ಮೈಸೂರು: ಸೂಯೇಜ್ ಫಾರ್ಮ್ನಲ್ಲಿ ಎರಡೂವರೆ ದಶಕದಿಂದ ಸಂಗ್ರಹವಾಗಿರುವ ತ್ಯಾಜ್ಯ ಬೆಟ್ಟದ ರೀತಿಯಲ್ಲಿ ಬೆಳೆದು ನಿಂತಿದ್ದು, ಈ ತ್ಯಾಜ್ಯ ವನ್ನು ಬಯೋಮೈನಿಂಗ್ ಮೂಲಕ ವಿಲೇವಾರಿ ಮಾಡುವ ಕಾರ್ಯ ಕೈಗೊಳ್ಳಬೇಕಾಗಿರುವ ಹಿನ್ನೆಲೆಯಲ್ಲಿ ಗುರುವಾರದಿಂದ ಸೂಯೇಜ್ ಫಾರ್ಮ್ಗೆ ತ್ಯಾಜ್ಯ ಸರಬರಾಜು ಸ್ಥಗಿತಗೊಳಿಸಲಾಗಿದೆ.
ಪ್ರಸ್ತುತ ಪ್ರತಿಯೊಂದು ಮನೆಗಳಿಂದ ಹಸಿಕಸ ಹಾಗೂ ಒಣಕಸವನ್ನು ಬೇರ್ಪಡಿಸಿ ಪಡೆಯಲಾಗುತ್ತಿದೆ. ಈ ತ್ಯಾಜ್ಯವನ್ನು ಸೂಯೇಜ್ ಫಾರ್ಮ್ನಲ್ಲಿರುವ ತ್ಯಾಜ್ಯ ಸಂಸ್ಕರಣಾ ಘಟಕದಲ್ಲಿ ಸಂಸ್ಕರಣೆ ಮಾಡಲಾಗುತಿತ್ತು. ರಸ್ತೆ ಬದಿಯಲ್ಲಿ ಸಂಗ್ರಹವಾಗುವ ತ್ಯಾಜ್ಯವನ್ನು ಸೂಯೇಜ್ಫಾರ್ಮ್ನಲ್ಲಿ ಲ್ಯಾಂಡ್ಫಿಲ್ಲಿಂಗ್ ಮಾಡಲಾಗುತಿತ್ತು. ಲ್ಯಾಂಡ್ ಫಿಲ್ಲಿಂಗ್ನಿಂದ ಸೂಯೇಜ್ಫಾರ್ಮ್ನಲ್ಲಿ ಮತ್ತೆ ತ್ಯಾಜ್ಯದ ರಾಶಿ ಬೆಳೆಯಲಿದ್ದು, ಹಳೆಯ ತ್ಯಾಜ್ಯವನ್ನು ಬಯೋಮೈನಿಂಗ್ ಮಾಡಿ ತೆರವುಗೊಳಿಸುವವರೆಗೆ ಹೊಸ ಕಸವನ್ನು ಲ್ಯಾಂಡ್ಫಿಲ್ ಮಾಡದಂತೆ ಟೆಂಡರ್ದಾರರ ಮನವಿಗೆ ಸ್ಪಂದಿಸಿ ನಗರ ಪಾಲಿಕೆಯು ಇದೀಗ ಸೂಯೇಜ್ ಫಾರ್ಮ್ಗೆ ತ್ಯಾಜ್ಯ ಸಬರಾಜು ಸ್ಥಗಿತಗೊಳಿಸಿ ಕೆಸರೆ ಹಾಗೂ ರಾಯನಕೆರೆ ಘಟಕಕ್ಕೆ ಕಳುಹಿಸುತ್ತಿದೆ.