ಗುಬ್ಬಿ: ಪಟ್ಟಣದಲ್ಲಿ ನನೆಗುದಿಗೆ ಬಿದ್ದಿರುವ ಒಳಚರಂಡಿ ಕಾಮಗಾರಿ ಪೂರ್ಣಗೊಳಿಸುವ ಸಲುವಾಗಿ ಸೋಮವಾರ ಪಟ್ಟಣ ಪಂಚಾಯಿತಿ ಕಚೇರಿಯಲ್ಲಿ ಅಧಿಕಾರಿಗಳ ಸಭೆ ಕರೆದಿರುವುದಾಗಿ ಶಾಸಕ ಎಸ್.ಆರ್.ಶ್ರೀನಿವಾಸ್ ತಿಳಿಸಿದರು. ಶನಿವಾರ ನಡೆದ ಪಟ್ಟಣ ಪಂಚಾಯಿತಿ ಸಾಮಾನ್ಯ ಸಭೆಯಲ್ಲಿ ಸದಸ್ಯರು ಕೇಳಿದ ಹಲವಾರು ಪ್ರಶ್ನೆಗಳಿಗೆ ಉತ್ತರಿಸಿದರು.
ಗುಬ್ಬಿ ಪಟ್ಟಣದ ಮೂಲಕ ಹಾದು ಹೋಗುವ ರಾಷ್ಟ್ರೀಯ ಹೆದ್ದಾರಿ ಹಳೆಯ ಸಂಖ್ಯೆ 206, ಈಗಿನ ಸಂಖ್ಯೆ 73ರನ್ನು ಅಭಿವೃದ್ಧಿ ಪಡಿಸಿ ವೈಟ್ ಟ್ಯಾಪಿಂಗ್ ಮಾಡಲು ಈಗಾಗಲೇ ಟೆಂಡರ್ ಕರೆದು ಭೂಮಿ ಪೂಜೆಯೂ ನೆರವೇರಿದ್ದು, ಮೊದಲಿಗೆ ರಸ್ತೆಯನ್ನಷ್ಟೇ ಅಭಿವೃದ್ಧಿ ಪಡಿಸುವುದಾಗಿ ಅಧಿಕಾರಿಗಳು ತಿಳಿಸಿದ್ದರು. ನಾನು ಕೇಂದ್ರ ಸಚಿವ ಸೋಮಣ್ಣ ಅವರಲ್ಲಿ ವಿನಂತಿ ಮಾಡಿಕೊಂಡು ರಸ್ತೆಯ ಎರಡೂ ಬದಿಯಲ್ಲಿ ಚರಂಡಿ ಮಾಡಿಸಲು ಕೇಳಿಕೊಂಡಿದ್ದೇನೆ ಇದು ಆಗುತ್ತದೆ. ವಿದ್ಯುತ್ ಕಂಬಗಳನ್ನು ಬದಲಾಯಿಸುವಂತೆ ಸೂಚಿಸಿದ್ದೇನೆ ಎಂದರು.
ಪಟ್ಟಣದ ಕೆಲವು ರಸ್ತೆಗಳು ಹಾಳಾಗಿದ್ದು, ಅವುಗಳನ್ನು ಸರಿಪಡಿಸುವಸಂತೆ ಅಧಿಕಾರಿಗಳಿಗೆ ಸೂಚಿಸಿದ್ದೇನೆ ಎಂದರು. ಪಟ್ಟಣ ಪಂಚಾಯಿತಿ ಸದಸ್ಯ ಜಿ.ಸಿ.ಕೃಷ್ಣಮೂರ್ತಿ ತಮ್ಮ ವಾರ್ಡ್ನಲ್ಲಿ ನಾಗರಿಕರು ಹಣ ಸಂಗ್ರಹ ಮಾಡಿ ಮಾಡಿಸಿರುವ ಕೆಲಸಕ್ಕೆ ಅಧಿಕಾರಿಗಳು ಬಿಲ್ ಮಾಡಿಕೊಂಡಿದ್ದರೆ ಎಂದು ಆಕ್ಷೇಪಿಸಿ ಸಭಾತ್ಯಾಗ ಮಾಡಿದರು.
ಸದಸ್ಯ ಸಿ.ಮೋಹನ್ ಮಾತನಾಡಿ. ಹೆದ್ದಾರಿಯವರು ಸಿಮೆಂಟ್ ರಸ್ತೆ ನಿಮಾರ್ಣ ಮಾಡುವಾಗ ಪಂಚಾಯಿತಿ ವತಿಯಿಂದ ಅಗೆದ್ದಿರುವ ಕುಡಿಯುವ ನೀರಿನ ಪೈಪ್ಗಳನ್ನು ಬೇರೆಡೆಗೆ ಬದಲಾಯಿಸಲು ಗುತ್ತಿಗೆದಾರರಿಗೆ ತಿಳಿಸುವಂತೆ ತಿಳಿಸಿದರು.
ರಾಯವಾರ ರಸ್ತೆಯಲ್ಲಿ ಗುಂಡಿಗಳು ಬಿದ್ದಿದ್ದು, ನಿತ್ಯ ಇಲ್ಲಿ ದ್ವಿಚಕ್ರ ವಾಹನ ಸವಾರರು ಆಘಾತಕ್ಕೀಡಾಗುತ್ತಾರೆ. ಬೇಗ ರಸ್ತೆ ಸರಿಪಡಿಸುವಂತೆ ಒತ್ತಾಯಿಸಿದರು. ಕೆಲವು ವಾರ್ಡ್ಗಳಲ್ಲಿ ಕುಡಿಯುವ ನೀರಿನ ನಲ್ಲಿಗಳು ಇಲ್ಲದಿರುವುದರಿಂದ ಹೊಸದಾಗಿ ಪೈಪ್ಲೈನ್ ಮಾಡಿಸಿ ಎಂದು ಸದಸ್ಯ ಕುಮಾರ್ ಕೇಳಿದರು. ಬೀದಿ ಬದಿಯ ವ್ಯಾಪಾರಿಗಳಿಗೆ ಸೂಕ್ತ ಸ್ಥಳ ಒದಗಿಸಬೇಕೆಂದು ಸದಸ್ಯ ರೇಣುಕಾ ಪ್ರಸಾದ್ ತಿಳಿಸಿದರು. ಪ್ರತಿ ವರ್ಷ ವ್ಯಾಪಾರಸ್ಥರಿಗೆ ನೀಡುವ ಟ್ರೇಡ್ ಲೈಸೆನ್ಸ್ ವಿಷಯ ಚರ್ಚೆಯಾಯಿತು.ಇದಕ್ಕೆ ಉತ್ತರಿಸಿದ ಮುಖ್ಯಾಧಿಕಾರಿ ಮಂಜುಳಾದೇವಿ ಗುಬ್ಬಿ ಪಟ್ಟಣದಲ್ಲಿ ಸುಮಾರು 600 ವಿವಿಧ ವ್ಯಾಪಾರದ ಅಂಗಡಿಗಳಿದ್ದು, ಇವರೆಲ್ಲಾ ಕಡ್ಡಾಯವಾಗಿ ಟ್ರೇಡ್ ಲೈಸೆನ್ಸ್ ಪಡೆಯಬೇಕೆಂದರು.
ಉಪಾಧ್ಯೆಕ್ಷೆ ಶ್ವೇತಾ, ಸದಸ್ಯರಾದ ಸಿದ್ದರಾಮಣ್ಣ, ಮಹಮದ್ ಸಾದಿಕ್, ಶಶಿ ಕುಮಾರ್ಶೋಕತ್ ಆಲಿ, ಮಮತಾ, ಮಂಗಳಮ್ಮ, ನಾಮಿನಿ ಸದಸ್ಯರಾದ ಅಮ್ಜ, ಆನಂದ್ ಇದ್ದರು.