ಕುಣಿಗಲ್: ತಾಲೂಕಿನ ಅಮೃತೂರು ಹೋಬಳಿ ವಳಗೆರೆಪುರದಲ್ಲಿ ಶಾಸಕ ಡಾ.ರಂಗನಾಥ್ ಕೆಸರು ಗದ್ದೆಗೆ ಇಳಿದು ರೈತ ಮಹಿಳೆಯರೊಂದಿಗೆ ಭತ್ತ ನಾಟಿ ಮಾಡುವ ಮೂಲಕ ರೆತರಿಗೆ ಪ್ರೋತ್ಸಾಹ ನೀಡಿದರು.
ಗದ್ದೆನಾಟಿ ಮಾಡಿದ ನಂತರ ಸುದ್ದಿಗಾರರೊಂದಿಗೆ ಮಾತನಾಡಿ, ಮಾಕೋರ್ನಹಳ್ಳಿ ಹಾಗೂ ಮಂಗಳಾ ಜಲಾಶಯದಿಂದ ರೈತರ ಜಮೀನಿಗೆ ನೀರು ಹರಿಸಲಾಗುತ್ತಿದೆ. ಈ ಸಂಬಂಧ ರೆತರು ಗದ್ದೆ ಹದ ಮಾಡಿ, ನಾಟಿ ಮಾಡುತ್ತಿರುವುದು ಗೊತ್ತಾಯಿತು. ಹಾಗಾಗಿ ಕೃಷ್ಟಿ ಚಟುವಟಿಕೆಯಲ್ಲಿ ಭಾಗಿಯಾಗಿದ್ದೇನೆ. ರೈತರು 64 ತಳಿ ಭತ್ತದ ರೈರು ನಾಟಿ ಮಾಡುತ್ತಿದ್ದಾರೆ. ಕೃಷಿಯಲ್ಲಿ ಸಿಗುವ ನೆಮ್ಮದಿ, ಶಾಂತಿ ಎಲ್ಲಿಯೂ ಸಿಗುವುದಿಲ್ಲ ಎಂದು ತಿಳಿಸಿದರು.
ನೆರವಿಗೆ ಬರಬೇಕು: ಈ ಹಿಂದೆ ರಸಗೊಬ್ಬರ ಒಂದು ಮೂಟೆಗೆ 300ರಿಂದ 400 ರೂ. ಇತ್ತು. ಈಗ 1500 ರೂಪಾಯಿಗೆ ಏರಿಕೆಯಾಗಿದೆ. ಕೇಂದ್ರ ಸರ್ಕಾರ ರೆತರಿಗೆ ಬೇಕಾಗುವ ಗೊಬ್ಬರ, ಕಷಿ ಸಲಕರಣೆಗಳನ್ನು ಕಡಿಮೆ ಬೆಲೆಗೆ ನೀಡುವ ಮೂಲಕ ನೆರವಾಗಬೇಕು ಎಂದು ಶಾಸಕರು ಆಗ್ರಹಿಸಿದರು.
ಮಹಿಳಾ ಕಾಂಗ್ರೇಸ್ ಅಧ್ಯೆ ಸುಮತಿ, ಮುಖಂಡ ಅಡಿಟರ್ ನಾಗರಾಜು ಇದ್ದರು.