ಸದ್ದಿಲ್ಲದೆ ವಿಷವಾಗುತ್ತಿದೆಯೇ ನೀವು ಕುಡಿಯುವ ನೀರು? ನೀವು ಬಳಸುವ ಬಾಟಲ್​ಗಳ ಬಗ್ಗೆ ಇಲ್ಲಿದೆ ಕಂಪ್ಲೀಟ್​ ಡಿಟೇಲ್ಸ್​​.. Water Bottles

ಆದರೆ, ಬಾಟಲಿಯನ್ನು ಯಾವ ವಸ್ತುವಿನಿಂದ ತಯಾರಿಸಲಾಗುತ್ತದೆ ಅಥವಾ ಅದು ದೀರ್ಘಕಾಲೀನ ಶೇಖರಣೆಗೆ ಸುರಕ್ಷಿತವಾಗಿದೆಯೇ ನೀವೇನಾದರೂ ಯೋಚಿಸಿದ್ದೀರಾ. ಇದರಿಂದ ಉಂಟಾಗುವ ಸಮಸ್ಯೆಗಳನ್ನು ಬಗ್ಗೆ ತಿಳಿದಿದಿಯೇ? ಹಾಗಿದ್ದರೆ, ನೀರಿನ ಬಾಟಲಿಗಳಿಂದ ಉಂಟಾಗುವ ಸಮಸ್ಯೆಗಳೇನು? ಯಾವ ಬಾಟಲಿಯನ್ನು ಬಳಸಬೇಕು ಎಂಬುದನ್ನು ನಾವಿಂದು ತಿಳಿಸಲಿದ್ದೇವೆ.

ಬಾಟಲಿಗಳನ್ನು ತಯಾರಿಸಲು ಬಳಸುವ ವಸ್ತುಗಳು ಹಾನಿಕಾರಕ ರಾಸಾಯನಿಕಗಳನ್ನು ಸೋರಿಕೆ ಮಾಡಬಹುದು. ಇದು ರುಚಿಯನ್ನು ಬದಲಾಯಿಸುವುದಲ್ಲದೇ, ನಿಮ್ಮ ದೇಹಕ್ಕೆ ಬ್ಯಾಕ್ಟೀರಿಯಾಗಳನ್ನು ಕಳುಹಿಸುತ್ತದೆ. ಆದರಿಂದ ನೀವು ನೀರು ಕುಡಿಯಲು ಯಾವ ಬಾಟಲಿಗಳು ಮುಖ್ಯ ಎಂಬುದನ್ನು ತಿಳಿಯೋಣ ಬನ್ನಿ...

ಪ್ಲಾಸ್ಟಿಕ್ ಬಾಟಲಿಯಿಂದ ನೀರು ಕುಡಿಯುವುದು ಇಂದಿನ ದಿನಗಳಲ್ಲಿ ಅನಿವಾರ್ಯವಾದರೂ, ಇದು ದೀರ್ಘಕಾಲದ ದೃಷ್ಟಿಯಿಂದ ಆರೋಗ್ಯದ ಮೇಲೆ ಗಂಭೀರ ಪರಿಣಾಮ ಬೀರುತ್ತದೆ ಎಂದು ಹೇಳಲಾಗುತ್ತದೆ. ಪ್ಲಾಸ್ಟಿಕ್ ತಯಾರಿಕೆಯಲ್ಲಿ ಬಳಸುವ ಬಿಸ್ಫೆನಾಲ್-ಎ (BPA) ಮತ್ತು ಫ್ತಾಲೇಟ್‌ಗಳು ನೀರಿನಲ್ಲಿ ಬೆರೆಯುತ್ತವೆ. ವಿಶೇಷವಾಗಿ ಬಾಟಲಿಯು ಬಿಸಿಲಿನಲ್ಲಿ ಅಥವಾ ಕಾರಿನೊಳಗೆ ಬಿಸಿಯಾದಾಗ ಈ ರಾಸಾಯನಿಕಗಳ ಬಿಡುಗಡೆ ವೇಗವಾಗಿರುತ್ತದೆ. ಇವು ದೇಹ ಸೇರಿದರೆ ಹಾರ್ಮೋನ್‌ಗಳ ಸಮತೋಲನ ತಪ್ಪುತ್ತದೆ. ಇದರ ಸೇವನೆಯು ಮಧುಮೇಹ ಮತ್ತು ಹೃದಯ ಸಂಬಂಧಿ ಕಾಯಿಲೆಗಳ ಅಪಾಯವನ್ನು ಹೆಚ್ಚಿಸುತ್ತದೆ.

ಗಾಜಿನ ಬಾಟಲಿಗಳು ನೀರಿನ ನಿಜವಾದ ರುಚಿಯನ್ನು ಉಳಿಸಿಕೊಳ್ಳುತ್ತವೆ ಎಂದು ಅಧ್ಯಯನಗಳು ತಿಳಿಸಿವೆ. ಇದರರ್ಥ ಗಾಜಿನ ಬಾಟಲಿಯಲ್ಲಿ ಯಾವುದೇ ರಂಧ್ರಗಳಿರುವುದಿಲ್ಲ. ಹಾಗಾಗಿ ಇದಕ್ಕೆ ಯಾವುದೇ ಬ್ಯಾಕ್ಟೀರಿಯಾಗಳು ಅಂಟಿಕೊಳ್ಳುವುದಿಲ್ಲ. ಇದರಲ್ಲಿರುವ ನೀರು ಯಾವಾಗಲೂ ತಾಜಾ ಮತ್ತು ಶುದ್ಧ ರುಚಿಯಿಂದ ಕೂಡಿರುತ್ತದೆ. ಜೊತೆಗೆ ಬಿಸಿ ನೀರಿನಲ್ಲಿ ಕುದಿಸಿ ಕ್ರಿಮಿನಾಶಕ ಮಾಡುವುದು ಸುಲಭ.

ಸ್ಟೀಲ್ ಬಾಟಲಿಗಳು ಬಾಳಿಕೆ ಬರುವಂತವು. ಇದು ಹಗುರವಾಗಿರುವುದರ ಜೊತೆಗೆ ಪ್ಲಾಸ್ಟಿಕ್​ನಿಂದ ಮುಕ್ತಿ ಪಡೆದುಕೊಂಡಿರುತ್ತವೆ. ಈ ನೀರನ್ನು ದೀರ್ಘಕಾಲದವರೆಗೆ ಬಿಸಿಯಾಗಿ ಅಥವಾ ತಂಪಾಗಿ ಇಡುತ್ತವೆ. ಇದು BPA-ಮುಕ್ತವಾಗಿದ್ದು, ಗಾಜಿನ ಬಾಟಲಿಗಳಿಗಿಂತ ಅವುಗಳನ್ನು ಸ್ವಚ್ಛಗೊಳಿಸಲು ಸ್ವಲ್ಪ ಕಷ್ಟವಾಗಬಹುದು. ಸರಿಯಾಗಿ ಸ್ವಚ್ಛಗೊಳಿಸದೇ ಇದ್ದರೆ, ಇದು ಲೋಹಿಯ ರುಚಿ ಮತ್ತು ವಾಸನೆಯನ್ನು ಬಾಟಲಿ ಹೊಂದುತ್ತದೆ.

ತಾಮ್ರವು ಆಂಟಿಮೈಕ್ರೊಬಿಯಲ್ ಆಗಿದ್ದು ಇದು ಬ್ಯಾಕ್ಟೀರಿಯಾವನ್ನು ಕೊಲ್ಲುತ್ತದೆ ಮತ್ತು ಜೀರ್ಣಕ್ರಿಯೆಯನ್ನು ಸುಧಾರಿಸುತ್ತದೆ. ತಾಮ್ರದ ಬಾಟಲಿಯಲ್ಲಿ ದೀರ್ಘಕಾಲದವರೆಗೆ ನೀರನ್ನು ಸಂಗ್ರಹಿಸಿದರೆ, ಅದರಿಂದ ಅತಿಯಾದ ತಾಮ್ರ ಸೋರಿಕೆಯಾಗಿ, ತಾಮ್ರವು ವಿಷವಾಗಿ ಪರಿವರ್ತನೆಯಾಗಬಹುದು. ಈ ಸಂದರ್ಭದಲ್ಲಿ ಅದರಿಂದ ನೀರು ಕುಡಿಯುವುದರಿಂದ ಇದು ಯಕೃತ್ತು ಮತ್ತು ಮೂತ್ರಪಿಂಡದ ಸಮಸ್ಯೆಗಳಿಗೆ ಕಾರಣವಾಗುತ್ತದೆ (ಏಜೆನ್ಸೀಸ್​).