ಡಿ.ಸಾಲುಂಡಿ ಹಾಲು ಉತ್ಪಾದಕರ ಸಹಕಾರ ಸಂಘಕ್ಕೆ ಆಯ್ಕೆ

ಮೈಸೂರು: ಮೈಸೂರು ತಾಲೂಕಿನ ಡಿ. ಸಾಲುಂಡಿ ಹಾಲು ಉತ್ಪಾದಕರ ಸಹಕಾರ ಸಂಘದ ಅಧ್ಯಕ್ಷರಾಗಿ ನಾಗೇಂದ್ರ ಹಾಗೂ ಉಪಾಧ್ಯಕ್ಷರಾಗಿ ಪ್ರೇಮಾಕುಮಾರಿ ಚುನಾಯಿತರಾದರು.
ಹಾಲು ಉತ್ಪಾದಕರ ಸಹಕಾರ ಸಂಘದ ಒಟ್ಟು 11 ನಿರ್ದೇಶಕರ ಪೈಕಿ ಅಧ್ಯಕ್ಷ ಸ್ಥಾನಕ್ಕೆ ಸ್ಪರ್ಧಿಸಿದ್ದ ನಾಗೇಂದ್ರ ಅವರಿಗೆ 7 ಮತಗಳು ಬಂದರೆ ಪ್ರತಿಸ್ಪರ್ಧಿ ಚಿಕ್ಕಬುದ್ಧಿ 4 ಮತ ಪಡೆದು ಸೋಲು ಅನುಭವಿಸಿದರು. ಉಪಾಧ್ಯಕ್ಷ ಸ್ಥಾನಕ್ಕೆ ಸ್ಪರ್ಧಿಸಿದ್ದ ಪ್ರೇಮಾಕುಮಾರಿ 7 ಮತ ಪಡೆದರೆ, ಪ್ರತಿಸ್ಪರ್ಧಿ ಸಿ.ಭಾಸ್ಕರ್ 4 ಮತ ಗಳಿಸಿ ಪರಾಭವಗೊಂಡರು.
ತಾಲೂಕು ಪಂಚಾಯಿತಿ ಮಾಜಿ ಅಧ್ಯಕ್ಷ ಸಿ.ಎಂ.ಸಿದ್ದರಾಮೇಗೌಡ, ಮುಖಂಡರಾದ ಎಂ. ಚಂದ್ರ, ಬಿ. ಬಸವರಾಜು, ನಂಜುಂಡೇಗೌಡ, ಧನಗಳ್ಳಿ ಬಸವರಾಜು, ಮಂಚನಾಯ್ಕ, ಹುಚ್ಚಪ್ಪ, ಸಿಮೆಂಟ್ ಸಿದ್ದರಾಮೇಗೌಡ, ನಿರ್ದೇಶಕರಾದ ಹರಳೇಗೌಡ ಶಂಕರ, ಶ್ರೀಕಂಠ, ನಿಂಗಮ್ಮ, ಶಿವಮೂರ್ತಿ, ಸಿದ್ದರಾಮು, ಬಸವನಾಯ್ಕ ಇತರರು ಇದ್ದರು.