ವಿಜಯವಾಣಿ ಸುದ್ದಿಜಾಲ ಬೆಂಗಳೂರು:
ವಿಶ್ವಾದ್ಯಂತ ಅದರಲ್ಲೂ ಭಾರತದಲ್ಲಿ ಇವಿ ಮಾರುಕಟ್ಟೆ ವ್ಯಾಪಕವಾಗಿ ವಿಸ್ತರಿಸುತ್ತಿದೆ. ಸ್ಕೂಟರ್, ಕಾರ್ ಸೇರಿ ಹಲವು ಬಗೆಯ ಇವಿ ವಾಹನಗಳು, ಸಾಧನಗಳು ಮಾರುಕಟ್ಟೆಗೆ ಲಗ್ಗೆಯಿಡುತ್ತಿದ್ದು, ಅವುಗಳ ಆಳ, ವಿಸ್ತೀರ್ಣ, ಮಾರುಕಟ್ಟೆ ಎಲ್ಲದರ ಬಗ್ಗೆ ಇನ್ನೂ ಸಂಶೋಧನೆ ನಡೆಯುತ್ತಿದೆ. ಸದ್ಯ ದೆಹಲಿ ಅತಿಹೆಚ್ಚು ಇವಿ ವಾಹನಗಳೊಂದಿಗೆ ಭಾರತದ ಇವಿ ರಾಜಧಾನಿ ಎನಿಸಿಕೊಂಡಿದೆ. ಅದರ ಬೆನ್ನಲ್ಲೇ ಭಾರತದ ಟೆಕ್ ಹಬ್, ಸ್ಟಾರ್ಟಪ್ ಹಬ್ ಎನಿಸಿಕೊಂಡಿರುವ ಉದ್ಯಾನ ನಗರಿ ಬೆಂಗಳೂರಲ್ಲೂ ಲಕ್ಷಾಂತರ ಸಂಖ್ಯೆಯಲ್ಲಿ ಇವಿಗಳಿವೆ. ಇದೀಗ ಹೆಸರಾಂತ ಮ್ಯಾಟರ್ ಕಂಪನಿಯು ಭಾರತದಲ್ಲಿ ತನ್ನ ಎರಡನೇ ಎಕ್ಸ್ಪೀರಿಯನ್ಸ್ ಹಬ್ಅನ್ನು ಬೆಂಗಳೂರಿನ ದೊಮ್ಮಲೂರಿನಲ್ಲಿ ಪ್ರಾರಂಭಿಸಿದ್ದು, ಆ ಮೂಲಕ ಸಿಲಿಕಾನ್ ಸಿಟಿಯ ಇವಿ ಮಾರುಕಟ್ಟೆಗೆ ಮತ್ತಷ್ಟು ವೇಗ ನೀಡಿದೆ.
ಈ ಹಬ್ನಲ್ಲಿ ದ್ವಿಚಕ್ರ ವಾಹನ ಸವಾರರು, ಚಾಲಕರು, ಆಸಕ್ತರು ಮ್ಯಾಟರ್ ಕಂಪನಿಯ ಅತ್ಯಾಧುನಿಕ ಎಲೆಕ್ಟ್ರಿಕ್ ತಂತ್ರಜ್ಞಾನಗಳ ಅನುಭವ ಪಡೆಯಬಹುದು. ಇಲ್ಲಿಯ ಮುಖ್ಯ ಆಕರ್ಷಣೆ AERA – ಭಾರತದ ಮೊದಲ ಗೇರ್ ಹೊಂದಿದ ಎಲೆಕ್ಟ್ರಿಕ್ ಬೈಕ್. AERA 5000+, ವಿಶ್ವದ ಮೊದಲ ಉತ್ಪಾದಿತ ಗೇರ್ ಹೊಂದಿದ ಎಲೆಕ್ಟ್ರಿಕ್ ಬೈಕ್. HyperShift ಎನ್ನುವ 4-ಸ್ಪೀಡ್ ಮಾನುವಲ್ ಗೇರ್ಬಾಕ್ಸ್ ಹೊಂದಿರುವ ಈ ಬೈಕ್, ಗೇರ್ಗಳ ರೋಮಾಂಚನವನ್ನು ಎಲೆಕ್ಟ್ರಿಕ್ ತಂತ್ರಜ್ಞಾನದ ಮೃದುವಾದ ಕಾರ್ಯಕ್ಷಮತೆಯೊಂದಿಗೆ ಮಿಶ್ರಣಗೊಳಿಸುತ್ತದೆ.
AERA 5000+ ಪ್ರಮುಖ ವೈಶಿಷ್ಟ್ಯಗಳು:
* HyperShift ಗೇರ್ಬಾಕ್ಸ್ – 4-ಸ್ಪೀಡ್ ಮಾನುವಲ್, ಈಕೋ, ಸಿಟಿ ಮತ್ತು ಸ್ಪೋರ್ಟ್ ರೈಡ್ ಮೋಡ್ಗಳು
* ಲಿಕ್ವಿಡ್-ಕೂಲ್ ಪವರ್ಟ್ರೈನ್ – ಭಾರತದ ಹವಾಮಾನ ಮತ್ತು ನಗರ ಸಂಚಾರಕ್ಕೆ ತಕ್ಕಂತೆ ವಿನ್ಯಾಸ
* 7” ಸ್ಮಾರ್ಟ್ ಟಚ್ ಡ್ಯಾಶ್ಬೋರ್ಡ್ – ನ್ಯಾವಿಗೇಶನ್, ರೈಡ್ ಸ್ಟ್ಯಾಟ್ಸ್, ಮೀಡಿಯಾ, OTA ಅಪ್ಡೇಟ್ಗಳು
* 5kWh ಬ್ಯಾಟರಿ ಪ್ಯಾಕ್ – ಪ್ರಮಾಣಿತ 172 ಕಿಮೀ ರೇಂಜ್; ನೀರು ಮತ್ತು ಧೂಳು ನಿರೋಧಕ (IP67)
* ವೇಗದ ಆಕ್ಸೆಲರೇಶನ್ – 0 ರಿಂದ 40 ಕಿಮೀ/ಘಂ ಕೇವಲ 2.8 ಸೆಕೆಂಡುಗಳಲ್ಲಿ
* ವರ್ಧಿತ ಭದ್ರತೆ – ಡ್ಯುಯಲ್ ಡಿಸ್ಕ್ ಬ್ರೇಕ್ಗಳು ABS ಜೊತೆಗೆ, ಡ್ಯುಯಲ್ ಸಸ್ಪೆನ್ಷನ್, ಸ್ಮಾರ್ಟ್ ಪಾರ್ಕ್ ಅಸಿಸ್ಟ್
* MATTER ಮೊಬೈಲ್ ಆಪ್ – ರಿಯಲ್ ಟೈಮ್ ಟ್ರಾಕಿಂಗ್, ಜಿಯೋ-ಫೆನ್ಸಿಂಗ್, ರೈಡ್ ಇತಿಹಾಸ, ರಿಮೋಟ್ ನಿಯಂತ್ರಣ
* ಆಜೀವ ಬ್ಯಾಟರಿ ವಾರಂಟಿ – ಭಾರತದಲ್ಲಿ ಪ್ರಥಮ, ದೀರ್ಘಕಾಲಿಕ ವಿಶ್ವಾಸಕ್ಕಾಗಿ