ಹುಲಿಯೂರುದುರ್ಗ:- ಕುಣಿಗಲ್ ತಾಲೂಕಿನ ಬೆಣಚಕಲ್ಲು ಗ್ರಾಮದ ಬಳಿ ವಿದ್ಯುತ್ ಸ್ಪರ್ಶಿಸಿ 4 ವರ್ಷದ ಹೆಣ್ಣು ಚಿರತೆ ಮೃತಪಟ್ಟಿದೆ. ಬೆಣಚಕಲ್ಲು ಹಾಗೂ ಒಡ್ಡರಹಾಳು ಗ್ರಾಮದ ಮಧ್ಯದಲ್ಲಿರುವ ಬನ್ನಿಮಂಟಪದ ಅರಳಿ ಮರದಲ್ಲಿದ್ದ ಬಾವಲಿ ಹಿಡಿಯಲು ಶನಿವಾರ ರಾತ್ರಿ ಮರ ಏರಿದಾಗ 11 ಕೆವಿ ವಿದ್ಯುತ್ ತಂತಿ ಸ್ಪರ್ಶಿಸಿ ಮೃತಪಟ್ಟಿದೆ. ಬೆಳಗ್ಗೆ ಚಿರತೆ ಕಂಡ ಗ್ರಾಮಸ್ಥರು ಅರಣ್ಯ ಇಲಾಖೆ ಮಾಹಿತಿ ನೀಡಿದ್ದಾರೆ. ಸ್ಥಳಕ್ಕೆ ಆಗಮಿಸಿದ ವಲಯ ಅರಣ್ಯ ಅಧಿಕಾರಿ ಪಿ.ಜಗದೀಶ್ ಮತ್ತು ಅಧಿಕಾರಿಗಳು ಚಿರತೆ ಶವ ವಶಕ್ಕೆ ಪಡೆದು ಮರಣೋತ್ತರ ಪರೀಕ್ಷೆ ನಡೆಸಿ ಅಂತ್ಯ ಸಂಸ್ಕಾರ ಮಾಡಿದ್ದಾರೆ.