ನೀವು ಪದೇ ಪದೇ ಮೂತ್ರ ವಿಸರ್ಜನೆ ಮಾಡುತ್ತಿದ್ದೀರಾ? ಈ ಸಮಸ್ಯೆ ಇಗ್ನೋರ್ ಮಾಡಿದ್ರೆ ಏನಾಗುತ್ತೆ ಗೊತ್ತಾ? Urinary Tract Infection

ಕೆಲವೊಮ್ಮೆ ಹೊರಗಡೆ ಹೋದಾಗ, ಪಾರ್ಟಿ ಮಾಡಿದಾಗ ಹೆಚ್ಚು ದ್ರವ ಪದಾರ್ಥಗಳನ್ನು ಸೇವಿಸಿದಾಗ ಹೆಚ್ಚು ಮೂತ್ರ ವಿಸರ್ಜನೆ ಮಾಡುವುದು ಸಹಜ. ಆದರೆ, ಈ ಯಾವುದೇ ಕಾರಣಗಳಿಲ್ಲದೇ, ಈ ರೀತಿಯ ಸಮಸ್ಯೆಗಳು ಕಾಣಿಸಿಕೊಂಡರೆ, ಇದು ದೇಹದ ಸಮಸ್ಯೆಯಾಗಿರಬಹುದು. ಹಾಗಿದ್ದರೆ, ಈ ಅಭ್ಯಾಸವು ಯಾವ ಸಮಸ್ಯೆಯನ್ನು ತಂದೊಡ್ಡುತ್ತದೆ ಎಂದು ನೋಡೋಣ ಬನ್ನಿ...

ಕೆಲವೊಮ್ಮೆ ಮೂತ್ರನಾಳದ ಸೋಂಕುಗಳು (UTIs), ಮಧುಮೇಹ, ಪುರುಷರಲ್ಲಿ ಹಿಗ್ಗಿದ ಪ್ರಾಸ್ಟೇಟ್ ಗ್ರಂಥಿ, ಅತಿಯಾದ ಮೂತ್ರಕೋಶ, ಗರ್ಭಧಾರಣೆ ಮತ್ತು ಕೆಲವು ಔಷಧಿಗಳು ಪದೇ ಪದೇ ಮೂತ್ರ ಮಾಡುವಂತೆ ಮಾಡುತ್ತದೆ. ಹಾಗಾಗಿ ನೀವೇನಾದರೂ, ಈ ರೀತಿಯ ಸಮಸ್ಯೆಯನ್ನು ಎದುರಿಸುತ್ತಿದ್ದರೆ ಇದರ ಬಗ್ಗೆ ಗಮನ ಹರಿಸುವುದು ಉತ್ತಮ.

ಮೂತ್ರ ವಿಸರ್ಜನೆ ವೇಳೆ ನಿಮ್ಮ ಮುಖ ಅಥವಾ ಕಾಲುಗಳಲ್ಲಿ ಊತ, ನೊರೆ ರೂಪದಲ್ಲಿ ಮೂತ್ರ, ಮೂತ್ರದಲ್ಲಿ ರಕ್ತ ಸೋರುವುದು, ಸುಡುವಿಕೆ, ನೋವು, ಜ್ವರ, ತೀವ್ರ ಆಯಾಸದಂತಹ ಲಕ್ಷಣಗಳು ಕಂಡುಬಂದರೆ, ಅದು ಮೂತ್ರಪಿಂಡದ ಸಮಸ್ಯೆಯ ಸಂಕೇತವಾಗಿರಬಹುದು.

ಮೂತ್ರ ವಿಸರ್ಜನೆಯ ಸಂದರ್ಭದಲ್ಲಿ ಮೂತ್ರದಲ್ಲಿ ರಕ್ತ, ಮೂತ್ರ ವಿಸರ್ಜಿಸುವಾಗ ಉರಿ ಅಥವಾ ನೋವು, ಜ್ವರ ಅಥವಾ ಶೀತ, ನಿಮ್ಮ ಬೆನ್ನಿನ ಕೆಳಭಾಗ ಅಥವಾ ಬದಿಯಲ್ಲಿ ನೋವು, ಬಲವಾದ ವಾಸನೆ ಕಂಡುಬಂದರೆ ಈ ಸಮಸ್ಯೆಗೆ ಔಷಧ ತೆಗೆದುಕೊಳ್ಳುವುದು ಉತ್ತಮ. ಇಲ್ಲದಿದ್ದರೆ, ಅಪಾಯ ಹೆಚ್ಚಾಗುವ ಸಂಭವ ಜಾಸ್ತಿ ಇರುತ್ತದೆ.

ಪದೇ ಪದೇ ಮೂತ್ರ ಮಾಡುವುದರಿಂದ ಹಠಾತ್​ ತೂಕ ನಷ್ಟ ಕಂಡುಬಂದರೆ, ಅಥವಾ ಅತಿಯಾದ ಬಾಯಾರಿಕೆ, ಪುರುಷರಲ್ಲಿ, ಮೂತ್ರ ವಿಸರ್ಜನೆಯ ತೊಂದರೆ ಅಥವಾ ತೆಳುವಾದ ಹರಿವು ಪ್ರಾಸ್ಟೇಟ್ ಸಮಸ್ಯೆಗಳು ಇವು ತೂಕವನ್ನು ಕಡಿಮೆ ಮಾಡುವಂತೆ ಮಾಡುತ್ತದೆ. ಹಾಗಾಗಿ ಎಚ್ಚರಿಕೆ ವಹಿಸುವುದು ಉತ್ತಮ.

ಪದೇ ಪದೇ ಮೂತ್ರ ವಿಸರ್ಜನೆ ಮಾಡುವುದು ಯಾವಾಗಲೂ ಅಪಾಯಕಾರಿಯಲ್ಲ. ಆದಾಗ್ಯೂ, ಯಾವುದೇ ವ್ಯಕ್ತಿಯು ನಿರಂತರವಾಗಿ ಈ ಸಮಸ್ಯೆಯನ್ನು ಅನುಭವಿಸುತ್ತಿದ್ದರೆ, ನೋವು, ರಕ್ತ, ತೂಕ ನಷ್ಟ, ಮಧುಮೇಹ ಸಮಸ್ಯೆಗಳು ಕಂಡುಬಂದರೆ, ವೈದ್ಯಕೀಯ ಚಿಕಿತ್ಸೆ ಪಡೆಯುವುದು ಉತ್ತಮ. ಇಲ್ಲದಿದ್ದರೆ, ಮೂತ್ರಪಿಂಡದ ಸಮಸ್ಯೆಗಳನ್ನು ಅನುಭವಿಸಬೇಕಾಗುತ್ತದೆ (ಏಜೆನ್ಸೀಸ್​).