ಕೇಶವಮೂರ್ತಿ ವಿ.ಬಿ. ಹುಬ್ಬಳ್ಳಿ
ಯೂಕ್ರೇನ್ ಮತ್ತು ರಷ್ಯಾ ಯುದ್ಧ ಆರಂಭವಾಗಿ ನಾಲ್ಕು ತಿಂಗಳು ಕಳೆದಿದೆ. ಆದರೆ, ಯುದ್ಧ ನಿಂತಿಲ್ಲ. ಇತ್ತ ಯೂಕ್ರೇನ್ನಿಂದ ದೇಶಕ್ಕೆ ವಾಪಸಾದ ವೈದ್ಯಕಿಯ ವಿದ್ಯಾಥಿರ್ಗಳ ಪರದಾಟ ನಿಂತಿಲ್ಲ. ಅಂದಾಜು 24,000 ವಿದ್ಯಾರ್ಥಿಗಳ ಭವಿಷ್ಯ ಡೋಲಾಯಮಾನವಾಗಿದ್ದು, ದಿಕ್ಕು ತೋಚದ ಸ್ಥಿತಿಯಲ್ಲಿದ್ದಾರೆ.
ಯೂಕ್ರೇನ್ನಿಂದ ಕರ್ನಾಟಕ ಹಾಗೂ ವಿವಿಧ ರಾಜ್ಯಗಳಿಗೆ ಆಗಮಿಸಿದ ಎಂಬಿಬಿಎಸ್ ವಿದ್ಯಾರ್ಥಿಗಳಿಗೆ ಸರ್ಕಾರ ಯಾವುದೇ ಪರ್ಯಾಯ ವ್ಯವಸ್ಥೆಯನ್ನು ಇದುವರೆಗೂ ಕಲ್ಪಿಸಿಲ್ಲ.
ವೈದ್ಯಕೀಯ ಆಯೋಗದ ವರ್ಗಾವಣೆ ನೀತಿಯಿಂದಾಗಿ ಇತ್ತ ಬೇರೆಡೆ ವ್ಯಾಸಂಗ ಮಾಡಲು ಆಗದೆ, ಅತ್ತ ಯೂಕ್ರೇನ್ಗೂ ಮತ್ತೆ ವಾಪಸಾಗಲು ಸಾಧ್ಯವಾಗದೆ ವಿದ್ಯಾಥಿರ್ಗಳು ಕಂಗಾಲಾಗಿದ್ದಾರೆ. ಆಪರೇಷನ್ ಗಂಗಾ ನಡೆಸಿ ಭಾರತಕ್ಕೆ ವಿದ್ಯಾರ್ಥಿಗಳನ್ನು ಬರಮಾಡಿಕೊಂಡ ಕೇಂದ್ರ ಸರ್ಕಾರ ಅವರ ಭವಿಷ್ಯಕ್ಕೆ ತೊಂದರೆಯಾಗದಂತೆ ಕ್ರಮ ಕೈಗೊಳ್ಳುವುದಾಗಿ ಭರವಸೆ ನೀಡಿತ್ತು. ಆದರೆ, ಆ ಮಾತು ಭರವಸೆಯಾಗಿಯೇ ಉಳಿದಿದೆ.
ಅತ್ತ ಉಕ್ರೇನ್ಗೆ ಮರಳಲು ಇನ್ನೂ ಯುದ್ಧ ನಿಂತಿಲ್ಲ. ಇತ್ತ ಸರ್ಕಾರ ಯಾವುದೇ ಪರ್ಯಾಯ ವ್ಯವಸ್ಥೆ ಕಲ್ಪಿಸಿಲ್ಲ. ಇದರಿಂದ ವಿದ್ಯಾಥಿರ್ಗಳು ಆತಂಕಕ್ಕೆ ಒಳಗಾಗಿದ್ದಾರೆ. ಕಾರ್ಕೀವ್ ನ್ಯಾಷನಲ್ ಮೆಡಿಕಲ್ ಯೂನಿವರ್ಸಿಟಿ, ಕೀವ್ ನ್ಯಾಷನಲ್ ಮೆಡಿಕಲ್ ಯೂನಿವರ್ಸಿಟಿ, ವಿ.ಎನ್. ಕಾಜಿರ್ನ್ ನ್ಯಾಷನಲ್ ಯೂನಿವರ್ಸಿಟಿ ಸೇರಿದಂತೆ ಯೂಕ್ರೇನ್ನ ಹತ್ತಾರು ವೈದ್ಯಕಿಯ ಕಾಲೇಜುಗಳಲ್ಲಿ ಭಾರತೀಯ ವಿದ್ಯಾಥಿರ್ಗಳು ವ್ಯಾಸಂಗ ಮಾಡುತ್ತಿದ್ದಾರೆ. ಈ ವಿವಿಗಳು ಈಗಾಗಲೇ ಆನ್ಲೈನ್ ತರಗತಿಗಳನ್ನು ಆರಂಭಿಸಿವೆ. ಆನ್ಲೈನ್ನಲ್ಲೇ ಪರೀಕ್ಷೆ ನಡೆಸಲು ಮುಂದಾಗಿವೆ. ಎಲ್ಲ ಸಮಸ್ಯೆ ಬಗೆಹರಿಸುತ್ತೇವೆ. ವಾಪಸ್ ಬನ್ನಿ ಎಂದು ಮನವಿ ಮಾಡುತ್ತಿವೆ. ಕೆಲ ವಿವಿಗಳು ಮುಂದಿನ ವರ್ಷದ ಶುಲ್ಕ ಭರಿಸುವಂತೆ ಸಂದೇಶ ರವಾನಿಸುತ್ತಿವೆ. ಆದರೆ ವಿದ್ಯಾಥಿರ್ಗಳಲ್ಲಿ ಆತಂಕ ದೂರವಾಗಿಲ್ಲ.
ಸಮಸ್ಯೆಗೆ ಕಾರಣವೇನು?: ಒಂದು ವಿಶ್ವವಿದ್ಯಾಲಯದಲ್ಲಿ ಪ್ರವೇಶ ಪಡೆದ ವೈದ್ಯಕಿಯ ವಿದ್ಯಾಥಿರ್ಗಳು ಮತ್ತೊಂದು ವಿಶ್ವವಿದ್ಯಾಲಯಕ್ಕೆ ವರ್ಗಾವಣೆ ಪಡೆಯಲು ಅನುಮತಿ ಇಲ್ಲದ ಕಾರಣ ಯೂಕ್ರೇನ್ನಿಂದ ಬೇರೆಡೆ ಹೋಗಲು ಸಾಧ್ಯವಾಗುತ್ತಿಲ್ಲ. ಇತ್ತ ನಮ್ಮ ದೇಶದಲ್ಲಿಯೂ ವಿದ್ಯಾಭ್ಯಾಸ ಮುಂದುವರಿಸಲು ಸಾಧ್ಯವಾಗುತ್ತಿಲ್ಲ.
ಲಕ್ಷಾಂತರ ರೂ. ಸಾಲ ಮಾಡಿ ವಿದ್ಯಾಭ್ಯಾಸಕ್ಕಾಗಿ ಯೂಕ್ರೇನ್ಗೆ ಹೋಗಿದ್ದೆವು. ಅಲ್ಲಿ ಯುದ್ಧ ಇನ್ನೂ ನಿಂತಿಲ್ಲ. ಮುಂದಿನ ವಿದ್ಯಾಭ್ಯಾಸ ಹೇಗೆ ಎಂಬ ಚಿಂತೆ ಕಾಡುತ್ತಿದೆ. ಸರ್ಕಾರ ಶ್ರೀವೇ ಪರ್ಯಾಯ ವ್ಯವಸ್ಥೆ ಮಾಡಿಕೊಡಬೇಕು. ಚೈತ್ರಾ ಸಂಶಿ, ಕುಂದಗೋಳ (ಯೂಕ್ರೇನ್ನಿಂದ ವಾಪಸಾದ ವೈದ್ಯಕೀಯ ವಿದ್ಯಾರ್ಥಿನಿ)
ಇದಕ್ಕೆ ಸಂಬಂಧಪಟ್ಟ ರಾಜ್ಯ ಸರ್ಕಾರಗಳು ಹಾಗೂ ಅಧಿಕಾರಿಗಳ ಜತೆಗೆ ಮಾತನಾಡುತ್ತೇನೆ. ಯೂಕ್ರೇನ್ನಿಂದ ವಾಪಸಾದ ವೈದ್ಯಕಿಯ ವಿದ್ಯಾಥಿರ್ಗಳ ಸಮಸ್ಯೆ ಪರಿಹಾರಕ್ಕೆ ಪ್ರಾಮಾಣಿಕ ಪ್ರಯತ್ನ ಮಾಡುತ್ತೇನೆ. ಪ್ರಲ್ಹಾದ ಜೋಶಿ, ಕೇಂದ್ರ ಸಚಿವ