ವಿವೇಕಾನಂದರದು ಮೇರು ವ್ಯಕ್ತಿತ್ವ

ಹುಬ್ಬಳ್ಳಿ: ಭಾರತಕ್ಕೆ ವಿವೇಕಾನಂದರು ಕೀರ್ತಿ ಕಳಶ. ಅಮೆರಿಕಕ್ಕೆ ಹೋಗಿ ಭಾಷಣ ಮಾಡಿ ಬಂದ ಮೇಲೆ ಅವರು ಇನ್ನಷ್ಟು ಪ್ರಜ್ವಲಿಸಿದರು. ಅಲ್ಲಿಯವರೆಗೆ ನಾವು ಅವರನ್ನು ಗುರುತಿಸುವಲ್ಲಿ ಗುಲಾಮಿತನದಿಂದ ವಿಫಲರಾಗಿದ್ದೆವು ಎಂದು ಕೇಂದ್ರ ಸಚಿವ ಪ್ರಲ್ಹಾದ ಜೋಶಿ ಹೇಳಿದರು.

ನಗರದ ಶ್ರೀ ಸಿದ್ಧಾರೂಢ ಸ್ವಾಮೀಜಿ ರೈಲ್ವೆ ನಿಲ್ದಾಣದಲ್ಲಿ ಶನಿವಾರ ಆಯೋಜಿಸಿದ್ದ ದೇಶಪಾಂಡೆ ನಗರದ ಶ್ರೀಕೃಷ್ಣ ಕಲ್ಯಾಣ ಮಂಟಪ ಬಳಿಯ ರಸ್ತೆ ಕೆಳಸೇತುವೆ ಉದ್ಘಾಟನೆ ಹಾಗೂ ಸ್ವಾಮಿ ವಿವೇಕಾನಂದರ ಕಂಚಿನ ಮೂರ್ತಿ ಅನಾವರಣಗೊಳಿಸಿ ಅವರು ಮಾತನಾಡಿದರು. ಕನ್ಯಾಕುಮಾರಿಯಲ್ಲಿ ವಿವೇಕಾನಂದರ ಸ್ಮಾರಕ ನಿರ್ವಿುಸಲು ಅನುಮತಿ ಸಿಕ್ಕಿರಲಿಲ್ಲ. ಲಾಲ್​ಬಹದ್ದೂರ ಶಾಸ್ತ್ರಿ ಅದಕ್ಕೆ ಒಪ್ಪಿಗೆ ಸೂಚಿಸಿದ್ದರ ಪರಿಣಾಮ ಸ್ಮಾರಕ ನಿರ್ವಣವಾಯಿತು ಎಂದರು.

‘ಜಗತ್ತಿನ ಅತಿದೊಡ್ಡ ಹುಬ್ಬಳ್ಳಿಯ ರೈಲ್ವೆ ಪ್ಲಾಟ್ ಫಾಮ್ರ್ ಏಪ್ರಿಲ್ ತಿಂಗಳಲ್ಲಿ ಉದ್ಘಾಟಿಸಲಾಗುವುದು. ಬೆಂಗಳೂರು ಮತ್ತು ಹುಬ್ಬಳ್ಳಿ ಮಧ್ಯೆ ಸೂಪರ್ ಫಾಸ್ಟ್ ರೈಲು ಓಡಿಸಬೇಕೆಂಬ ಮನವಿ ಇದೆ. ಇದನ್ನು ಪರಿಷ್ಕೃತಗೊಳಿಸಿ ಬೆಳಗಾವಿಯಿಂದ ಬೆಂಗಳೂರುವರೆಗೆ ಸೂಪರ್​ಫಾಸ್ಟ್ ರೈಲು ಓಡಿಸಲು ಪ್ರಸ್ತಾವನೆ ಸಲ್ಲಿಸಿ. ನಾನು ಕೇಂದ್ರದ ರೈಲ್ವೆ ಸಚಿವರ ಜತೆ ಮಾತನಾಡುವೆ’ ಎಂದರು.

ಜಿಲ್ಲಾ ಉಸ್ತುವಾರಿ ಸಚಿವ ಜಗದೀಶ ಶೆಟ್ಟರ್ ಮಾತನಾಡಿ, ಉಣಕಲ್ ಕೆರೆಯಲ್ಲಿ ಬೃಹತ್ ವಿವೇಕಾನಂದರ ಪುತ್ಥಳಿ ನಿರ್ವಿುಸುವ ಉದ್ದೇಶವಿದೆ. ರಾಯ್ಪುರದಲ್ಲಿ ಪುತ್ಥಳಿಯ ಮಾದರಿ ನೋಡಿ ಬಂದಿದ್ದೇನೆ. ಸ್ಮಾರ್ಟ್ ಸಿಟಿ ಯೋಜನೆ ಅಡಿ ನಿರ್ವಿುಸಲು ಉದ್ದೇಶಿಸಿದ್ದು, ಯೋಜನೆ ರೂಪಿಸಲಾಗುತ್ತಿದೆ ಎಂದರು.

ನೈಋತ್ಯ ರೈಲ್ವೆ ವಲಯ ಪ್ರಧಾನ ವ್ಯವಸ್ಥಾಪಕ ಅಜಯಕುಮಾರ ಸಿಂಗ್ ಪ್ರಾಸ್ತಾವಿಕವಾಗಿ ಮಾತನಾಡಿದರು.

ಎಂಎಲ್​ಸಿಗಳಾದ ಪ್ರದೀಪ ಶೆಟ್ಟರ್, ಪ್ರೊ.ಎಸ್.ವಿ. ಸಂಕನೂರ, ಸ್ವಾಮಿ ತತ್ವರೂಪಾನಂದ ಮಹಾರಾಜ, ಸ್ವಾಮಿ ವಿಜಯಾನಂದ ಸರಸ್ವತಿ ಸ್ವಾಮೀಜಿ, ಸ್ವಾಮಿ ರಘುವೀರಾನಂದ ಮಹಾರಾಜ, ಡಿ.ಆರ್. ಪಾಟೀಲ, ಡಿಆರ್​ಎಂ ಅರವಿಂದ ಮಾಳಖೇಡೆ, ಸ್ವರ್ಣ ಗ್ರುಪ್ ಆಫ್ ಕಂಪನಿಗಳ ಮುಖ್ಯಸ್ಥ ಡಾ. ವಿ.ಎಸ್.ವಿ. ಪ್ರಸಾದ, ಇತರರು ಇದ್ದರು.