ಯಕೃತ್ತು (Fatty liver) ನಮ್ಮ ದೇಹದ ಅತ್ಯಂತ ಪ್ರಮುಖ ಅಂಗಗಳಲ್ಲಿ ಒಂದು. ಆದರೆ ಇತ್ತೀಚಿನ ಜೀವನಶೈಲಿ ಮತ್ತು ಆಹಾರ ಪದ್ಧತಿಯಿಂದಾಗಿ ಫ್ಯಾಟಿ ಲಿವರ್ (ಕೊಬ್ಬಿನ ಯಕೃತ್ತು) ಸಮಸ್ಯೆ ಸಾಮಾನ್ಯವಾಗುತ್ತಿದೆ. ಯಕೃತ್ತಿನಲ್ಲಿ ಅತಿಯಾದ ಕೊಬ್ಬು ಸಂಗ್ರಹವಾದಾಗ, ಅದು ಮುಖದ ಮೇಲೆ ಕೆಲವು ಸ್ಪಷ್ಟ ಲಕ್ಷಣಗಳನ್ನು ತೋರಿಸಲು ಪ್ರಾರಂಭಿಸುತ್ತದೆ.
ಹೌದು, ನಿಮ್ಮ ಮುಖದಲ್ಲಿ ಈ ಕೆಳಗಿನ 7 ಲಕ್ಷಣಗಳು ಕಂಡುಬಂದರೆ, ಅದು ನಿಮ್ಮ ಯಕೃತ್ತು ಅಪಾಯದಲ್ಲಿದೆ ಎಂಬುದರ ಸಂಕೇತವಾಗಿರಬಹುದು
ಫ್ಯಾಟಿ ಲಿವರ್ ಸೂಚಿಸುವ 7 ಪ್ರಮುಖ ಲಕ್ಷಣಗಳು
ಮುಖದ ಬಾವು (Puffy Face): ಯಕೃತ್ತು ಸರಿಯಾಗಿ ಕಾರ್ಯನಿರ್ವಹಿಸದಿದ್ದರೆ ದೇಹದಲ್ಲಿ ದ್ರವದ ಅಂಶ ಹೆಚ್ಚಾಗುತ್ತದೆ. ಇದರಿಂದಾಗಿ ಮುಖ, ವಿಶೇಷವಾಗಿ ಕಣ್ಣುಗಳ ಸುತ್ತ ಬಾವು ಕಾಣಿಸಿಕೊಳ್ಳಬಹುದು.
ಕಣ್ಣು ಮತ್ತು ಚರ್ಮ ಹಳದಿಯಾಗುವುದು: ಇದು ಕಾಮಾಲೆಯ (Jaundice) ಲಕ್ಷಣ. ಯಕೃತ್ತು ಬಿಲಿರುಬಿನ್ ಅನ್ನು ಸರಿಯಾಗಿ ಸಂಸ್ಕರಿಸದಿದ್ದಾಗ ಕಣ್ಣಿನ ಬಿಳಿ ಭಾಗ ಮತ್ತು ಮುಖದ ಚರ್ಮ ಹಳದಿ ಬಣ್ಣಕ್ಕೆ ತಿರುಗುತ್ತದೆ.
ಕಪ್ಪು ಕಲೆಗಳು (Hyperpigmentation): ಯಕೃತ್ತಿನ ಆರೋಗ್ಯ ಹದಗೆಟ್ಟಾಗ ಹಾರ್ಮೋನುಗಳ ಅಸಮತೋಲನ ಉಂಟಾಗಿ, ಮುಖದ ಮೇಲೆ ಕಪ್ಪು ಅಥವಾ ಕಂದು ಬಣ್ಣದ ಕಲೆಗಳು ಕಾಣಿಸಿಕೊಳ್ಳುತ್ತವೆ.
ಚರ್ಮದ ತುರಿಕೆ: ಯಕೃತ್ತಿನಲ್ಲಿ ಪಿತ್ತರಸದ ಲವಣಗಳು ಸಂಗ್ರಹವಾದಾಗ ಮುಖ ಮತ್ತು ದೇಹದ ಇತರ ಭಾಗಗಳಲ್ಲಿ ವಿಪರೀತ ತುರಿಕೆ ಉಂಟಾಗಬಹುದು.
ಮುಖದ ಮೇಲೆ ಸಣ್ಣ ರಕ್ತನಾಳಗಳು ಕಾಣಿಸುವುದು (Spider Angioma): ಮುಖದ ಮೇಲೆ ಜೇಡರ ಬಲೆಯಂತೆ ಸಣ್ಣ ಕೆಂಪು ರಕ್ತನಾಳಗಳು ಕಾಣಿಸಿಕೊಳ್ಳುವುದು ಲಿವರ್ ಡ್ಯಾಮೇಜ್ನ ಪ್ರಮುಖ ಲಕ್ಷಣವಾಗಿದೆ.
ಮೊಡವೆಗಳು ಮತ್ತು ದದ್ದುಗಳು: ಹಠಾತ್ ಆಗಿ ಕಾಣಿಸಿಕೊಳ್ಳುವ ಮೊಡವೆಗಳು ಅಥವಾ ಕೆಂಪು ದದ್ದುಗಳು ದೇಹದಲ್ಲಿ ಟಾಕ್ಸಿನ್ (ವಿಷಕಾರಿ ಅಂಶ) ಹೆಚ್ಚಾಗಿರುವುದನ್ನು ಸೂಚಿಸುತ್ತವೆ.
ಬಾಯಿ ದುರ್ವಾಸನೆ ಮತ್ತು ತುಟಿಗಳ ಬಣ್ಣ ಬದಲಾವಣೆ: ಯಕೃತ್ತಿನ ಸಮಸ್ಯೆ ಇದ್ದಾಗ ಉಸಿರಾಟದಲ್ಲಿ ಕೆಟ್ಟ ವಾಸನೆ ಬರಬಹುದು ಮತ್ತು ತುಟಿಗಳು ಅತಿಯಾಗಿ ಒಣಗುವುದು ಅಥವಾ ಬಣ್ಣ ಕಳೆದುಕೊಳ್ಳುವುದು ಕಂಡುಬರುತ್ತದೆ,(ಏಜೆನ್ಸೀಸ್).