- ತೂಕ ಇಳಿಸಿಕೊಳ್ಳುವುದು ತುಂಬಾ ಕಷ್ಟಕರ ಪ್ರಯತ್ನ ಎನಿಸಬಹುದು
- ತೂಕ ಇಳಿಸಿಕೊಳ್ಳುವ ಸಲುವಾಗಿ ಹಲವಾರು ಜನರು ತರಬೇತಿ ಪಡೆಯಲು ಹೋಗುತ್ತಾರೆ
- ಆದರೂ ತೂಕದಲ್ಲಿ ಯಾವುದೇ ಬದಲಾವಣೆಯಾಗದೇ ನಿರಾಸೆಗೊಳ್ಳುತ್ತಾರೆ
- ತರಬೇತಿಗಳ ಜೊತೆ ನಿಮ್ಮ ದೃಢ ಮನಸ್ಸು ಕೂಡಾ ತೂಕ ಇಳಿಸಿಕೊಳ್ಳಲು ಸಹಾಯ ಮಾಡುತ್ತದೆ
Weight loss: ತೂಕ ಇಳಿಸಿಕೊಳ್ಳುವುದು ತುಂಬಾ ಕಷ್ಟಕರ ಪ್ರಯತ್ನ ಎನಿಸಬಹುದು. ತೂಕವನ್ನು ಇಳಿಸಿಕೊಳ್ಳುವ ಸಲುವಾಗಿ ಹಲವಾರು ಜನರು ಜಿಮ್ಗೆ ತರಬೇತಿ, ಆಹಾರಕ್ರಮದಲ್ಲಿ ಬದಲಾವಣೆ, ವೈಯಕ್ತಿಕ ತರಬೇತಿಗಳನ್ನು ಪಡೆಯಲು ಆರಂಭಿಸುತ್ತಾರೆ. ಆದರೂ ತೂಕದಲ್ಲಿ ಯಾವುದೇ ಬದಲಾವಣೆಯಾಗದೇ ನಿರಾಸೆಗೊಳ್ಳುತ್ತಾರೆ. ಹಾಗಾಗಿ ತರಬೇತಿಗಳ ಜೊತೆ ನಿಮ್ಮ ದೃಢ ಮನಸ್ಸು ಕೂಡಾ ತೂಕ ಇಳಿಸಿಕೊಳ್ಳಲು ಸಹಾಯ ಮಾಡುತ್ತದೆ ಎಂಬುದನ್ನು ಮೊದಲು ಗಮನದಲ್ಲಿಟ್ಟುಕೊಳ್ಳಬೇಕು.
ಕೆಲವೇ ತಿಂಗಳುಗಳಲ್ಲಿ 50 ಕೆಜಿ ತೂಕವನ್ನು ಇಳಿಸಿಕೊಂಡ ಮಹಿಳೆಯೊಬ್ಬಳು ತನ್ನ ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಹಂಚಿಕೊಂಡಿದ್ದು, ಆಕೆಯ ತೂಕ ಇಳಿಸಿಕೊಳ್ಳುವ ಪ್ರಯಾಣವು ಮ್ಯಾಜಿಕ್ ಪರಿಹಾರಗಳ ಬಗ್ಗೆ ಅಲ್ಲ. ಬದಲಿಗೆ ಅದು ಮನಸ್ಥಿತಿ, ದಿನಚರಿ ಮತ್ತು ಸ್ಥಿರ ಪ್ರಯತ್ನದ ಬಗ್ಗೆ ಎಂದು ತಿಳಿಸಿದ್ದಾರೆ. 50 ಕೆಜಿ ತೂಕ ಇಳಿಸುವುದು ತಮಾಷೆಯಲ್ಲ. ಯಾವುದೇ ಕಠಿಣ ತೀರ್ಮಾನವನ್ನು ತೆಗೆದುಕೊಳ್ಳುವ ಮೊದಲು ನಿಮ್ಮ ಮನಸ್ಥಿತಿಯನ್ನು ಬದಲಾಯಿಸಿಕೊಳ್ಳಬೇಕು ಎಂದು ಅವರು ಹೇಳಿದ್ದಾರೆ.
1. ಎಚ್ಚರಗೊಳ್ಳುವ ಕರೆ
ಮುಸ್ಕಾನ್ ತನ್ನ ಕೆಲಸವನ್ನು ಒಪ್ಪಿಕೊಳ್ಳುವ ಮೂಲಕ ಪ್ರಾರಂಭಿಸಿದಳು. ತನ್ನ ಶಕ್ತಿ, ಆತ್ಮವಿಶ್ವಾಸ ಅಥವಾ ದೈನಂದಿನ ಭಾವನೆಗಳಿಂದ ತಾನು ಸಂತೋಷವಾಗಿಲ್ಲ ಎಂದು ಅರಿತುಕೊಂಡ ನಂತರ ಆಕೆ ಜವಬ್ದಾರಿಯಿಂದ ಇರುವುದನ್ನು ಅಭ್ಯಾಸ ಮಾಡಿಕೊಂಡಿದ್ದಾಳೆ.
2. ಮನಸ್ಥಿತಿ ಬದಲಾವಣೆ
ಮೊದಲಿಗೆ ತನ್ನ ತಲೆಯಲ್ಲಿರುವ ಎಲ್ಲಾ ಆಲೋಚನೆಗಳನ್ನು ಆಕೆ ತೆಗದುಹಾಕಿ, ತೂಕ ಇಳಿಸಿಕೊಳ್ಳುವುದು ಒಂದು ವಾರ ಅಥವಾ 1 ತಿಂಗಳ ಆಟವಲ್ಲ ಎಂದು ಅರ್ಥ ಮಾಡಿಕೊಂಡಳು. ಇದು ಆಕೆಯ ಸ್ಥಿರತೆಯನ್ನು ಕಾಪಾಡಲು ಸಹಾಯ ಮಾಡಿದೆ ಎಂದು ತಿಳಿಸಿದ್ದಾಳೆ.
3. ಆಹಾರ ಪದ್ಧತಿಯಲ್ಲಿ ಬದಲಾವಣೆ
ತೂಕ ಇಳಿಸಿಕೊಳ್ಳುವ ಪ್ರಕ್ರಿಯೆಯಲ್ಲಿ ಆಹಾರಕ್ರಮ ಬಹಳ ಮುಖ್ಯ ಎಂದು ಅವರು ತಿಳಿಸಿದ್ದಾರೆ. ಹಾಗಾಗಿ ಆಕೆ ಅತಿಯಾದ ಸಕ್ಕರೆ ಪದಾರ್ಥಗಳು, ಪಾನೀಯಗಳು, ಜಂಕ್ಫುಡ್ ತಿಂಡಿಗಳನ್ನು ತ್ಯಜಿಸಿರುವುದಾಗಿ ಮಾಹಿತಿ ಹಂಚಿಕೊಂಡಿದ್ದಾರೆ. ಹಾಗೆಯೇ ಹೆಚ್ಚಿನ ಪ್ರೊಟೀನ್ಭರಿತ ಆಹಾರ ಸೇವನೆ, ಸಂಕೀರ್ಣ ಕಾರ್ಬೋಹೈಡ್ರೇಟ್ಗಳು, ಆರೋಗ್ಯಕರ ಕೊಬ್ಬುಗಳು ಮತ್ತು ಹೆಚ್ಚಿನ ನೀರನ್ನು ಸೇವಿಸುವುದಾಗಿ ಮಾಹಿತಿ ಹಂಚಿದ್ದಾರೆ.
4. ತಾಲೀಮು ದಿನಚರಿ
ಮುಸ್ಕಾನ್ ತೀವ್ರವಾದ ವ್ಯಾಯಾಮಗಳೊಂದಿಗೆ ದಿನವನ್ನು ಪ್ರಾರಂಭಿಸಲಿಲ್ಲ. ಬದಲಿಗೆ ಪ್ರತಿದಿನ 30 ನಿಮಿಷಗಳ ಕಾಲ ನಡೆಯುವುದು ಮತ್ತು ಲಘು ವ್ಯಾಯಾಮಗಳನ್ನು ಮಾಡಲು ಪ್ರಾರಂಭಿಸಿದರು. ನಿಧಾನವಾಗಿ, ಅವಳು ವಾರಕ್ಕೆ 4 ರಿಂದ 6 ಬಾರಿ ಶಕ್ತಿ ತರಬೇತಿ ಮತ್ತು ಕಾರ್ಡಿಯೋಗೆ ಬದಲಾಯಿಸಲು ಪ್ರಾರಂಭಿಸಿದರು.
5. ನಿಗದಿತ ವೇಳಾಪಟ್ಟಿ
ನಿಗದಿತ ನಿದ್ರೆಯ ವೇಳಾಪಟ್ಟಿಯು ಕಡಿಮೆ ಒತ್ತಡ ಮತ್ತು ಭಾವನಾತ್ಮಕವಾಗಿ ತಿನ್ನುವುದನ್ನು ತಪ್ಪಿಸಲು ಸಹಾಯ ಮಾಡಿತು. ಇದು ನಡೆಯುವುದು, ಓಡುವುದು, ಸರಿಯಾದ ಸಮಯಕ್ಕೆ ಆಹಾರ ಸೇವಿಸುವುದು ಮತ್ತು ದೇಹಕ್ಕೆ ಬೇಕಾದ ನೀರಿನಂಶವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡಿತು ಎಂದಿದ್ದಾರೆ.
6. ಹಿನ್ನಡೆಗಳನ್ನು ನಿಭಾಯಿಸುವುದು
ಈ ಸಮಯದಲ್ಲಿ ಕೆಟ್ಟ ದಿನಗಳು, ಕಡಬಯಕೆಗಳು ಪ್ರಾರಂಭವಾದವು ಆದರೂ, ಯಾವುದೇ ರೀತಿಯಲ್ಲೂ ಮುಸ್ಕಾನ್ ಛಲ ಬಿಡದೇ ಅಭ್ಯಾಸಗಳನ್ನು ಆರಂಭಿಸಿದರು. ಉತ್ತಮ ತ್ರಾಣ ಮತ್ತು ಹೊಳೆಯುವ ಚರ್ಮದಂತಹ ಸಣ್ಣ ಗೆಲುವುಗಳನ್ನು ಅವಳು ಆಚರಿಸಿದಳು.
7. ತೂಕವನ್ನು ಟ್ರಾಕ್ ಮಾಡಿ
ಮುಸ್ಕಾನ್ ಪ್ರತಿನಿತ್ಯ ಫೋಟೋಗಳು, ವೀಡಿಯೊಗಳು, ಅಳತೆಗಳು ಮತ್ತು ವಾರದ ತೂಕವನ್ನು ಟ್ರ್ಯಾಕ್ ಮಾಡಲು ಪ್ರಾರಂಭಿಸಿದರು. ಇದು ಆಕೆಯ ತೂಕ ಇಳಿಸಿಕೊಳ್ಳಲು ತೆಗೆದುಕೊಳ್ಳುತ್ತಿರುವ ಪ್ರಾಮಾಣಿಕತೆಯ ಬಗ್ಗೆ ತಿಳಿಯಲು ಸಹಾಯ ಮಾಡಿದೆ.
8. ದೀರ್ಘಕಾಲೀನ ಸುಸ್ಥಿರತೆ
ವಿಪರೀತ ವಿಧಾನಗಳಿಲ್ಲದೇ, ಕ್ರ್ಯಾಶ್ ಡಯಟ್ಗಳನ್ನು ಅನುಸರಿಸುವ ವಿಧಾನವನ್ನು ಮುಸ್ಕಾನ್ ಪ್ರಾರಂಭಿಸಿದಳು. ಇದು ಆಕೆಯ ದೇಹವನ್ನು ಪರಿವರ್ತಿಸಲು ಶಾರ್ಟ್ಕಟ್ಗಳು ಅಥವಾ ಶಸ್ತ್ರಚಿಕಿತ್ಸೆ ಅಗತ್ಯವಿಲ್ಲ ಎಂದು ತೋರಿಸಿದಳು. ಹಾಗೇ ಇಂದು ಆಕೆ ಇತರರಿಗೆ ಸ್ಪೂರ್ತಿ ನೀಡುತ್ತಿದ್ದಾಳೆ (ಏಜೆನ್ಸೀಸ್).
ಗಮನಿಸಿ: ಈ ಮಾಹಿತಿಯನ್ನು ಅಂತರ್ಜಾಲದಿಂದ ಸಂಗ್ರಹಿಸಲಾಗಿದೆ ಮತ್ತು ಮಾಹಿತಿ ಉದ್ದೇಶಗಳಿಗಾಗಿ ಮಾತ್ರ ಪ್ರಸ್ತುತ ಪಡಿಸಲಾಗಿದೆ. ಇದನ್ನು “ವಿಜಯವಾಣಿ ಡಾಟ್ ನೆಟ್” ದೃಢಪಡಿಸುವುದಿಲ್ಲ. ಯಾವುದೇ ಸಲಹೆಯನ್ನು ಅನುಸರಿಸುವ ಮೊದಲು ವೈದ್ಯರನ್ನು ಸಂಪರ್ಕಿಸುವುದು ಯಾವಾಗಲೂ ಉತ್ತಮ.