ನಿಮ್ಮ ಕೈಗಳಲ್ಲೇ ಅಡಗಿದೆ ಯಕೃತ್ತಿನ ಕಾಯಿಲೆಯ ರಹಸ್ಯ: ಈ 6 ಲಕ್ಷಣಗಳನ್ನು ನಿರ್ಲಕ್ಷಿಸಿದರೆ ಪ್ರಾಣಕ್ಕೆ ಅಪಾಯ! | Liver

ಆದರೆ, ಲಿವರ್ ಕೆಡಲು ಆರಂಭವಾದಾಗ ಅದು ಆರಂಭದಲ್ಲಿ ಯಾವುದೇ ದೊಡ್ಡ ನೋವು ನೀಡುವುದಿಲ್ಲ. ಬದಲಾಗಿ, ನಮ್ಮ ಕೈಗಳಲ್ಲಿ ಕೆಲವು ವಿಚಿತ್ರ ಬದಲಾವಣೆಗಳ ಮೂಲಕ ಮುನ್ಸೂಚನೆ ನೀಡುತ್ತದೆ. ಈ ಲಕ್ಷಣಗಳನ್ನು ಸಕಾಲದಲ್ಲಿ ಗುರುತಿಸದಿದ್ದರೆ ಲಿವರ್ ಸಿರೋಸಿಸ್ ಅಥವಾ ಲಿವರ್ ಫೈಲ್ಯೂರ್‌ನಂತಹ ಗಂಭೀರ ಸ್ಥಿತಿಗೆ ತಲುಪಬಹುದು.

ಜರ್ನಲ್ ಆಫ್ ಕ್ಲಿನಿಕಲ್ ಅಂಡ್ ಎಕ್ಸ್‌ಪರಿಮೆಂಟಲ್ ಹೆಪಟಾಲಜಿ ವರದಿಯ ಪ್ರಕಾರ, ನಿಮ್ಮ ಕೈಗಳಲ್ಲಿ ಈ ಕೆಳಗಿನ ಬದಲಾವಣೆಗಳು ಕಂಡುಬಂದರೆ ತಕ್ಷಣ ವೈದ್ಯರನ್ನು ಭೇಟಿ ಮಾಡುವುದು ಉತ್ತಮ:

ನಿಮ್ಮ ಅಂಗೈಗಳು, ವಿಶೇಷವಾಗಿ ಹೆಬ್ಬೆರಳು ಮತ್ತು ಕಿರುಬೆರಳಿನ ಕೆಳಭಾಗದ ಭಾಗವು ಅಸಾಮಾನ್ಯವಾಗಿ ಕೆಂಪಾಗಿದ್ದರೆ ಎಚ್ಚರ. ದೇಹದಲ್ಲಿ ಈಸ್ಟ್ರೊಜೆನ್ ಮಟ್ಟ ಹೆಚ್ಚಾದಾಗ ಮತ್ತು ಲಿವರ್ ಸರಿಯಾಗಿ ಕೆಲಸ ಮಾಡದಿದ್ದಾಗ ರಕ್ತನಾಳಗಳು ಹಿಗ್ಗಿ ಈ ರೀತಿ ಕಾಣಿಸಿಕೊಳ್ಳುತ್ತದೆ. ಇದನ್ನು ವೈದ್ಯಕೀಯ ಭಾಷೆಯಲ್ಲಿ 'ಪಾಮರ್ ಎರಿಥೆಮಾ' ಎಂದು ಕರೆಯಲಾಗುತ್ತದೆ.

ಕೆಲವರಲ್ಲಿ ಅಂಗೈಯ ಚರ್ಮ ದಪ್ಪವಾಗಿ, ಬೆರಳುಗಳು ತಾನಾಗಿಯೇ ಒಳಮುಖವಾಗಿ ಬಾಗಲು ಆರಂಭಿಸುತ್ತವೆ. ಇದು ದೀರ್ಘಕಾಲದ ಯಕೃತ್ತಿನ ಕಾಯಿಲೆ ಅಥವಾ ಅತಿಯಾದ ಮದ್ಯಪಾನದ ಪರಿಣಾಮವಾಗಿರಬಹುದು.

ನಿಮ್ಮ ಉಗುರುಗಳು ಸಂಪೂರ್ಣ ಬಿಳಿಯಾಗಿ ಕಾಣುತ್ತಿದ್ದು, ಕೇವಲ ತುದಿಯಲ್ಲಿ ಮಾತ್ರ ಗುಲಾಬಿ ಬಣ್ಣದ ಗೆರೆ ಇದ್ದರೆ ಅದನ್ನು 'ಟೆರ್ರಿ ಉಗುರುಗಳು' ಎನ್ನಲಾಗುತ್ತದೆ. ಲಿವರ್ ಸಿರೋಸಿಸ್‌ನಿಂದಾಗಿ ರಕ್ತದ ಹರಿವು ಮತ್ತು ಪ್ರೋಟೀನ್ ಮಟ್ಟದಲ್ಲಿ ಏರುಪೇರಾದಾಗ ಈ ಲಕ್ಷಣ ಕಂಡುಬರುತ್ತದೆ.

ಬೆರಳುಗಳ ತುದಿಗಳು ದುಂಡಗಿನ ಆಕಾರ ಪಡೆದು, ಉಗುರುಗಳು ಮೇಲಕ್ಕೆ ಎದ್ದಂತೆ ಕಾಣುತ್ತಿದ್ದರೆ ಅದನ್ನು ನಿರ್ಲಕ್ಷಿಸಬೇಡಿ. ಇದು ಶ್ವಾಸಕೋಶದ ಸಮಸ್ಯೆಯ ಜೊತೆಗೆ ದೀರ್ಘಕಾಲದ ಲಿವರ್ ಕಾಯಿಲೆಯ ಸಂಕೇತವೂ ಹೌದು.

ಕೈಗಳನ್ನು ಮುಂದಕ್ಕೆ ಚಾಚಿದಾಗ ಮಣಿಕಟ್ಟು ಅಥವಾ ಬೆರಳುಗಳು ಹಠಾತ್ ಜರ್ಕ್ ಆಗುತ್ತಿದ್ದರೆ (ನಡುಗುತ್ತಿದ್ದರೆ), ಅದು ಲಿವರ್ ಕಾಯಿಲೆ ಗಂಭೀರ ಹಂತ ತಲುಪಿದೆ ಎಂದರ್ಥ. ದೇಹದಲ್ಲಿ ವಿಷಕಾರಿ ಅಂಶಗಳು ಹೆಚ್ಚಾಗಿ ಮೆದುಳಿನ ಮೇಲೆ ಪರಿಣಾಮ ಬೀರಿದಾಗ ಈ ರೀತಿ ಆಗುತ್ತದೆ.

ಯಾವುದೇ ದದ್ದು ಅಥವಾ ಅಲರ್ಜಿ ಇಲ್ಲದಿದ್ದರೂ ಅಂಗೈ ಮತ್ತು ಪಾದಗಳಲ್ಲಿ ನಿರಂತರ ತುರಿಕೆ ಉಂಟಾಗುತ್ತಿದ್ದರೆ, ಅದು ಪಿತ್ತರಸದ (Bile) ಹರಿವಿನಲ್ಲಿ ಅಡಚಣೆಯಾಗಿರುವ ಸೂಚನೆ ನೀಡುತ್ತದೆ.

"ಲಿವರ್ ಸಮಸ್ಯೆಗಳು ಆರಂಭಿಕ ಹಂತದಲ್ಲಿ ಪತ್ತೆಯಾದರೆ ಜೀವನಶೈಲಿ ಬದಲಾವಣೆ ಮತ್ತು ಔಷಧಿಗಳ ಮೂಲಕ ಗುಣಪಡಿಸಬಹುದು. ಆದರೆ ಕೈಗಳಲ್ಲಿನ ಈ ಚಿಹ್ನೆಗಳನ್ನು 'ಸಾಮಾನ್ಯ ಆಯಾಸ' ಎಂದು ನಿರ್ಲಕ್ಷಿಸುವುದು ಅಪಾಯಕಾರಿ," ಎಂದು ಆರೋಗ್ಯ ತಜ್ಞರು ಎಚ್ಚರಿಸಿದ್ದಾರೆ. ಅತಿಯಾದ ಆಯಾಸ, ಕಾಮಾಲೆ (ಹಳದಿ ಕಣ್ಣು/ಚರ್ಮ) ಮತ್ತು ಹೊಟ್ಟೆ ಉಬ್ಬರದ ಜೊತೆಗೆ ಈ ಲಕ್ಷಣಗಳಿದ್ದರೆ ತಕ್ಷಣ ಲಿವರ್ ಫಂಕ್ಷನ್ ಟೆಸ್ಟ್ (LFT) ಮಾಡಿಸಿಕೊಳ್ಳುವುದು ಉತ್ತಮ,(ಏಜೆನ್ಸೀಸ್​).