ಶಿರಾ:ಸರ್ಕಾರ ಡ್ರಗ್ಸ್ ಮಾರಾಟಕ್ಕೆ ಕಟ್ಟುನಿಟ್ಟಿನ ಕಾನೂನು ಜಾರಿ ಮಾಡಿದ್ದರೂ ಮಕ್ಕಳು ಹಾಗೂ ಯುವಕ, ಯುವತಿಯರು, ಡ್ರಗ್ಸ್ಗೆ ಸಂಬಂಧಪಟ್ಟ ಔಷಧಗಳನ್ನು ಚುಚ್ಚುಮದ್ದು ಮೂಲಕ ಇಂಜೆಕ್ಟ್ ಮಾಡಿಕೊಂಡು ದಾರಿ ತಪ್ಪುತಿದ್ದಾರೆ. ಮೆಡಿಕಲ್ ಸ್ಟೋರ್ ಮಾಲೀಕರು ಔಷಧಗಳನ್ನು ವೈದ್ಯರ ಸಲಹೆಯಿಲ್ಲದೆ ವಿತರಿಸಬಾರದು ಎಂದು ಔಷಧ ನಿಯಂತ್ರಣ ಹಿರಿಯ ಅಧಿಕಾರಿ ಮಲ್ಲಿಕಾರ್ಜುನ ನಾಗೂರ್ ಸೂಚಿಸಿದರು.
ನಗರದ ಮಂಜುಶ್ರೀ ಕನ್ವೆನ್ಸನ್ ಹಾಲ್ನಲ್ಲಿ ಸೋಮವಾರ ತಾಲೂಕು ಔಷಧ ವ್ಯಾಪಾರಿಗಳ ಸಂಘದಿಂದ ಹಮ್ಮಿಕೊಂಡಿದ್ದ ವರ್ಲ್ಡ್ ಫಾರ್ಮಸಿಸ್ಟ್ ಡೇ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು. ರೋಗಿಗಳು ವೈದ್ಯರ ಬಳಿ ತೆರಳಿ ಪರೀಕ್ಷೆ ಮಾಡಿಸಿ, ರೋಗಿ ವಾಸಿಗೆ ಪೂರಕ ಔಷಧ ತೆಗುದುಕೊಳ್ಳಿ, ನಿಮ್ಮ ಆರೋಗ್ಯದ ಬಗ್ಗೆ ಕಾಳಜಿ ವಹಿಸಿ ಎಂದರು.
ಔಷಧ ನಿಯಂತ್ರಣದ ಕಿರಿಯ ಅಧಿಕಾರಿ ಚಂದ್ರಕಲಾ ಶಿಲ್ಪಾ, ಮೆಡಿಕಲ್ ಸ್ಟೋರ್ಗಳಲ್ಲಿ ಯಾವುದೇ ಕಾರಣಕ್ಕೂ ರೋಗಿಗಳಿಗೆ
ಔಷಧ ಚೀಟಿ ಇಲ್ಲದೆ ಔಷಧ ಮಾರಾಟ ಮಾಡಬಾರದು. ಅಲ್ಲದೇ ಔಷಧ ಖರೀದಿಸಿದ ಗ್ರಾಹಕರಿಗೆ ಬಿಲ್ ನೀಡುವುದರ ಜತೆಗೆ ದಿನನಿತ್ಯದ ಔಷಧ ನಿರ್ವಹಣೆ ಬಗ್ಗೆ ಮಾಲೀಕರು ಹೆಚ್ಚು ಗಮನಹರಿಸಬೇಕು ಎಂದರು.ಮೆಡಿಕಲ್ ಸ್ಟೋರ್ನಲ್ಲಿ ಕೆಲಸ ನಿರ್ವಹಿಸುವವರು ರೋಗಿಗಳಿಗೆ ಸರಿಯಾದ ರೀತಿ ಮಾರ್ಗದರ್ಶನ ನೀಡಿ, ಅವರಿಗೆ ಅವಶ್ಯಕತೆ ಇರುವಷ್ಟು ಔಷಧಗಳನ್ನುಮಾತ್ರ ನೀಡಿ, ಅದರ ಉಪಯೋಗದ ಬಗ್ಗೆ ಮಾಹಿತಿ ನೀಡಬೇಕು ಎಂದರು.
ಶಿರಾ ತಾಲೂಕು ಔಷಧ ವಿತರಕರ ಸಂಘ ಅಧ್ಯಕ್ಷ ದೀಪ್ತಿ ಮೆಡಿಕಲ್ ಮಂಜುನಾಥ್, ಜಿಲ್ಲಾ ಔಷಧ ವ್ಯಾಪಾರಿಗಳ ಸಂಘದ ಅಧ್ಯಕ್ಷ ಪಂಡಿತ್ ಜವಾಹರ್, ಶಿರಾ ತಾಲೂಕು ಔಷಧ ವ್ಯಾಪಾರ ಸಂಘದ ಉಪಾಧ್ಯಕ್ಷ ನಂದಿನಿ, ಮೆಡಿಕಲ್ ಮಾಲೀಕರಾದ ಶ್ರೀಧರ ಗುಪ್ತ, ಕಾರ್ಯದರ್ಶಿ, ಅಶ್ವತ್ಥ ನಾರಾಯಣ್, ಬಿ.ಎಚ್.ಅನಿಲ್ ಕುಮಾರ್, ಡಿ.ನಾರಾಯಣಪ್ಪ, ಖಜಾಂಚಿ ಸುಧಾಕರ್. ಜಿ.ಗೋಪಿನಾಥ್, ಶ್ರೀನಿವಾಸ್, ಜಿ.ಚಂದ್ರಣ್ಣ, ಗಜೇಂದ್ರ ಚಂದಾವತ್, ಸೂರಿ, ಗೋಪಾಲಕೃಷ್ಣ ಇದ್ದರು.