ಶಾಲೆಯ ಕಿಟಕಿ-ಗಾಜು ಪುಡಿಪುಡಿ

ಮುಂಡರಗಿ: ತಾಲೂಕಿನ ಬಿದರಹಳ್ಳಿ ಪುನರ್ವಸತಿ ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲಾ ಆವರಣದಲ್ಲಿ ಕಿಡಿಗೇಡಿಗಳು ಬುಧವಾರ ಕಿಟಕಿ ಗಾಜುಗಳನ್ನು ಒಡೆದು ಹಾಳು ಮಾಡಿದ್ದಾರೆ.

ಕಿಟಕಿ ಗಾಜುಗಳನ್ನು ಕಲ್ಲಿನಿಂದ ಒಡೆದು ಪುಡಿಪುಡಿ ಮಾಡಿದ್ದಾರೆ. ಆವರಣದಲ್ಲಿನ ಗಿಡಗಳನ್ನು ಕಿತ್ತು ಮುರಿದು ಹಾಕಿದ್ದಾರೆ.

ಅಲಂಕಾರಿಕ 9ಕ್ಕೂ ಹೆಚ್ಚು ಹೂ ಕುಂಡಗಳನ್ನು ನೆಲಕ್ಕೆಸೆದು ಹಾಳು ಮಾಡಿದ್ದಾರೆ. ಟೈಲ್ಸ್‌ಗಳನ್ನು ಒಡೆದು ದುಷ್ಕೃತ್ಯವೆಸಗಿದ್ದಾರೆ.

ಸದ್ಯ ಶಾಲೆಗೆ ಬೇಸಿಗೆ ರಜೆ ಇದ್ದು, ಶಾಲಾ ಸಹ ಶಿಕ್ಷಕರು ಗುರುವಾರ ಬೆಳಗ್ಗೆ ಶಾಲೆಗೆ ಹೋದಾಗ ಈ ಘಟನೆ ನಡೆದಿರುವುದು ತಿಳಿದಿದೆ.