ಬೆಂಗಳೂರು: ವಿಶ್ವ ಐವಿಎಫ್ ದಿನ ಹಾಗೂ ಸ್ವಾತಂತ್ರ ದಿನಾಚರಣೆ ಪ್ರಯುಕ್ತ ಗರ್ಭಗುಡಿ ಐವಿಎಫ್ ಸೆಂಟರ್ನಿಂದ ಆಯೋಜಿಸಲಾಗಿದ್ದ '21 ದಿನಗಳ ಯೋಗ ಚಾಲೆಂಜ್' ಕಾರ್ಯಕ್ರಮ ಯಶಸ್ವಿಯಾಗಿ ಪೂರ್ಣಗೊಂಡಿದೆ.
ನಗರದ ಖಾಸಗಿ ಹೋಟೆಲ್ನಲ್ಲಿ ಬುಧವಾರ ಆಯೋಜಿಸಿದ್ದ ಸಮಾರೋಪ ಕಾರ್ಯಕ್ರಮದಲ್ಲಿ ಗರ್ಭಗುಡಿ ಐವಿಎಫ್ ಸೆಂಟರ್ನ ಸಂಸ್ಥಾಪಕಿ ಹಾಗೂ ವೈದ್ಯಕಿಯ ನಿರ್ದೇಶಕಿ ಡಾ.ಎಸ್.ಆಶಾ ವಿಜಯ್ ಮಾತನಾಡಿ, 'ಜುಲೈ 25ರ ವಿಶ್ವ ಐವಿಎಫ್ ದಿನದಂದು ಆರಂಭವಾದ ಯೋಗ ಚಾಲೆಂಜ್ ಮೂಲಕ ಮಕ್ಕಳಿಲ್ಲದ ದಂಪತಿಗಳಲ್ಲಿ ಲವತ್ತತೆ ಹೆಚ್ಚಿಸಲು ಆಯುರ್ವೇದ, ಯೋಗ ಮತ್ತು ಪೌಷ್ಟಿಕಾಂಶ ಒಳಗೊಂಡ ಸಮಗ್ರ ಚಿಕಿತ್ಸೆ ಬಗ್ಗೆ ಅರಿವು ಮೂಡಿಸುವುದು ಉದ್ದೇಶವಾಗಿತ್ತು. ಈ ಚಿಕಿತ್ಸಾ ವಿಧಾನ ಅನುಸರಿಸುವುದರಿಂದ ಸಂತಾಹೀನ ದಂಪತಿಗಳು ಹೆಚ್ಚಿನ ಲಾಭ ಪಡೆಯಬಹುದಾಗಿದೆ' ಎಂದು ತಿಳಿಸಿದರು.
ಕಾರ್ಯಕ್ರಮದಲ್ಲಿ ಸಮಗ್ರ ಚಿಕಿತ್ಸೆ ಕುರಿತು ನ್ಯೂಟ್ರಿಷನ್ ಎಕ್ಸ್ಪರ್ಟ್ ಡಾ. ಶ್ರೀದೇವಿ, ಹಿರಿಯ ಸಂತಾನೋತ್ಪತ್ತಿ ತಜ್ಞೆಯರಾದ ಡಾ.ರಾಜಂ ಮುರಳಿ, ಡಾ.ಅನಿತಾ ಮನೋಜ್, ಆಯುರ್ವೇದ ವೈದ್ಯೆ ಡಾ.ಅಶ್ವಿನಿ ಮೋಹನ್ ಸಂವಾದ ನಡೆಸಿದರು.
ಮಕ್ಕಳಿಲ್ಲದ ದಂಪತಿಗಳು, ಐವಿಎಫ್ ಚಿಕಿತ್ಸೆ ಪಡೆಯುವ ದಂಪತಿಗಳು ಯೋಗ, ಆಯುರ್ವೇದ ಜೀವನ ಕ್ರಮ ಮತ್ತು ಪೌಷ್ಟಿಕಾಂಶಯುಕ್ತ ಆಹಾರ ಸೇವನೆ ರೂಢಿಸಿಕೊಳ್ಳುವುದು ಸಂತಾನಾಭಿವೃದ್ಧಿಗೆ ಸಹಾಯ ಮಾಡುತ್ತದೆ. ಆಯುರ್ವೇದ ಹಾಗೂ ಆಲೋಪತಿ ಎರಡು ಔಷಧಗಳಲ್ಲಿನ ಕೆಲ ಅಂಶಗಳನ್ನು ಅಳವಡಿಸಿಕೊಳ್ಳುವುದರಿಂದ ಉತ್ತಮ ಫಲಿತಾಂಶ ಪಡೆಯಬಹುದು. ಈ ಅವಧಿಯಲ್ಲಿ ಯೋಗ, ಚಿಕಿತ್ಸೆ, ಮಾನಸಿಕ ಆರೋಗ್ಯ, ಪೋಷಕಾಂಶಯುಕ್ತ ಆಹಾರ ಸೇವನೆ ಮುಖ್ಯ. ಹಲವು ಸಂದರ್ಭದಲ್ಲಿ ಸಮಸ್ಯೆಯ ಮೂಲ ಪತ್ತೆಯಾಗುವುದಿಲ್ಲ. ಈ ಅವಧಿಯಲ್ಲಿ ಆಯುರ್ವೇದ ಹಾಗೂ ಮಾನಸಿಕ ಚಿಕಿತ್ಸೆ ಸಹಾಯ ಮಾಡುತ್ತದೆ ಎಂಬ ಅಭಿಪ್ರಾಯ ಸಂವಾದದಲ್ಲಿ ವ್ಯಕ್ತವಾಯಿತು.
ಅನೇಕರು ವಿವಿಧ ಆಸ್ಪತ್ರೆ, ದೇವಸ್ಥಾನ, ಗ್ರಾಮೀಣ ಔಷಧ ಪ್ರಯತ್ನಿಸಿ ಅಂತಿಮವಾಗಿ ಐವಿಎ್ ಸೆಂಟರ್ಗೆ ಬರುತ್ತಾರೆ. ಸಂತಾನೋತ್ಪತ್ತಿಯಲ್ಲಿ ಎಲ್ಲಿ ಎಡವುತ್ತಿದ್ದೇವೆ ಎನ್ನುವುದನ್ನು ಅರ್ಥ ಮಾಡಿಕೊಳ್ಳುವುದಿಲ್ಲ. ದಂಪತಿಗಳು ಮೊದಲು ಮಗು ಪಡೆಯಲು ಎಷ್ಟರ ಮಟ್ಟಿಗೆ ಮಾನಸಿಕವಾಗಿ ಸಿದ್ದವಾಗಿದ್ದಾರೆ. ಅವರಲ್ಲಿನ ತೊಂದರೆ ಏನು ಎಂಬುದನ್ನು ಪತ್ತೆಹಚ್ಚಿದ ನಂತರ ಐವಿಎ್ಗೆ ಸಲಹೆ ನೀಡಲಾಗುತ್ತದೆ.
- ಡಾ.ಅನಿತಾ ಮೋಹನ್, ಸಂತಾನೋತ್ಪತ್ತಿ ತಜ್ಞೆ
ಗರ್ಭಗುಡಿ ಐವಿಎಫ್ ಸೆಂಟರ್ ಸಿಇಒ ವಿಜಯ್ ಕುಮಾರ್, ಜಿಜಿಐಆರ್ಎಚ್ಆರ್ ಸಿಇಒ ಶೀಹರಿ ಶೀನಿವಾಸನ್, ಅಸೋಸಿಯೆಟ್ ವೈಸ್ ಪ್ರೆಸಿಡೆಂಟ್ ಜಯರಾಮ್, ಅಸೋಸಿಯೆಟ್ ವೈಸ್ ಪ್ರೆಸಿಡೆಂಟ್-ಮಾರ್ಕೆಟಿಂಗ್ ಶೃತಿ ರೆಡ್ಡಿ, ಯೋಗ ಥೆರಪಿಸ್ಟ್ ಬಿ.ಸುರಕ್ಷಾ, ಮೀಡಿಯಾ ಮ್ಯಾನೇಜರ್ ರವಿ ಅಜ್ಜೀಪುರ ಇತರರಿದ್ದರು.