ರಕ್ತದೊತ್ತಡ
ಬೇಸಿಗೆಯ ತೀವ್ರವಾದ ದಿನಗಳಲ್ಲಿ ಕೇವಲ ಡಿಹೈಡ್ರೇಶನ್ ಮಾತ್ರವಲ್ಲದೆ, ರಕ್ತದೊತ್ತಡದಲ್ಲಿ ಏರುಪೇರಾಗುವ ಸಾಧ್ಯತೆಯೂ ಅಧಿಕವಾಗಿರುತ್ತದೆ. ಬೇಸಿಗೆಯಲ್ಲಿ ರಕ್ತದೊತ್ತಡ ಹೆಚ್ಚಾಗಲು ಇವುಗಳೇ ಕಾರಣ.ದೇಹದ ನಿರ್ಜಲೀಕರಣ
ಬೇಸಿಗೆಯಲ್ಲಿ ಅತಿಯಾದ ಬೆವರಿನ ಕಾರಣದಿಂದ ದೇಹದಲ್ಲಿನ ನೀರಿನಂಶ ಮತ್ತು ಅತ್ಯಗತ್ಯ ಲವಣಗಳು ವೇಗವಾಗಿ ಕಡಿಮೆಯಾಗುತ್ತವೆ. ದೇಹದಲ್ಲಿ ನೀರಿನ ಕೊರತೆಯಾದಾಗ ರಕ್ತದ ಪ್ರಮಾಣ ಕುಸಿಯುತ್ತದೆ. ಇದನ್ನು ಸರಿದೂಗಿಸಲು ರಕ್ತ ವೇಗವಾಗಿ ಪಂಪ್ ಮಾಡಲು ಪ್ರಾರಂಭಿಸುತ್ತದೆ. ಇದರಿಂದ ರಕ್ತದೊತ್ತಡ ಹೆಚ್ಚಾಗಲು ಕಾರಣವಾಗುತ್ತದೆ.ತೀವ್ರವಾದ ತಾಪಮಾನ
ವಾತಾವರಣದಲ್ಲಿ ತಾಪಮಾನವು ಅತಿಯಾಗಿ ಹೆಚ್ಚಾದಾಗ, ದೇಹವು ತನ್ನ ಒಳಗಿನ ತಾಪಮಾನವನ್ನು ಸಮತೋಲನದಲ್ಲಿಡಲು ಕಠಿಣವಾಗಿ ಶ್ರಮಿಸಬೇಕಾಗುತ್ತದೆ. ಈ ಹವಾಮಾನದ ಒತ್ತಡದಿಂದಾಗಿ ದೇಹದಲ್ಲಿ 'ಕಾರ್ಟಿಸೋಲ್' ಮತ್ತು 'ಅಡ್ರಿನಾಲಿನ್' ನಂತಹ ಸ್ಟ್ರೆಸ್ ಹಾರ್ಮೋನ್ಗಳು ಬಿಡುಗಡೆಯಾಗುತ್ತವೆ. ಇದು ರಕ್ತದೊತ್ತಡವನ್ನು ಹೆಚ್ಚಿಸುತ್ತದೆ.ರಕ್ತದ ಸಾಂದ್ರತೆ ಹೆಚ್ಚಾಗುವುದು
ದೇಹದಲ್ಲಿ ನೀರಿನಂಶ ಕಡಿಮೆಯಾದಾಗ ರಕ್ತವು ಎಂದಿಗಿಂತಲೂ ಹೆಚ್ಚು ಗಟ್ಟಿಯಾಗುತ್ತದೆ ಅಥವಾ ರಕ್ತದ ಸಾಂದ್ರತೆ ಹೆಚ್ಚುತ್ತದೆ. ಗಟ್ಟಿಯಾದ ರಕ್ತವನ್ನು ದೇಹದ ಎಲ್ಲಾ ಅಂಗಾಂಗಗಳಿಗೆ ತಲುಪಿಸಲು ರಕ್ತನಾಳಗಳ ಮೂಲಕ ಹರಿಸುವಾಗ ಹೃದಯಕ್ಕೆ ಹೆಚ್ಚಿನ ಶ್ರಮ ಬೇಕಾಗುತ್ತದೆ. ಈ ಹೆಚ್ಚುವರಿ ಒತ್ತಡವು ಬಿಪಿ ಮಟ್ಟವನ್ನು ಹೆಚ್ಚಿಸುತ್ತದೆ.ಜೀವನಶೈಲಿ ಮತ್ತು ಆಹಾರ ಪದ್ಧತಿಯಲ್ಲಿನ ಬದಲಾವಣೆ
ಬೇಸಿಗೆಯ ಕಾಲದಲ್ಲಿ ಜನರು ತಂಪು ಪಾನೀಯಗಳ ಹೆಸರಿನಲ್ಲಿ ಅತಿಯಾದ ಸಕ್ಕರೆ ಮಿಶ್ರಿತ ಸೋಡಾಗಳು, ಸಂಸ್ಕರಿಸಿದ ಜ್ಯೂಸ್ಗಳು ಅಥವಾ ಉಪ್ಪಿನಂಶ ಹೆಚ್ಚಿರುವ ಸ್ಯಾಟಿ ಲಘು ಆಹಾರಗಳನ್ನು ಸೇವಿಸುವುದು ಹೆಚ್ಚಾಗುತ್ತದೆ. ಇದು ಮೂತ್ರಪಿಂಡಗಳ ಮೇಲೆ ಒತ್ತಡ ಹೇರಿ, ರಕ್ತದೊತ್ತಡವನ್ನು ಪ್ರಚೋದಿಸುತ್ತದೆ.ನಿದ್ರೆಯ ಕೊರತೆ
ಕಡು ಬೇಸಿಗೆಯ ತಾಪಕ್ಕೆ ಜನರು ಹೊರಗಡೆ ಹೋಗಿ ವ್ಯಾಯಾಮ ಮಾಡುವುದನ್ನು ಅಥವಾ ದೈಹಿಕ ಚಟುವಟಿಕೆಗಳನ್ನು ಗಣನೀಯವಾಗಿ ಕಡಿಮೆ ಮಾಡುತ್ತಾರೆ. ಇದರೊಂದಿಗೆ, ಬೇಸಿಗೆಯ ಸೆಕೆಗೆ ರಾತ್ರಿಯ ಅವಧಿಯಲ್ಲಿ ಸರಿಯಾದ ನಿದ್ರೆ ಬರುವುದಿಲ್ಲ. ಇದು ರಕ್ತದೊತ್ತಡ ನಿಯಂತ್ರಣ ತಪ್ಪಲು ಪ್ರಮುಖ ಹಾರ್ಮೋನಲ್ ಕಾರಣಗಳಾಗಿವೆ.