ್ ಕ್ರೀಮ್ ತಿನ್ನಲು ಹಾತೊರೆಯುತ್ತಿರುತ್ತಾರೆ. ಗುಲಾಬ್ ಜಾಮೂನ್ ಐಸ್ಕ್ರೀಮ್ ಒಂದು ಸೂಪರ್ ರುಚಿಕರ ಫ್ಯೂಷನ್ ಡೆಸರ್ಟ್ ಆಗಿದ್ದು, ಇದನ್ನು ಮನೆಯಲ್ಲೇ ಐಸ್ಕ್ರೀಮ್ ಮೆಷೀನ್ ಇಲ್ಲದೆ ಮಾಡಬಹುದು. ಇದು ಎಗ್ಲೆಸ್, ಸರಳ ಮತ್ತು ಕೇವಲ 4-5 ಪದಾರ್ಥಗಳೊಂದಿಗೆ ತಯಾರಾಗುತ್ತದೆ. ಹಾಗಿದ್ದರೆ, ಇನ್ಯಾಕೆ ತಡ ಈಗಲೇ ಟ್ರೈ ಮಾಡಿ...
ಬೇಕಾಗುವ ಪದಾರ್ಥಗಳು
* 1 ಕ್ಯಾನ್ ಸ್ವೀಟನ್ಡ್ ಕಂಡೆನ್ಸ್ಡ್ ಮಿಲ್ಕ್
* 1-2 ಟೀಸ್ಪೂನ್ ರೋಸ್ ವಾಟರ್
* ½ ಟೀಸ್ಪೂನ್ ಏಲಕ್ಕಿ ಪೌಡರ್
* ಸ್ಲಿವರ್ಡ್ ಬದಾಮ್, ಪಿಸ್ತಾ ಅಥವಾ ರೋಜ್ ಪೆಟಲ್ಸ್
ಮಾಡುವ ವಿಧಾನ
ಗುಲಾಬ್ ಜಾಮೂನ್ಗಳನ್ನು ಸಿರಪ್ನಿಂದ ತೆಗೆದುಕೊಂಡು ಅದನ್ನು ಪೇಪರ್ ಟವೆಲ್ ಮೇಲೆ 10-15 ನಿಮಿಷ ಇಟ್ಟು ಒಣಗಿಸಿ. ನಂತರ ಸಣ್ಣ ಪೀಸ್ಗಳಾಗಿ ಕತ್ತರಿಸಿ ಅಥವಾ ಕ್ರಷ್ ಮಾಡಿ. ದೊಡ್ಡ ಬೌಲ್ನಲ್ಲಿ ತಣ್ಣಗಿರುವ ಕ್ರೀಮ್ ಅನ್ನು ಎಲೆಕ್ಟ್ರಿಕ್ ಬೀಟರ್ನಿಂದ ಸ್ಟಿಫ್ ಪೀಕ್ಸ್ ಬರುವವರೆಗೆ ಮಿಶ್ರಣ ಮಾಡಿ ಇಟ್ಟುಕೊಳ್ಳಿ.
ನಂತರ ಮತ್ತೊಂದು ಬೌಲ್ ತೆಗೆದುಕೊಂಡು ಅದಕ್ಕೆ ಸ್ವೀಟನ್ಡ್ ಕಂಡೆನ್ಸ್ಡ್ ಮಿಲ್ಕ್, ಏಲಕ್ಕಿ ಪೌಡರ್, ರೋಸ್ ವಾಟರ್, ಕೇಸರಿ ಹಾಕಿ ಚೆನ್ನಾಗಿ ಕಲೆಸಿಕೊಳ್ಳಿ. ವಿಪ್ಡ್ ಕ್ರೀಮ್ಗೆ ಈ ಮಿಶ್ರಣವನ್ನು ಸ್ವಲ್ಪ ಹಾಕಿ, ಚಮಚ ಬಳಸಿ ಮೆಲ್ಲಗೆ ಫೋಲ್ಡ್ ಮಾಡಿ.
ಈಗ ಸಣ್ಣ ಗುಲಾಬ್ ಜಾಮೂನ್ ಪೀಸ್ಗಳಲ್ಲಿ ಸುಮಾರು ಅರ್ಧ ಭಾಗವನ್ನು ಮಿಶ್ರಣಕ್ಕೆ ಸೇರಿಸಿ ಮೆಲ್ಲಗೆ ಕಲೆಸಿ. ನಂತರ ಏರ್ಟೈಟ್ ಕಂಟೈನರ್ ಅಥವಾ ಬ್ರೆಡ್ ಲೋಫ್ ಪ್ಯಾನ್ಗೆ ಈ ಮಿಶ್ರಣವನ್ನು ಸುರಿದು, ಮೇಲೆ ಉಳಿದ ಗುಲಾಬ್ ಜಾಮೂನ್ ಪೀಸ್ಗಳನ್ನು ಹರಡಿ, ಸ್ವಲ್ಪ ಬದಾಮ್, ಪಿಸ್ತಾ ಸಿಂಪಡಿಸಿ. ನಂತರ ಬಟ್ಟಲುಗಳಲ್ಲಿ ಹಾಕಿ ಫ್ರಿಜ್ನಲ್ಲಿಟ್ಟು ಸ್ವಲ್ಪ ಗಟ್ಟಿಯಾದ ನಂತರ ಸೇವಿಸಿ (ಏಜೆನ್ಸೀಸ್).
ಗಮನಿಸಿ: ಈ ಮಾಹಿತಿಯನ್ನು ಅಂತರ್ಜಾಲದಿಂದ ಸಂಗ್ರಹಿಸಲಾಗಿದೆ ಮತ್ತು ಮಾಹಿತಿ ಉದ್ದೇಶಗಳಿಗಾಗಿ ಮಾತ್ರ ಪ್ರಸ್ತುತ ಪಡಿಸಲಾಗಿದೆ. ಇದನ್ನು “ವಿಜಯವಾಣಿ ಡಾಟ್ ನೆಟ್” ದೃಢಪಡಿಸುವುದಿಲ್ಲ. ಯಾವುದೇ ಸಲಹೆಯನ್ನು ಅನುಸರಿಸುವ ಮೊದಲು ವೈದ್ಯರನ್ನು ಸಂಪರ್ಕಿಸುವುದು ಯಾವಾಗಲೂ ಉತ್ತಮ.