- ತೂಕ ಇಳಿಸಿಕೊಳ್ಳುವುದು ಸಾಮಾನ್ಯವಾಗಿ ಸುಲಭದ ಮಾತೇನಲ್ಲ ಎಂಬುದು ಎಲ್ಲರಿಗೂ ತಿಳಿದಿದೆ
- ತೂಕ ಇಳಿಸಕೊಳ್ಳಲು ನಿರ್ಧರಿಸುವವರು ಪ್ರತಿದಿನ ಹೊಸ ಆಹಾರ ಪದ್ಧತಿಯನ್ನು ಅಳವಡಿಸಿಕೊಳ್ಳುತ್ತಾರೆ
- ಪ್ರತಿದಿನ ನಿಮ್ಮ ದಿನಚರಿಯಲ್ಲಿ ಕೆಲವೊಂದು ಅಭ್ಯಾಸಗಳನ್ನು ಅಳವಡಿಸಿಕೊಳ್ಳುವುದರಿಂದ ತೂಕ ಇಳಿಸಿಕೊಳ್ಳಬಹುದು
Weight Loss: ತೂಕ ಇಳಿಸಿಕೊಳ್ಳುವುದು ಸಾಮಾನ್ಯವಾಗಿ ಸುಲಭದ ಮಾತೇನಲ್ಲ. ಹಾಗಾಗಿ ತೂಕ ಇಳಿಸಕೊಳ್ಳಲು ನಿರ್ಧರಿಸುವವರು ಪ್ರತಿದಿನ ಹೊಸ ಆಹಾರ ಪದ್ಧತಿ ಅಥವಾ ತ್ವರಿತ ಫಲಿತಾಂಶಗಳನ್ನು ನೀಡುವುದರ ಮೊರೆ ಹೋಗುತ್ತಾರೆ. ಆದರೆ, ತಜ್ಞರ ಪ್ರಕಾರ, ತೂಕ ನಷ್ಟವು ಸ್ಥಿರ ಅಭ್ಯಾಸಗಳಿಂದ ಬರುತ್ತದೆ. ಹಾಗಾಗಿ ಪ್ರತಿದಿನ ನಿಮ್ಮ ದಿನಚರಿಯಲ್ಲಿ ಕೆಲವೊಂದು ಅಭ್ಯಾಸಗಳನ್ನು ಅಳವಡಿಸಿಕೊಳ್ಳುವುದರಿಂದ ತೂಕ ಇಳಿಸಿಕೊಳ್ಳಬಹುದು ಎಂದು ಹೇಳುತ್ತಾರೆ. ಹಾಗಿದ್ದರೆ, ತೂಕ ಇಳಿಸಿಕೊಳ್ಳಲು ಅನುಸರಿಸಬೇಕಾದ ನಿಯಮಗಳ ಬಗ್ಗೆ ನಾವಿಂದು ತಿಳಿಯೋಣ ಬನ್ನಿ..
ಇತ್ತೀಚಿಗೆ ವಿಷಯ ರಚನೆಕಾರ ಜೆಸಿಕಾ ಆರ್ಟ್ವಾನಿ ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಯಾವುದೇ ದುಬಾರಿ ಫಿಟ್ನೆಸ್ ಇಲ್ಲದೇ, ಶಾರ್ಟ್ಕಟ್ ಇಲ್ಲದೇ, ಸರಳ ಅಭ್ಯಾಸಗಳನ್ನು ಅಳವಡಿಸಿಕೊಳ್ಳುವ ಮೂಲಕ 26 ಕೆಜಿ ತೂಕ ಇಳಿಸಿಕೊಂಡಿರುವ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ.
ಅವರ ಪ್ರಕಾರ, ತೂಕ ಇಳಿಸಿಕೊಳ್ಳಲು ನಾನು ನಿರಂತರವಾಗಿ 5 ಕೆಲಸಗಳನ್ನು ಮಾಡಿದ್ದೇನೆ. ಯಾವುದೇ ಅಲಂಕಾರಿಕ ತಂತ್ರಗಳಿಲ್ಲ. ಯಾವುದೇ ಶಾರ್ಟ್ಕಟ್ಗಳಿಲ್ಲ. ಕೇವಲ ಅಭ್ಯಾಸಗಳು. ಇವುಗಳನ್ನು ನಾನು ಎಂದಿಗೂ ತಪ್ಪಿಸಿಲ್ಲ ಎಂದು ಜೆಸಿಕಾ ತಮ್ಮ ಅನುಭವವನ್ನು ಹಂಚಿಕೊಂಡಿದ್ದಾರೆ.
ಹಾಗಿದ್ದರೆ, ತೂಕ ಇಳಿಸಿಕೊಳ್ಳಲು ತೆಗೆದುಕೊಂಡ ಸಲಹೆಗಳೇನು?
ಸಾಧ್ಯವಾದಷ್ಟು ನಡೆಯುವುದು
ನಡೆಯುವುದು ಅವರ ದಿನಚರಿಯಲ್ಲಿ ಒಂದು ದೊಡ್ಡ ಬದಲಾವಣೆಗಳಲ್ಲಿ ಒಂದಾಗಿದೆ. ಅವರು ಹೇಳಿದಂತೆ ಸಾಧ್ಯವಾದಗಲೆಲ್ಲಾ ನಡೆಯಲು ಪ್ರಾರಂಭಿಸಿದೆ. ಬೆಳಿಗ್ಗೆ ನಡಿಗೆ. ಊಟದ ನಂತರ ನಡಿಗೆ, ರಾತ್ರಿ ಕೂಡಾ ನಡೆಯಲು ಪ್ರಾರಂಭಿಸಿದೆ ಎಂದು ಜೆಸಿಕಾ ಹೇಳಿದರು.
ಸಂಸ್ಕರಿಸಿದ ಸಕ್ಕರೆಯನ್ನು ಸಂಪೂರ್ಣವಾಗಿ ಕಡಿಮೆ ಮಾಡುವುದು
ಜೆಸಿಕಾ ತಮ್ಮ ಆಹಾರದಿಂದ ಸಂಸ್ಕರಿಸಿದ ಸಕ್ಕರೆಯನ್ನು ಸಂಪೂರ್ಣವಾಗಿ ತೆಗೆದುಹಾಕಲು ನಿರ್ಧರಿಸಿದರು. ಅದಕ್ಕಾಗಿ ಅವರು ಆದಷ್ಟು ಬೇಕರಿ ಪದಾರ್ಥಗಳು, ಸಕ್ಕರೆ ಪದಾರ್ಥಗಳ ಸೇವನೆಯನ್ನು ಸಂಪೂರ್ಣವಾಗಿ ನಿಲ್ಲಿಸಿದೆ ಎಂದು ಹೇಳಿದರು.
ಹೆಚ್ಚು ನೀರು ಕುಡಿಯುವುದು
ಅವರು ಅನುಸರಿಸಿದ ಇನ್ನೊಂದು ಅಭ್ಯಾಸವೆಂದರೆ, ಹೆಚ್ಚಾಗಿ ನೀರು ಕುಡಿಯುವುದು. ಪ್ರತಿದಿನ 3-4 ಲೀಟರ್ ನೀರು ಕುಡಿಯುವುದು ಸರಳವೆನಿಸಬಹುದು, ಆದರೆ ಸಾಕಷ್ಟು ನೀರು ಕುಡಿಯುವುದರಿಂದ ದೇಹದಲ್ಲಿ ದೊಡ್ಡ ವ್ಯತ್ಯಾಸಗಳನ್ನು ಕಾಣಬಹುದು ಎಂದು ಜೆಸಿಕಾ ವಿವರಿಸಿದ್ದಾರೆ.
ಪ್ರೋಟೀನ್ಗೆ ಆದ್ಯತೆ ನೀಡುವುದು
ಪ್ರೊಟೀನ್ ಸಮೃದ್ಧವಾಗಿರುವ ಆಹಾರಗಳನ್ನು ಸೇವಿಸುವುದರಿಂದ ನಿಮ್ಮ ಹೊಟ್ಟೆಯು ತುಂಬಿದ ಭಾವನೆ ಉಂಟಾಗುತ್ತದೆ. ಇದು ಅನಗತ್ಯ ತಿಂಡಿಗಳನ್ನು ಸೇವಿಸುವುದನ್ನು ತಪ್ಪಿಸುತ್ತದೆ. ಆದಾಗ್ಯೂ, ಈ ಪ್ರೊಟೀನ್ಯುಕ್ತ ಆಹಾರವು ನನ್ನನ್ನು ಹೆಚ್ಚು ಕಾಲ ಹೊಟ್ಟೆ ತುಂಬಿಸುವಂತೆ ಮಾಡಿತು. ಜೊತೆಗೆ ಕಡಬಯಕೆಗಳನ್ನು ಕಡಿಮೆ ಮಾಡಿತು ಎಂದು ಜೆಸಿಯಾ ಹೇಳಿದ್ದಾರೆ.
ಸವಾಲಿಗೆ ಸೇರುವುದು
ಕೊನೆಯದಾಗಿ ಜೆಸಿಕಾ ತನ್ನನ್ನು ತಾನು ಒಂದು ಸವಾಲಿನಲ್ಲಿ ತೊಡಗಿಸಿಕೊಂಡಳು. ಇದು ಅವಳನ್ನು ಸ್ಥಿರವಾಗಿ ಇರಿಸುವಂತೆ ಮಾಡಿತು. ಈ ರೀತಿ ಮಾಡುವುದರಿಂದ ತೆಗೆದುಕೊಂಡ ತೀರ್ಮಾನವನ್ನು ಮುನ್ನಡೆಸಲು ಸಹಾಯ ಮಾಡಿತು ಎಂದು ವಿವರಿಸಿದ್ದಾರೆ.
ಜೆಸಿಕಾ ಆರ್ಟ್ವಾನಿಯ ಕಥೆಯು ಸುಸ್ಥಿರ ತೂಕ ನಷ್ಟಕ್ಕೆ ಯಾವಾಗಲೂ ತೀವ್ರ ಬದಲಾವಣೆಗಳ ಅಗತ್ಯವಿರುವುದಿಲ್ಲ ಎಂದು ತೋರಿಸುತ್ತದೆ. ಕೆಲವೊಮ್ಮೆ, ಪ್ರತಿದಿನ ಅನುಸರಿಸುವ ಸರಳ ಅಭ್ಯಾಸಗಳು ದೊಡ್ಡ ವ್ಯತ್ಯಾಸವನ್ನುಂಟುಮಾಡಬಹುದು ಎಂಬುದಕ್ಕೆ ಇವರೇ ಸಾಕ್ಷಿ (ಏಜೆನ್ಸೀಸ್).
ಗಮನಿಸಿ: ಈ ಮಾಹಿತಿಯನ್ನು ಅಂತರ್ಜಾಲದಿಂದ ಸಂಗ್ರಹಿಸಲಾಗಿದೆ ಮತ್ತು ಮಾಹಿತಿ ಉದ್ದೇಶಗಳಿಗಾಗಿ ಮಾತ್ರ ಪ್ರಸ್ತುತ ಪಡಿಸಲಾಗಿದೆ. ಇದನ್ನು “ವಿಜಯವಾಣಿ ಡಾಟ್ ನೆಟ್” ದೃಢಪಡಿಸುವುದಿಲ್ಲ. ಯಾವುದೇ ಸಲಹೆಯನ್ನು ಅನುಸರಿಸುವ ಮೊದಲು ವೈದ್ಯರನ್ನು ಸಂಪರ್ಕಿಸುವುದು ಯಾವಾಗಲೂ ಉತ್ತಮ.