ಧಾರವಾಡ: ಭೂಗತ ಪಾತಕಿಗೆ ಆತನ ಪ್ರೇಯಸಿಯೊಂದಿಗೆ ಸರಸಕ್ಕೆ ಪೊಲೀಸರೇ ಅನುಕೂಲ ಮಾಡಿಕೊಟ್ಟ ಘಟನೆ ಶನಿವಾರ ನಡೆದಿದೆ. ಫ್ರೂಟ್ ಇರ್ಫಾನ್ ಕೊಲೆ ಪ್ರಕರಣದ ಪ್ರಮುಖ ಆರೋಪಿಯಾಗಿರುವ ಬಚ್ಚಾಖಾನ್ ಬಳ್ಳಾರಿ ಜೈಲಿನಲ್ಲಿದ್ದ. ಈತನನ್ನು ಧಾರವಾಡದ ಕೋರ್ಟ್ಗೆ ಹಾಜರು ಪಡಿಸಲು ಕರೆತರಲಾಗಿತ್ತು. ವಿಚಾರಣೆಗೆ ಬಂದ ಆರೋಪಿಗೆ ಪೊಲೀಸರೇ ಆತಿಥ್ಯ ನೀಡಿದ್ದಾರೆ. ರಾಯಾಪುರದ ಬಳಿಯ ಲಾಜ್ ಒಂದರಲ್ಲಿ ವ್ಯವಸ್ಥೆ ಮಾಡಿಕೊಟ್ಟಿದ್ದಾರೆ. ಈ ಲಾಜ್ನಲ್ಲಿ ಆತನ ಪ್ರೇಯಸಿ ಮೊದಲೇ ಬಂದು ತಂಗಿದ್ದಳು. ನಂತರ ಪೊಲೀಸರು ಈತನನ್ನು ಅದೇ ಲಾಜ್ಗೆ ಕರೆತಂದು ಬೆಂಗಳೂರು ಮೂಲದ ಪ್ರೇಯಸಿಯೊಂದಿಗೆ ಇರಲು ಅವಕಾಶ ಮಾಡಿಕೊಟ್ಟಿದ್ದಾರೆ. ಈ ಕುರಿತು ಅರಿತ ಹು-ಧಾ ಪೊಲೀಸ್ ಆಯುಕ್ತ ಲಾಭೂರಾಮ್ ಹೊಟೇಲ್ ಮೇಲೆ ರೇಡ್ ಮಾಡಿಸಿದಾಗ ಬಚ್ಚಾಖಾನ್ ಸಿಕ್ಕಿಬಿದ್ದಿದ್ದಾನೆ.