ಕೊಳ್ಳೇಗಾಲ: ತಾಲೂಕಿನ ಸತ್ತೇಗಾಲ ಗ್ರಾಮದಲ್ಲಿ ನೀರು ತರಲೆಂದು ಹೋಗಿದ್ದ ವೇಳೆ ಮಹಿಳೆ ಮೃತಪಟ್ಟಿದ್ದಾರೆ.
ಗ್ರಾಮದ ಉಪ್ಪಾರ ಬೀದಿ ನಿವಾಸಿ ಸಿದ್ದರಾಜಮ್ಮ (65) ಮೃತರು. ಬುಧವಾರ ಮಧ್ಯಾಹ್ನ ಮನೆಗೆ ನೀರು ತರಲೆಂದು ಹೋಗಿದ್ದು, ತೊಂಬೆ ನಲ್ಲಿಯ ಬಳಿ ಮೃತಪಟ್ಟಿದ್ದಾರೆ ಎಂದು ತಿಳಿದು ಬಂದಿದೆ.
ದೂರು: ಮೃತರ ಪುತ್ರ ಸುರೇಶ್ ಈ ಕುರಿತು ಗ್ರಾಮಾಂತರ ಪೊಲೀಸ್ ಠಾಣೆಗೆ ದೂರು ನೀಡಿದ್ದು, ನೀರು ತರಲು ಹೋಗಿದ್ದ ನನ್ನ ತಾಯಿ ತೊಂಬೆಯ ಬಳಿ ವಿಲವಿಲನೆ ಒದ್ದಾಡುತ್ತಿದ್ದರೆಂದು ನಿವಾಸಿಗಳು ಹೇಳಿದರು. ಬಳಿಕ ಹೋಗಿ ನೋಡುವಷ್ಟರಲ್ಲಿ ಮೃತಪಟ್ಟಿದ್ದರು. ಆದ್ದರಿಂದ ನನ್ನ ತಾಯಿ ಸಾವಿಗೆ ಕಾರಣವೇನೆಂಬುದನ್ನು ಪತ್ತೆ ಹಚ್ಚಬೇಕು ಎಂದು ಕೋರಿದ್ದಾರೆ.