ತಿಪಟೂರು: ಖಾತೆದಾರರ ಹಣ ದುರುಪಯೋಗ ಮಾಡಿಕೊಂಡ ಬ್ಯಾಂಕ್ ನೌಕರನಿಗೆ ನಗರದ ನ್ಯಾಯಾಲಯ 6 ತಿಂಗಳ ಜೈಲು ಶಿಕ್ಷೆ ವಿಧಿಸಿದೆ. ನಗರದ ರಾಷ್ಟ್ರೀಕೃತ ಬ್ಯಾಂಕ್ ನೌಕರನಾಗಿದ್ದ ಎಸ್.ಲೋಹಿತ್, ವಿವಿಧ ವ್ಯಕ್ತಿಗಳು ಮತ್ತು ಸಂಸ್ಥೆಯವರು ಬ್ಯಾಂಕಿನಲ್ಲಿಟ್ಟಿದ್ದ 23 ಲಕ್ಷದ 7 ಸಾವಿರ ಠೇವಣಿಯನ್ನು ಠೇವಣಿದಾರರು ಮತ್ತು ಬ್ಯಾಂಕ್ನ ಮೇಲಧಿಕಾರಿಗಳ ಗಮನಕ್ಕೆ ಬಾರದಂತೆ ದುರುಪಯೋಗಪಡಿಸಿಕೊಂಡಿದ್ದ. ಆಂತರಿಕ ತನಿಖೆಯಲ್ಲಿ ಹಣ ದುರುಪಯೋಗವಾಗಿರುವುದು ಸಾಬೀತಾದ ಹಿನ್ನೆಲೆಯಲ್ಲಿ ಆರೋಪಿತನಿಂದ ಅಷ್ಟೂ ಹಣವನ್ನು ಠೇವಣಿದಾರರ ಖಾತೆಗೆ ಜಮಾ ಮಾಡಿದ್ದ ಬಗ್ಗೆ ಅಂದಿನ ಪಿಎಸ್ಐ ದಾಕ್ಷಾಯಿಣಿ ನ್ಯಾಯಾಲಯಕ್ಕೆ ದೋಷಾರೋಪ ಪತ್ರ ಸಲ್ಲಿಸಿದ್ದರು. ಸಾಕ್ಷಿ, ಪರಿಶೀಲಿಸಿದ ನಗರದ ಹಿರಿಯ ದಿವಾನಿ ಮತ್ತು ಜೆಎಂಎಫ್ಸಿ ನ್ಯಾಯಾಧೀಶ ಸಿ.ಎಫ್.ಮಹಮದ್ ಅರೀಫುಲ್ಲಾ ಅವರು ಬುಧವಾರ ಅಪರಾಧಿ ಎಸ್.ಲೋಹಿತ್ಗೆ 6 ತಿಂಗಳ ಜೈಲು ಶಿಕ್ಷೆ ವಿಧಿಸಿ ತೀರ್ಪು ಪ್ರಕಟಿಸಿದ್ದಾರೆ. ಸರ್ಕಾರದ ಪರವಾಗಿ ಸಹಾಯಕ ಸರ್ಕಾರಿ ಅಭಿಯೋಜಕ ಶಿವಬಸಪ್ಪ ಎಸ್.ಹುಕ್ಕೇರಿ ವಾದ ಮಂಡಿಸಿದ್ದರು.