ಚಿತ್ರದುರ್ಗ: ಪೋಕ್ಸೋ ಪ್ರಕರಣದ ಆರೋಪ ಎದುರಿಸುತ್ತಿರುವ ಶಿವಮೂರ್ತಿ ಮುರುಘಾ ಶರಣರು ವಿಚಾರಣೆ ಹಿನ್ನಲೆಯಲ್ಲಿ ಸೋಮವಾರ ಎರಡನೇ ಹೆಚ್ಚುವರಿ ಜಿಲ್ಲಾ ಮತ್ತು ಸೆಷನ್ಸ್ ನ್ಯಾಯಾಲಯಕ್ಕೆ ಹಾಜರಾದರು.
ಪ್ರಕರಣ ಸಂಬಂಧ ಹೈಕೋರ್ಟ್ನಿಂದ ಫೈಲ್ಗಳು ಚಿತ್ರದುರ್ಗ ನ್ಯಾಯಾಲಯಕ್ಕೆ ಬರಬೇಕಿರುವ ಕಾರಣ ವಿಚಾರಣೆಯನ್ನು ಮೇ 31ಕ್ಕೆ ನ್ಯಾಯಾಧೀಶ ಗಂಗಾಧರಪ್ಪ ಚನ್ನಬಸಪ್ಪ ಅಡಪದ ಅವರು ಮುಂದೂಡಿದರು.
ಸರ್ಕಾರಿ ಅಭಿಯೋಜಕರಾದ ನಾಗವೇಣಿ, ಜಗದೀಶ್ ಇತರರಿದ್ದರು. ನ್ಯಾಯಾಲಯಕ್ಕೆ ಹಾಜರಾಗಿ ಕಾರಾಗೃಹಕ್ಕೆ ಹಿಂದಿರುಗುವ ವೇಳೆ ಶಿವಮೂರ್ತಿ ಮುರುಘಾ ಶರಣರ ಜೊತೆ ಶ್ರೀ ಬಸವಪ್ರಭು ಸ್ವಾಮೀಜಿ, ಶರಣರ ಪರ ವಕೀಲರಾದ ಉಮೇಶ್, ಪ್ರತಾಪ್ ಜೋಗಿ, ಜೀತೇಂದ್ರ ಹುಲಿಕುಂಟೆ, ಶೇಷಣ್ಣಕುಮಾರ್ ಇತರರಿದ್ದರು.