ಬಿಸಿಲು, ಧೂಳಿನಿಂದ ಮುಖದ ಮೇಲಾಗುವ ಕಪ್ಪು ಕಲೆಯನ್ನು ತೆಗೆದು ಹಾಕಲು ಮನೆಯಲ್ಲಿಯೇ ಕೆಲವೊಂದು ನೈಸರ್ಗಿಕ ವಿಧಾನಗಳಿವೆ. ಮನೆಯಲ್ಲಿ ಸಿಗುವ ಅರಿಶಿನವನ್ನು ಐಸ್ ಕ್ಯೂಬ್ನ್ನಾಗಿಸಿಕೊಂಡು ಬಳಕೆ ಮಾಡುವುದರಿಂದ ಇದು ಮುಖದಲ್ಲಿರುವ ಮೊಡವೆ, ಕಪ್ಪು ಕಲೆಯನ್ನು ಹೋಗಲಾಡಿಸಲು ಸಹಾಯ ಮಾಡುತ್ತದೆ.
ಅರಿಶಿನ ಕಾಲು ಟೀ ಸ್ಪೂನ್, 1 ಕಪ್ ನೀರು, 1 ಐಸ್ ಕ್ಯೂಬ್ ಟ್ರೇ, ಅಲೋವೆರಾ ಜೆಲ್ ಅಥವಾ ತುಪ್ಪವನ್ನು ಮಿಕ್ಸ್ ಮಾಡಿ. ಐಸ್ ಕ್ಯೂಬ್ ಟ್ರೇಗೆ ಹಾಕಿ ರೆಫ್ರಿಜರೇಟರ್ನಲ್ಲಿ ಇಡಿ. 8-9 ಗಂಟೆ ಬಿಟ್ಟು ಫ್ರಿಜ್ ನಲ್ಲಿ ಇಡಿ.
ಅರಿಶಿನ ಐಸ್ ಕ್ಯೂಬ್ ತಯಾರಿಸಿದ ನಂತರ ಅದನ್ನು ಬಳಸುವ ಮುನ್ನ ನಿಮ್ಮ ಮುಖವನ್ನು ಪೇಸ್ ವಾಶ್ನಿಂದ ಸ್ವಚ್ಛಗೊಳಿಸಿಕೊಳ್ಳಿ, ನಂತರ ಮೃದುವಾದ ಬಟ್ಟೆಯಿಂದ ಜಾಸ್ತಿ ರಬ್ ಮಾಡದೆ ನೀರಿನಾಂಶ ಇಲ್ಲದಂತೆ ನೋಡಿಕೊಳ್ಳಿ. ಈಗ ನೀವು ತಯಾರಿಸಿದ ಕ್ಯೂಬ್ ಅನ್ನು ನಿಮ್ಮ ಮುಖ ಹಾಗೂ ಕುತ್ತಿಗೆ ಮೇಲೆ ಮೈಲ್ಡ್ಆಗಿ ಮಸಾಜ್ ಮಾಡಿ. ಕೊನೆಗೆ ನಿಮ್ಮ ಮೇಲೆ ಐಸ್ ಕ್ಯೂಬ್ನ ನೀರು ಇರಲು ಒಂದೈದು ನಿಮಿಷ ಬಿಡಿ. ಆನಂತರ ತಣ್ಣೀರಿನಿಂದ ಮುಖ ತೊಳೆದು ಲೋಷನ್ ಹಚ್ಚಿಕೊಳ್ಳಿ.
ಅರಿಶಿನ ಐಸ್ಕ್ಯೂಬ್ ನಿಮ್ಮ ಮುಖದ ಮೇಲಿನ ಉರಿಯೂತ ಕಡಿಮೆ ಮಾಡುತ್ತದೆ. ಮೊಡವೆ, ಕಪ್ಪು ಕಲೆಗೆ ಮುಕ್ತಿ ನೀಡುತ್ತದೆ. ಮಾಲಿನ್ಯ ಮತ್ತು ಬಿಸಿಲಿನಿಂದ ಕಾಂತಿ ಕಳೆದುಕೊಂಡ ಮುಖಕ್ಕೆ ಹೊಸ ತೇಜಸ್ಸನ್ನು ನೀಡಲು ಈ ಐಸ್ಕ್ಯೂಬ್ ಸಹಾಯ ಮಾಡುತ್ತದೆ. ವಾರದಲ್ಲಿ ಮೂರರಿಂದ ನಾಲ್ಕು ದಿನ ಈ ವಿಧಾನ ಟ್ರೈ ಮಾಡಿ.
ನೆನಪಿಡಿ ಇದು ಸುಕ್ಕು, ನಿಮ್ಮ ಮುಖದ ಬಣ್ಣ ಬದಲಿಸೋದಿಲ್ಲ. ಚರ್ಮದ ಸಮಸ್ಯೆ, ಸೂಕ್ಷ್ಮ ಚರ್ಮ ಹೊಂದಿರುವವರು ಎಂದಿಗೂ ವೈದ್ಯರ ಸಲಹೆ ಮೇರೆಗೆ ಐಸ್ಕ್ಯೂಬ್ ಬಳಕೆ ಮಾಡುವುದು ಸರಿಯಾದ ಕ್ರಮ.