ಚಿಂತಾಮಣಿ: ತಾಲೂಕಿನ ಅಂಬಾಜಿದುರ್ಗ ಹೋಬಳಿ ಉಪ್ಪಾರಪೇಟೆಯಲ್ಲಿ ಹಳೇ ವೈಷ್ಯಮದ ಹಿನ್ನೆಲೆಯಲ್ಲಿ ಗುರುವಾರ ಮಧ್ಯರಾತ್ರಿ ಲಾಂಗ್ ಮತ್ತು ಮಚ್ಚು ಹಿಡಿದು ಬಂದ ಗುಂಪೊಂದು ಗ್ರಾಮದ ಐವರ ಮೇಲೆ ಮಾರಣಾಂತಿಕವಾಗಿ ಹಲ್ಲೆ ಮಾಡಿದೆ.
ಎಂ.ಶಫೀ, ಅರ್ಬಾಜ್, ಜುನೇದ್ ಅಹಮದ್, ಜಮೀಲ್ ಮತ್ತು ಆಖೀಲ್ ಅಹಮದ್ ಹಲ್ಲೆಗೆ ಒಳಗಾದವರು. ಖಲಾಂದರ್ ಪಾಷಾ ಬಾಬು, ಸನ್ವಿದ್ ಶರೀಫ್, ಜಿಶಾನ್ ಶರೀಪ್, ಫಿದೋರ್ಸ್ ಶರೀಫ್ ಆರೋಪಿಗಳು ಗುರುತಿಸಲಾಗಿದೆ.
ಎರಡು ಕುಟುಂಬಗಳ ನಡುವೆ ಹಳೇ ದ್ವೇಷದದಿಂದ ಕೃತ್ಯ ನಡೆದಿದೆ ಎನ್ನಲಾಗಿದೆ. ಗಾಯಾಳುಗಳನ್ನು ಚಿಂತಾಮಣಿ ಸಾರ್ವಜನಿಕ ಆಸ್ಪತ್ರೆಗೆ ದಾಖಲು ಮಾಡಿದ್ದು, ತೀವ್ರವಾಗಿ ಗಾಯಗೊಂಡ ಜುನೇದ್ ಮತ್ತು ಅರ್ಬಾಜ್ ಅವರನ್ನು ಹೆಚ್ಚಿನ ಚಿಕಿತ್ಸೆಗಾಗಿ ಹೊಸಕೋಟೆಯ ಎಂವಿಜಿ ಆಸ್ಪತ್ರೆಗೆ ರವಾನಿಸಲಾಗಿದೆ. ಚಿಂತಾಮಣಿ ಗ್ರಾಮಾಂತರ ಪೊಲೀಸರು ಸ್ಥಳ ಪರಿಶೀಲಿಸಿ, ಪ್ರಕರಣ ದಾಖಲಿಸಿಕೊಂಡಿದ್ದಾರೆ.