ತೂಕ ಹೆಚ್ಚಿಸಿಕೊಳ್ಳಲು ಯೋಚನೆ ಮಾಡ್ತಿದ್ದೀರಾ? ಇನ್ಯಾಕೆ ತಡ ಈ ಆಹಾರ ಸೇವಿಸಿ! ಫಲಿತಾಂಶ ಗಮನಿಸಿ...Weight gain recipe

Weight gain recipe: ತೂಕ ಹೆಚ್ಚಿಸಿಕೊಳ್ಳುವುದು ಬಹಳ ಕಷ್ಟಕರವಾದ ಕೆಲಸ ಎಂದು ಬಹಳಷ್ಟು ಜನ ನಂಬಿರುತ್ತಾರೆ. ಅದರಂತೆ ಅನೇಕರು ಅನೇಕ ಪದಾರ್ಥಗಳನ್ನು ಸೇವಿಸುತ್ತಾರೆ. ಕೆಲವರು ಜಿಮ್​ಗೆ ಹೋಗುತ್ತಾರೆ. ಇನ್ನು ಕೆಲವರು ಔಷಧಿಗಳನ್ನು ಸೇವಿಸಲು ಪ್ರಾರಂಭಿಸುತ್ತಾರೆ. ಈ ರೀತಿಯಾಗಿ ಮಾಡಿದರೂ ಕೆಲವೊಮ್ಮೆ ದೇಹದಲ್ಲಿ ತೂಕ ಹೆಚ್ಚಾಗದೇ ನಿರಾಸೆಗೊಳ್ಳುತ್ತಾರೆ. ಹಾಗಾಗಿ ಈ ರೀತಿಯ ಪ್ರೊಟೀನ್​ ಹೊಂದಿರುವಂತಹ ಆಹಾರ ಪದಾರ್ಥಗಳನ್ನು ಸೇವಿಸುವುದರಿಂದ ತೂಕವನ್ನು ಹೆಚ್ಚಿಸಿಕೊಳ್ಳಬಹುದು.

* 2 ಬಾಳೆಹಣ್ಣು

* 4-5 ಚಮಚ ಓಟ್ಸ್​

* 2 ಕಪ್​ ಹಾಲು

* 4 ಚಮಚ ಮೊಸರು

* 2 ಚಮಚ ಜೇನುತುಪ್ಪ

* 1 ಚಿಟಿಕೆ ಏಲಕ್ಕಿ ಪುಡಿ

* ಐಸ್​ ಕ್ಯೂಬ್​

* 2-3 ಹನಿ ವೆನಿಲ್ಲಾ ಎಸೆನ್ಸ್​

ಮೊದಲಿಗೆ ಒಂದು ಬಟ್ಟಲು ತೆಗೆದುಕೊಳ್ಳಿ ಅದಕ್ಕೆ, ಓಟ್ಸ್​ ಹಾಕಿ 5 ನಿಮಿಷಗಳ ಕಾಲ ನೆನಸಿಡಿ. ನಂತರ ಬಾಳೆಹಣ್ಣನ್ನು ಚಿಕ್ಕದಾಗಿ ಕತ್ತರಿಸಿಕೊಂಡು ಇಟ್ಟುಕೊಳ್ಳಿ. ಇದಾದ ಬಳಿಕ ಒಂದು ಮಿಕ್ಸಿ ಜಾರಿಗೆ ಬಾಳೆಹಣ್ಣು, ಓಟ್ಸ್, ಮೊಸರು ಹಾಕಿ ನುಣ್ಣಗೆ ರುಬ್ಬಿಕೊಳ್ಳಿ. ಅದಕ್ಕೆ ಹಾಲು, ಜೇನುತುಪ್ಪ, ಏಲಕ್ಕಿ ಪುಡಿ, ಐಸ್ ಕ್ಯೂಬ್ಸ್ ಸೇರಿಸಿ ಮತ್ತೆ ನಯವಾಗಿ ಮಿಕ್ಸಿ ಮಾಡಿಕೊಳ್ಳಿ. ನಂತರ ಸೇವಿಸಿರಿ.

* 1/2 ಕಪ್​ ಹುರಿದ ಗೋಧಿ ಹಿಟ್ಟು

* 2 ಚಮಚ ನಿಂಬೆ ರಸ

* 1/4 ಚಮಚ ಕರಿಮೆಣಸು ಪುಡಿ

* 1/4 ಜೀರಿಗೆ ಪುಡಿ

* ಒಂದು ಚಿಟಿಕೆ ಕಾಳು ಮೆಣಸು ಪುಡಿ

* ಕಪ್ಪು ಉಪ್ಪು

* ಕೊತ್ತಂಬರಿ ಸೊಪ್ಪು

* ಐಸ್ ಕ್ಯೂಬ್ಸ್

ಮೊದಲು ಒಂದು ಗ್ಲಾಸ್​ಗೆ ಹುರಿದ ಗೋಧಿ ಹಿಟ್ಟು ಹಾಕಿರಿ. ಅದಕ್ಕೆ ಸ್ವಲ್ಪ ನೀರು ಸೇರಿಸಿ ಚೆನ್ನಾಗಿ ಮಿಕ್ಸ್​ ಮಾಡಿ. ಅದಕ್ಕೆ ನಿಂಬೆ ರಸ, ಕರಿಮೆಣಸು, ಜೀರಿಗೆ ಪುಡಿ, ಕಾಳು ಮೆಣಸು, ಉಪ್ಪು ಕೊತ್ತುಂಬರಿ ಸೊಪ್ಪು ಸೇರಿಸಿ ಮಿಕ್ಸ್ ಮಾಡಿ. ನಂತರ ಐಸ್​ ಕ್ಯೂಬ್​ ಹಾಕಿ ಕುಡಿಯಿರಿ (ಏಜೆನ್ಸೀಸ್).