ಹೆಲ್ತಿ ಅಂಡ್ ಟೇಸ್ಟಿ: ಎಣ್ಣೆ ಕಡಿಮೆ ಬಳಸಿ 'ತವಾ ಫಿಶ್' ಮಾಡುವುದು ಹೇಗೆ? ಇಲ್ಲಿದೆ ಸಿಂಪಲ್ ರೆಸಿಪಿ Fish Recipes

* 1/2 ಕೆಜಿ ಮೀನು

* 2 ಚಮಚ ಕೆಂಪು ಮೆಣಸಿನ ಪುಡಿ

* ಅರ್ಧ ಚಮಚ ಅರಿಶಿನ ಪುಡಿ

* 1 ಚಮಚ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ 

* ಅರ್ಧ ಚಮಚ ಗರಂ ಮಸಾಲ

* 1 ಚಮಚ ಲಿಂಬೆ ರಸ

* ರುಚಿಗೆ ತಕ್ಕಷ್ಟು ಉಪ್ಪು

* ಸ್ವಲ್ಪ  ಕರಿಬೇವು

* 2-3 ಚಮಚ ಕೊಬ್ಬರಿ ಎಣ್ಣೆ 

ಒಂದು ಬೌಲ್‌ನಲ್ಲಿ ಮೆಣಸಿನ ಪುಡಿ, ಅರಿಶಿನ, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಗರಂ ಮಸಾಲ, ಲಿಂಬೆ ರಸ, ಉಪ್ಪು ಮತ್ತು ಸ್ವಲ್ಪ ನೀರು ಸೇರಿಸಿ ಮಿಕ ದಪ್ಪನೆಯ ಪೇಸ್ಟ್ ಮಾಡಿಕೊಳ್ಳಿ. ನಂತರ ತೊಳೆದಿಟ್ಟಿರುವ ಮೀನಿನ ತುಂಡುಗಳಿಗೆ ಮಸಾಲೆಯನ್ನು ಎರಡೂ ಬದಿ ಸಮನಾಗಿ ಹಚ್ಚಿ. ಕನಿಷ್ಠ 20 ರಿಂದ 30 ನಿಮಿಷಗಳ ಕಾಲ ಮಸಾಲೆಯಲ್ಲಿ ನೆನೆಯಲು ಬಿಡಿ. 

ಇದಾದ ಬಳಿಕ ನಾನ್-ಸ್ಟಿಕ್ ಅಥವಾ ಕಬ್ಬಿಣದ ತವಾವನ್ನು ಒಲೆಯ ಮೇಲಿಟ್ಟು, ಅದಕ್ಕೆ ಸ್ವಲ್ಪ ಎಣ್ಣೆ ಸವರಿ ಬಿಸಿ ಮಾಡಿಕೊಂಡು ಮಸಾಲೆ ಹಚ್ಚಿದ ಮೀನಿನ ತುಂಡುಗಳನ್ನು ಒಂದೊಂದಾಗಿ ಇರಿಸಿ. ಮೇಲೆ ಸ್ವಲ್ಪ ಕರಿಬೇವು ಉದುರಿಸಿ.

ಕಡಿಮೆ ಉರಿಯಲ್ಲಿ ಮೀನನ್ನು ಎರಡೂ ಬದಿ ತಲಾ 5-7 ನಿಮಿಷಗಳ ಕಾಲ ಅಥವಾ ಮೀನು ಕೆಂಪಗಾಗಿ ಬೇಯುವವರೆಗೆ ಫ್ರೈ ಮಾಡಿ. ಬಿಸಿಯಾದ ತವಾ ಫಿಶ್​ ಈಗ ಸವಿಯಲು ಸಿದ್ಧ (ಏಜೆನ್ಸೀಸ್​).