ನೀರಿನ ಸೆಳೆತಕ್ಕೆ ಸಿಲುಕಿದ್ದ ಪ್ರವಾಸಿಗರ ರಕ್ಷಣೆ

ಭಟ್ಕಳ: ತಾಲೂಕಿನ ಮುರ್ಡೆಶ್ವರದ ಕಡಲತೀರದಲ್ಲಿ ಭಾನುವಾರ ಬೆಳಗ್ಗೆ ಸಂಭವಿಸಿದ ಎರಡು ಪ್ರತ್ಯೇಕ ಪ್ರಕರಣದಲ್ಲಿ ಸಮುದ್ರದ ಸೆಳೆತಕ್ಕೆ ಸಿಲುಕಿದ್ದ ಐವರು ಪ್ರವಾಸಿಗರನ್ನು ಮುರ್ಡೆಶ್ವರದ ಲೈಫ್​ಗಾರ್ಡ್ ಸಿಬ್ಬಂದಿ ಹಾಗೂ ಮೀನುಗಾರರು ರಕ್ಷಿಸಿದ್ದಾರೆ.

ತುಮಕೂರು ಜಿಲ್ಲೆ ಶಿರಾ ತಾಲೂಕಿನಿಂದ ಆಗಮಿಸಿದ್ದ ನಾಲ್ವರ ಪೈಕಿ ಅಪಾಯದಲ್ಲಿದ್ದ ಅರ್ಜುನ್ ಎಸ್.ಎ. ಹಾಗೂ ಚರಣ ಸಿ.ಎಸ್. ಅವರನ್ನು ರಕ್ಷಿಸಲಾಗಿದೆ. ಇನ್ನೊಂದು ಪ್ರಕರಣದಲ್ಲಿ ಬೆಂಗಳೂರಿನಿಂದ ಆಗಮಿಸಿದ್ದ 9 ಜನರ ಪೈಕಿ ಅಪಾಯಕ್ಕೆ ಸಿಲುಕಿದ್ದ ಚಿಕ್ಕಬಳ್ಳಾಪುರದ ಸಾತ್ವಿಕ್, ಆದರ್ಶ ಹಾಗೂ ನವೀನ ಎಂಬುವವರನ್ನು ಲೈಫ್​ಗಾರ್ಡ್​ಗಳಾದ ಜಯರಾಮ ಹರಿಕಾಂತ, ಶಶಿಧರ ನಾಯ್ಕ, ಅಣ್ಣಪ್ಪ ಹರಿಕಾಂತ, ಮೀನುಗಾರರಾದ ಪರಶು ಹರಿಕಾಂತ, ಸಂತೋಷ ಹರಿಕಾಂತ ರಕ್ಷಿಸಿದ್ದಾರೆ.