ಬ್ಯಾಡಗಿ ಶಾಸಕನ ಪುತ್ರನ ಕಾರು ಬಸ್​ಗೆ ಡಿಕ್ಕಿ

ಶಿಗ್ಗಾಂವಿ: ಬ್ಯಾಡಗಿ ಶಾಸಕ ವಿರೂಪಾಕ್ಷಪ್ಪ ಬಳ್ಳಾರಿ ಅವರ ಪುತ್ರ ಯುವರಾಜ ಓಡಿಸುತ್ತಿದ್ದ ಕಾರು ಕೆಎಸ್​ಆರ್​ಟಿಸಿ ಬಸ್​ಗೆ ಡಿಕ್ಕಿ ಹೊಡೆದ ಘಟನೆ ನಗರದ ಹೊರವಲಯದ ರಂಭಾಪುರಿ ಕಾಲೇಜ್​ನ ಎದುರು ಬುಧವಾರ ನಡೆದಿದೆ.

ಬ್ಯಾಡಗಿ ತಾಲೂಕಿನ ಮೋಟೆಬೆನ್ನೂರಿನ ಯುವರಾಜ ವಿರೂಪಾಕ್ಷಪ್ಪ ಬಳ್ಳಾರಿ (32) ಹಾವೇರಿ ಕಡೆಯಿಂದ ಹುಬ್ಬಳ್ಳಿಯೆಡೆ ಹೊರಟ್ಟಿದ್ದಾಗ ದಾರಿ ಮಧ್ಯೆ ಅಪಘಾತ ಸಂಭವಿಸಿದೆ. ಘಟನೆಯಲ್ಲಿ ಬಸ್ ಹಾಗೂ ಕಾರು ಜಖಂಗೊಂಡಿವೆ. ಅದೃಷ್ಟವಶಾತ್ ಯಾರಿಗೂ ಅಪಾಯವಾಗಿಲ್ಲ. ಶಿಗ್ಗಾಂವಿ ಠಾಣೆಯಲ್ಲಿ ದೂರು ದಾಖಲಾಗಿದೆ.