ಕಂಪ್ಲಿ: ಸಣಾಪುರ ಗ್ರಾಮದಲ್ಲಿ ಕರ್ನಾಟಕ ದಲಿತ ಸಂಘರ್ಷ ಸಮಿತಿ (ಸಾಗರ್ ಬಣ) ಗ್ರಾಮ ಘಟಕದಿಂದ ಡಾ.ಬಿ.ಆರ್.ಅಂಬೇಡ್ಕರ್ ಪ್ರತಿಮೆ ಅನಾವರಣ ಕಾರ್ಯಕ್ರಮ ಗುರುವಾರ ನಡೆಯಿತು. ಶಾಸಕ ಜೆ.ಎನ್.ಗಣೇಶ್ ಹಾಗೂ ಜಿಪಂ ಮಾಜಿ ಸದಸ್ಯ ಎ.ಮಾನಯ್ಯ ಪ್ರತಿಮೆ ಅನಾವರಣಗೊಳಿಸಿದರು.
ಅಂಬೇಡ್ಕರ್ ಅವರ ತತ್ವ, ವಿಚಾರಗಳನ್ನು ಅಧ್ಯಯನ ಮಾಡುವುದರೊಂದಿಗೆ ಜೀವನದಲ್ಲಿ ಅನುಷ್ಠಾನಗೊಳಿಸಿಕೊಳ್ಳಲು ಯುವಜನತೆ ಮುಂದಾಗಬೇಕು. ಶಿಕ್ಷಣ, ಸಂಘಟನೆ ಮತ್ತು ಹೋರಾಟ ಮನೋಭಾವನೆ ರೂಢಿಸಿಕೊಳ್ಳಬೇಕು. ಯುವಕರು ದುಶ್ಚಟಗಳಿಂದ ದೂರವಿದ್ದು ಸ್ವ ಉದ್ಯೋಗ ಕಂಡುಕೊಳ್ಳುವ ಮೂಲಕ ಆರ್ಥಿಕ ಸ್ವಾವಲಂಬನೆ ಸಾಧಿಸಬೇಕು ಎಂದು ಶಾಸಕ ಜೆ.ಎನ್.ಗಣೇಶ್ ಹಾಗೂ ಜಿಪಂ ಮಾಜಿ ಸದಸ್ಯ ಎ.ಮಾನಯ್ಯ ತಿಳಿಸಿದರು.
ಸಂಘಟನೆಯ ಸಣಾಪುರ ಗ್ರಾಮ ಘಟಕದ ಅಧ್ಯಕ್ಷ ಎಸ್.ರಾಮು, ಕಂಪ್ಲಿ ಪುರಸಭೆ ಅಧ್ಯಕ್ಷ ಭಟ್ಟ ಪ್ರಸಾದ್, ಗ್ರಾಪಂ.ಅಧ್ಯಕ್ಷ ವೈ.ರಮಣಯ್ಯ, ಪ್ರಮುಖರಾದ ಪಿ.ಮೂಕಯ್ಯಸ್ವಾಮಿ, ಆರ್.ಎಂ.ರಾಮಯ್ಯ, ವೀರಾಂಜನೇಯಲು, ಜಿ.ರಾಮಣ್ಣ, ಭಾಸ್ಕರರೆಡ್ಡಿ, ವೆಂಕಟರಾಮರಾಜು, ಸಿ.ಆರ್.ಹನುಮಂತ, ಗಂಗಣ್ಣ, ಹಬೀಬ್ ರೆಹಮಾನ್, ದೇವಪುತ್ರ, ಸ್ಯಾಮುಯೇಲ್, ವಿಜಯಕುಮಾರ್, ವೆಂಕಟೇಶ್, ಮಂಜು, ಹುಸೇನಿ, ಹನುಮಂತಪ್ಪ ಇತರರಿದ್ದರು.