ವೈ.ಎನ್.ಹೊಸಕೋಟೆ: ತಡರಾತ್ರಿ ನೀಲಮ್ಮನಹಳ್ಳಿಯ ರೈತರ ಜಮೀನ್ಗಳಲ್ಲಿ ಲಕ್ಷಾಂತರ ರೂಪಾಯಿ ಬೆಲೆಯ ಕೊಳವೆಬಾವಿ ಕೇಬಲ್ ಕಳುವಾಗಿವೆ. ರೈತರಾದ ರಮೇಶ್, ರಾಮಾಂಜಿ, ಶ್ರೀನಿವಾಸ್, ನಾಗರಾಜು, ರಾಮಾಂಜಿ, ರೋಹಿತ್, ಶಿವಣ್ಣ ಅವರು ಸೋಮವಾರ ರಾತ್ರಿ ನೀರು ಹಾಯಿಸಿ ಮನೆಗೆ ಹೋಗಿದ್ದರು, ಮಂಗಳವಾರ ಬೆಳಗ್ಗೆ ಬಂದು ನೋಡಿದಾಗ ಕೇಬಲ್ ಕಳುವಾಗಿವೆ. ಇದೇ ರೀತಿ ಈ ಹಿಂದೆಯೂ ಕೃಷಿ ಪರಿಕರಗಳು ಮತ್ತು ವಿದ್ಯುತ್ ಪರಿಕರಗಳು ಕಳುವಾಗಿದ್ದು, ಪೊಲೀಸರಿಗೆ ದೂರು ನೀಡಲಾಗಿತ್ತು. ದೇಗುಲದಲ್ಲೂ ಕಳ್ಳತನ: ಬಿ.ಹೊಸಹಳ್ಳಿಯ ತಿಪ್ಪಯ್ಯನದುರ್ಗ ರಸ್ತೆಗೆ ಹೊಂದಿಕೊಂಡಿರುವ ಚೌಡ್ಲು ಮಾರಮ್ಮ ದೇವಸ್ಥಾನದಲ್ಲಿ 1 ಬೆಳ್ಳಿಯ ಖಡ್ಗ ಮತ್ತು ದೇವಿಯ ಕೊರಳಲ್ಲಿದ್ದ ಬಂಗಾರದ ಎರಡು ತಾಳಿಗಳನ್ನು ಕಳ್ಳರು ಕಟರ್ ಬಳಿಸಿ ತುಂಡರಿಸಿ ತೆಗೆದುಕೊಂಡು ಹೋಗಿದ್ದಾರೆ. ಮರಿದಾಸನಹಳ್ಳಿ ಗ್ರಾಮದ ರಸ್ತೆಯಲ್ಲಿರುವ ಅಕ್ಕಮ್ಮದೇವಿ ಗುಡಿಯ ಬೀಗ ಒಡೆದು 8 ಬೆಳ್ಳಿ ಛತ್ರಿಗಳು ಒಂದು ಒಂದು ಹೊಂಬಾಳೆ ಗುಚ್ಚನ್ನು ಕಳ್ಳತನ ಮಾಡಿದ್ದಾರೆ.