ಜೀವನದ ದೊಡ್ಡ ಬಹುಮಾನ ಸಂತೋಷ: ಡಿಸಿಪಿ ರೋಹನ ಜಗದೀಶ

ಬೆಳಗಾವಿ: ಜೀವನದಲ್ಲಿ ದೊಡ್ಡ ಬಹುಮಾನವೆಂದರೆ ಸಂತೋಷ. ಆದ್ದರಿಂದ ಸಾಧನೆಯಲ್ಲಿ ಸಂತೋಷ ಕಾಣಬೇಕು ಎಂದು ಡಿಸಿಪಿ ರೋಹನ್​ ಜಗದೀಶ ಹೇಳಿದರು.

ನಗರದ ಕೆಎಲ್​ಎಸ್​ನ ರಾಜಾ ಲಖಮಗೌಡ ಕಾನೂನು ಮಹಾವಿದ್ಯಾಲಯದ ವತಿಯಿಂದ ಶುಕ್ರವಾರ ಹಮ್ಮಿಕೊಂಡಿದ್ದ ಕಾಲೇಜಿನ ಕ್ರೀಡಾಕೂಟ ಸಮಾರೋಪ ಮತ್ತು ಪ್ರತಿಭಾ ಪುರಸ್ಕಾರ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ಕಲಿಕೆ ಜತೆಗೆ ಕ್ರೀಡಾಕೂಟಗಳಲ್ಲಿ, ಸಾಂಸತಿಕ ಚಟುವಟಿಕೆಗಳಲ್ಲಿ ವಿದ್ಯಾರ್ಥಿಗಳು ಭಾಗವಹಿಸಬೇಕು ಎಂದರು.

ಆರ್​ಎಲ್​ ಕಾನೂನು ಕಾಲೇಜಿನ ಆಡಳಿತ ಮಂಡಳಿ ಸದಸ್ಯ ಆರ್​.ಎಸ್​.ಮುತಾಲಿಕ ಮಾತನಾಡಿ, ಏಕಾಗ್ರತೆಯಿಂದ ಕೂಡಿದ ಗಹನ ಅಧ್ಯಯನದಿಂದ ಜೀವನದಲ್ಲಿ ಸಾಧನೆ ಮಾಡಬಹುದು ಎಂದರು.

2023-24 ನೇ ಶೈಣಿಕ ವರ್ಷದ ಎಂ.ಕೆ.ನಂಬಿಯಾರ ಚಿನ್ನದ ಪದಕವನ್ನು ಭರತ ಗೋಪಾಲ್​ ನಾಯಕ, ದಿ. ಶಂಕರ ರಾವ್​ ವೆಂಗುರ್ಲೇಕರ ಬೆಳ್ಳಿ ಪದಕ ಬಹುಮಾನವನ್ನು ಮೌನೇಶ ಬಡಿಗೇರ ಗಳಿಸಿದ್ದಾರೆ. ವಿದ್ಯಾರ್ಥಿಗಳಿಗೆ ವಿವಿಧ ಬಹುಮಾನ ವಿತರಿಸಲಾಯಿತು.
ಪ್ರಾಚಾರ್ಯ ಡಾ.ಎ.ಎಚ್​.ಹವಾಲ್ದಾರ, ಜಿಮಖಾನಾ ಯೂನಿಯನ್​ ಅಧ್ಯ ಡಾ.ಡಿ.ಪ್ರಸನ್ನಕುಮಾರ, ದೈಹಿಕ ನಿರ್ದೇಶಕ ಅಮಿತ್​ ಜಾಧವ, ಪ್ರಧಾನ ಕಾರ್ಯದರ್ಶಿ ಪೂಜಾ ಸಂಭಾಜಿಚೆ ಇತರರಿದ್ದರು.