ಕಿಡ್ನಿ ಆರೋಗ್ಯ ಕಾಪಾಡಿಕೊಳ್ಳಬೇಕಾ?; ನಿತ್ಯ ಈ ಐದು ನಿಯಮಗಳನ್ನು ರೂಢಿಸಿಕೊಳ್ಳಿ..Kidneys Healthy

ಕೆಲವೊಬ್ಬರು ಕಿಡ್ನಿ ಬಗ್ಗೆ ಡೋಂಟ್​ ಕೇರ್​ ಪಾಲಿಸಿಯನ್ನು ಅನುಕರಿಸುತ್ತಾರೆ. ನೀರು ಕಡಿಮೆ ಕುಡಿಯುವುದು. ನಿತ್ಯ ಮದ್ಯಪಾನ ಮಾಡುವುದು ಅಭ್ಯಾಸ ಮಾಡಿಕೊಳ್ಳುತ್ತಾರೆ. ಆದರೆ ನೆನಪಿಡಿ ಕಿಡ್ನಿ ಆರೋಗ್ಯ ಒಮ್ಮೆ ಹದಗೆಟ್ಟರೆ ದೇಹದಲ್ಲಿ ರಕ್ತದೊತ್ತಡ ಸಮಸ್ಯೆ, ಮಧುಮೇಹ, ಹೃದಯ ಸಂಬಂಧಿ ಕಾಯಿಲೆಗಳು ಕಾಣಿಸಿಕೊಳ್ಳುವುದಂತೂ ಗ್ಯಾರಂಟಿ

ಹಾಗಾದ್ರೆ ನಮ್ಮ ಕಿಡ್ನಿ ಆರೋಗ್ಯ ಕಾಪಾಡಿಕೊಳ್ಳಲು ಏನು ಮಾಡಬೇಕು. ನಿತ್ಯ 3ರಿಂದ 4 ಲೀಟರ್​ ನೀರು ಕುಡಿದರೆ ಸಾಕಾ ಅಥವಾ ವ್ಯಾಯಾಮಾ ಏನು ಮಾಡಬೇಕು. ಯಾವ ಆಹಾರವನ್ನು ಸೇವನೆ ಮಾಡಬೇಕು ಎನ್ನುವ ಬಗ್ಗೆ ಈ ಲೇಖನದಲ್ಲಿ ವಿವರಿಸಲಾಗಿದೆ.

ಮೂತ್ರಪಿಂಡದ ಆರೋಗ್ಯ ಕಾಪಾಡಿಕೊಳ್ಳಲು ಪೊಟ್ಯಾಷಿಯಂ, ಪೋಷಕಾಂಶ ಹಾಗೂ ಆಂಟಿ ಆಕ್ಸಿಡೆಂಟ್​ ಗುಣವುಳ್ಳ ತರಕಾರಿ ತಿನ್ನುವುದು ಉತ್ತಮ. ಉರಿಯೂತ ಶಮನ ಮಾಡುವ ಸೇಬು, ಪೊಟ್ಯಾಸಿಯಮ್​ವುಳ್ಳ ಬ್ಲೂ ಬೆರ್ರಿ, ಸ್ಟ್ರಾಬೆರಿ ಹಾಗೂ ಅನಾನಸ್​ ತಿನ್ನುವ ಅಭ್ಯಾಸ ಇಟ್ಟುಕೊಳ್ಳಿ. ಇನ್ನು ತರಕಾರಿಯಲ್ಲಿ ವಿಟಮಿನ್​ ಕೆ ಮತ್ತು ಸಿ ಹಾಗೂ ನಾರಿನಾಂಶವಿರುವ ಎಲೆಕೋಸು, ದಪ್ಪ ಮೆಣಸಿನಕಾಯಿ ಹಾಗೂ ಹೂ ಕೋಸು, ಸೌತೆಕಾಯಿಯನ್ನು ತಿನ್ನಬೇಕು ಎಂದು ವೈದ್ಯರು ಹೇಳುತ್ತಾರೆ.

ದೇಹದ ಹೊರಭಾಗ ಶಕ್ತಿಯುತವಾಗಿರಬೇಕ ಎಂದು ಬಯಸುವ ಕೆಲವರ ಅದಕ್ಕಷ್ಟೆ ಒತ್ತು ನೀಡುತ್ತಾರೆ. ಮುಖಕ್ಕೆ ಫೇಷಿಯಲ್​ಮ ಟ್ಯಾನ್​ ತೆಗೆಯುವ ವಿಧಾನ, ಮೆನಿಕ್ಯೂರ್ ಪೆಡಿಕ್ಯೂರ್​ ಸೇರಿದಂತೆ ನಾನಾ ರೀತಿಯಲ್ಲಿ ಖರ್ಚು ಮಾಡುತ್ತಾರೆ. ಆದರೆ, ಕಿಡ್ನಿ ಆರೋಗ್ಯ ಕಾಪಾಡಿಕೊಳ್ಳಲು ನಿತ್ಯ 20 ನಿಮಿಷವಾದರೂ ವಾಕಿಂಗ್​ ಮಾಡುವುದು ಅಗತ್ಯ. ಅಥವಾ ದೇಹಕ್ಕೆ ಬೇಕಾಗುವ ಯಾವುದೇ ರೀತಿಯ ಚಟುವಟಿಕೆ ಮಾಡುವುದು ಅಗತ್ಯವಾಗಿದೆ.

ಕಾಫಿ, ಟೀ ಹಾಗೂ ತರಹೇವಾರಿ ಸ್ವೀಟ್​ಗಳನ್ನು ಸೇವನೆ ಮಾಡುವುದು ಕಡಿಮೆ ಮಾಡಿಕೊಳ್ಳುವುದು ಉತ್ತಮ ಎನ್ನುತ್ತಾರೆ ತಜ್ಞರು. ಅಧಿಕ ರಕ್ತದೊತ್ತಡದಿಂದ ಕಿಡ್ನಿ ಮೇಲೆ ಪರಿಣಾಮವನ್ನುಂಟು ಮಾಡುತ್ತದೆ. ಈ ಕಾರಣದಿಂದಾಗಿ ಆಗಾಗ್ಗೆ ಬಿಪಿ ಚೆಕ್​ ಮಾಡಿಸಿಕೊಳ್ಳಿ ಎಂದು ವೈದ್ಯರು ಹೇಳುತ್ತಾರೆ.

ಹೆಚ್ಚಾಗಿ ಉಪ್ಪಿನಾಂಶವಿರುವ ಆಹಾರವನ್ನು ಸೇವನೆ ಮಾಡುವುದರಿಂದ ರಕ್ತದೊತ್ತಡ ಕಾಡಬಹುದು ಆ ಕಾರಣದಿಂದಾಗಿ ಸಂಸ್ಕರಿತ ಆಹಾರದ ಬದಲಿಗೆ ನಿಂಬೆ, ಬೆಳ್ಳುಳ್ಳಿಯಂತಹ ಪದಾರ್ಥವನ್ನು ಸೇವೆನೆ ಮಾಡಿ