Digital Addiction: ಸಮಕಾಲೀನ ಸಮಾಜದಲ್ಲಿ ಡಿಜಿಟಲ್ ಸಾಧನಗಳು ದೈನಂದಿನ ಜೀವನದ ಅವಿಭಾಜ್ಯ ಅಂಗವಾಗಿದ್ದು, ಸಂವಹನ, ಶಿಕ್ಷಣ ಮತ್ತು ಮನರಂಜನೆಯ ಮೇಲೆ ಪರಿಣಾಮ ಬೀರುತ್ತಿದೆ. ಇನ್ನು ಮಕ್ಕಳು, ಹದಿಹರೆಯದವರ ಮೇಲೆ ಈ ಡಿಜಿಟಲ್ ಸಾಧನಗಳು ಸವಾಲನ್ನು ಒಡ್ಡಿದ್ದು, ಇದನ್ನು ಡಿಜಿಟಲ್ ವ್ಯಸನ ಎಂದು ಕರೆಯಲಾಗುತ್ತದೆ.
ಯುವಕರು ಅತಿಯಾಗಿ ಡಿಜಿಟಲ್ ಸಾಧನಗಳನ್ನು ಅಳವಡಿಸಿಕೊಂಡಂತೆ ಗಂಭೀರವಾದ ನರವೈಜ್ಞಾನಿಕ ಪರಿಣಾಮಗಳು ಪ್ರಾರಂಭವಾಗುತ್ತದೆ. . ಇನ್ನು ಯುವಜನರು ಸತತವಾಗಿ ಡಿಜಿಟಲ್ ಸಾಧನಗಳಲ್ಲಿ ತೊಡಗಿಕೊಳ್ಳುವುದರಿಂದ ಹೆಚ್ಚಿನ ಖಿನ್ನತೆಯನ್ನು ಅನುಭವಿಸಬೇಕಾಗುತ್ತದೆ. ಇನ್ನು ಹೀಗೆ ಮುಂದುವರೆದಲ್ಲಿ ಒಂಟಿತನದಂತಹ ಅನೇಕ ಕಾಯಿಲೆಗಳಿಗೆ ತುತ್ತಾಗುತ್ತಾರೆ.
ಇದನ್ನೂ ಓದಿ: ಅನಾಥ ಮಕ್ಕಳಿಗೆ ಸಹಾಯ ಮಾಡಿದ ʻಮ್ಯಾಕ್ಸ್ʼ ನಟಿ ವರಲಕ್ಷ್ಮಿ ಶರತ್ಕುಮಾರ್! ವಿಡಿಯೋ ನೋಡಿ …varalakshmi sarathkumar
ಡಿಜಿಟಲ್ ಮಾಧ್ಯಮಗಳನ್ನು ಬಳಸುವವರು ಎಥೇಚ್ಚವಾಗಿ ಇಂಟರ್ನ್ನೆಟ್ ವ್ಯಸನಿಗಳಾಗಿ ಹೊರಹೊಮ್ಮುತ್ತಾರೆ. ಇಲ್ಲಿ ಗೇಮಿಂಗ್ ನಂತಹ ಆ್ಯಪ್ಗಳ ಹಿಂದೆ ಮಾರಿ ಹೋಗುತ್ತಾರೆ. ಇದರಿಂದ ಜೂಜು, ಬೆಟ್ಟಿಂಗ್ನಂತಹ ಆಟವಾಡಲು ಪ್ರಾರಂಭಿಸಿ ವ್ಯಸನಿಗಳಾಗಿ ಪರಿವರ್ತನೆಯಾಗುತ್ತಾರೆ. ಇನ್ನು ಆನ್ಲೈನ್ನಲ್ಲಿ ಹೆಚ್ಚಿನ ಸಮಯ ಕಳೆಯುವುದರಿಂದ ಆತಂಕ, ಭಯ, ಕಿರಿಕಿರಿ ಅನುಭವಗಳನ್ನು ಅನುಭವಿಸಲು ಪ್ರಾರಂಭಿಸುತ್ತಾರೆ.
ಪಾಲಕರು, ಶಿಕ್ಷಕರು ಹಾಗೂ ಯುವ ಜನರು ಅತಿಯಾದ ಡಿಜಿಟಲ್ ಮಾಧ್ಯಮದ ಅಪಾಯಗಳ ಬಗ್ಗೆ ಮಾಹಿತಿ ತಿಳಿದುಕೊಳ್ಳಬೇಕು. ಅಂದರೆ ಎಲ್ಲವನ್ನೂ ತ್ಯಜಿಸಬೇಕೆಂದಲ್ಲ, ಬದಲಿಗೆ ಡಿಜಿಟಲ್ ಪರಿಕರಗಳೊಂದಿಗೆ ಸಮತೋಲಿತ, ಆರೋಗ್ಯಕರ ಸಂಬಂಧವನ್ನು ಬೆಳೆಸಿಕೊಳ್ಳಬೇಕು. ಪಾಲಕರು ತಮ್ಮ ಮಕ್ಕಳನ್ನು ಡಿಜಿಟಲ್ ಮಾಧ್ಯಮದ ಬಳಕೆಯನ್ನು ಕಡಿಮೆ ಮಾಡಿಸಲು ಅವರೊಂದಿಗೆ ಬೆರೆತು ಸಮಯ ಕೊಡಬೇಕು. ಇನ್ನು ವಿದ್ಯಾರ್ಥಿಗಳಿಗೆ ಈ ಪರಿಕರಗಳನ್ನು ಬಳಸುವುದರಿಂದ ಏನಾಗುತ್ತದೆ ಎಂಬುದನ್ನು ಶಾಲೆಯಲ್ಲಿ ಶಿಕ್ಷಕರು ತಿಳಿಸಿಕೊಡಬೇಕು.
ಸಾಧನಗಳ ಬಗ್ಗೆ ಸ್ಪಷ್ಟ ಮಾಹಿತಿಗಳನ್ನು ಎಲ್ಲರೂ ತಿಳಿದುಕೊಳ್ಳಬೇಕು ಹಾಗೆಯೇ, ಮನೆಗಳಲ್ಲಿ ಡಿಜಿಟಲ್ ಮಾಧ್ಯಮಗಳ ಬಳಕೆಯನ್ನು ಆದಷ್ಟು ಕಡಿಮೆ ಮಾಡಿ, ಎಲ್ಲರೊಂದಿಗೆ ಕಾಲ ಕಳೆಯಬೇಕು. ಇನ್ನು ಊಟದ ಸಮಯದಲ್ಲಿ ಮಲಗುವ ಕೋಣೆಯಲ್ಲಿ ಆದಷ್ಟು ಈ ಸಾಧನಗಳನ್ನು ಬಳಕೆ ಕಡಿಮೆ ಮಾಡುವುದನ್ನು ಪ್ರಯತ್ನಿಸಬೇಕು.
ವೈವಿಧ್ಯಮಯ ಆನ್ಲೈನ್ ಚಟುವಟಿಕೆಗಳಲ್ಲಿ ಭಾಗವಹಿಸುವದನ್ನು ನಿಯಂತ್ರಿಸಿ, ದೈಹಿಕ ಮನರಂಜನೆಯನ್ನು ಪ್ರೊತ್ಸಾಹಿಸುವುದು ಅತ್ಯಗತ್ಯವಾಗಿದೆ. ಅನ್ವೇಷಣೆಗಳು, ಪುಸ್ತಕ ಓದುವುದು, ಮುಖಾಮುಖಿ ಸಂಭಾಷಣೆಯಲ್ಲಿ ತೊಡಗಿಕೊಳ್ಳುವಿಕೆ ಈ ರೀತಿಯ ಚಟುವಟಿಕೆಗಳಲ್ಲಿ ತೊಡಗುವುದರಿಂದ ನಮ್ಮ ಅಭಿವೃದ್ಧಿ ಕೌಶಲ್ಯಗಳನ್ನು ಉತ್ತೇಜಿಸುತ್ತದೆ. ಈ ಚಟುವಟಿಕೆಗಳು ಒಂಟಿತನವನ್ನು ನಿಯಂತ್ರಿಸುತ್ತದೆ.
ಯುವಜನರು ಆನ್ಲೈನ್ ಜಗತ್ತಿನಲ್ಲಿ ಜವಬ್ದಾರಿಯುತವಾಗಿ ಕಾರ್ಯನಿರ್ವಹಿಸಬೇಕಾಗುತ್ತದೆ. ಇದರಲ್ಲಿ ಮಾಹಿತಿ ಪರಿಶೀಲನೆ, ಗೌಪ್ಯತೆ ಕಾಪಾಡಿಕೊಳ್ಳುವುದು ಬಹಳ ಮುಖ್ಯವಾಗಿರುತ್ತದೆ. ಇನ್ನು ಆನ್ಲೈನ್ ಪರಿಕರಗಳು ವೇಗವಾಗಿ ಯುವ ಮನಸ್ಸುಗಳ ಮೇಲೆ ಪರಿಣಾಮ ಬೀರುತ್ತದೆ. ಆದರಿಂದ ಇವುಗಳ ಬಗ್ಗೆ ತಿಳಿದು ನಂತರ ಉಪಯೋಗಿಸುವುದು ಉತ್ತಮವಾಗಿರುತ್ತದೆ.( ಏಜೆನ್ಸೀಸ್)