ಜಿಲ್ಲಾಸ್ಪತ್ರೆಗೆ ರಾಜ್ಯ ಮಕ್ಕಳಹಕ್ಕುಗಳ ಆಯೀಗದ ದಿಢೀರ್‌ ಭೇಟಿ

ಚಿಕ್ಕಮಗಳೂರು: ನಗದ ಜಿಲ್ಲಾಸ್ಪತ್ರೆಗೆ ಬುಧವಾರ ದಿಢೀರ್‌ ಬೇಟಿ ನೀಡಿದ ಕರ್ನಾಟಕ ರಾಜ್ಯ ಮಕ್ಕಳ ಹಕ್ಕುಗಳ ಆಯೋಗದ ಸದಸ್ಯರಾದ ಶಶಿಧರ ಕೋಸಂಬೆ ಹಾಗೂ ಡಾ,ಕೆ.ಟಿ.ತಿಪ್ಪೇಸ್ವಾಮಿ ನೇತ್ರತ್ವದ ತಂಡ ಆಸ್ಪತ್ರೆಗಳ ಸ್ಥಿತಿಗತಿಗಳ ಕುರಿತು ಪರಿಶೀಲನೆ ನಡೆಸಿದರು.

ಅಡುಗೆ ಮನೆ ಪ್ರವೇಶಿಸಿದ ಸದಸ್ಯರು ಅಲ್ಲಿನ  ಅವ್ಯವಸ್ಥೆಯ ನೋಡಿ ದಂಗಾದರು.ಮಕ್ಕಳ ಆರೈಕೆ ಬಗ್ಗೆ ನಿಗಾ ವಹಿಸುವಂತೆ ಸಿಬ್ಬಂದಿಗಳಿಗೆ ಸೂಚನೆ ನೀಡಿದರು.

ವಿಶೇಷ ನವಜಾತ ಶಿಶುಗಳ ಆರೈಕೆ ಘಟಕ ಭೇಟಿ ನೀಡಿ, ಇನ್ ಬರ್ನ ನವಜಾತ ಶಿಶುಗಳಿಗೆ ಮಾತ್ರ ಉತ್ತಮವಾಗಿ ಆರೈಕೆ ಮಾಡುತ್ತಿರುವ ವೈದ್ಯರು ಔಟ್ ಬರ್ನ ನವಜಾತ ಶಿಶುಗಳಿಗೆ ಸರಿಯಾದ ರೀತಿಯಲ್ಲಿ ಆರೈಕೆ ಮಾಡದಿರುವ ಕ್ರಮವನ್ನು ಕಂಡು ಗರಂ ಆದ ಸದಸ್ಯರು ಯಾಕೆ ಈ ರೀತಿಯ ತಾರತಮ್ಯ. ಇದು ಸರಿಯಾದ ಕ್ರಮವಲ್ಲ ಈ ಭೂಮಿಯ ಮೇಲೆ ಜನಿಸುವ ಪ್ರತಿಯೊಂದು ಮಗುವಿನ ರಕ್ಷಣೆ ಮಾಡುವ ಜವಾಬ್ದಾರಿ ನಮ್ಮದು, ಹೀಗಾಗಿ ಇದನ್ನು ಕೂಡಲೇ ಸರಿಪಡಿಸಿ ಎಂದು ಡಿಎಸ್ ಅವರಿಗೆ ಖಡಕ್ ಎಚ್ಚರಿಕೆ ನೀಡಿದರು. ಮದರ್ ಕೇರ್‌ ಗೆ ಎಂಟ್ರಿ ಕೊಟ್ಟ ಆಯೋಗ ಅಲ್ಲಿ ರಿವೈಂಡಿಗ್ ಕಾಟ್ ಗಳು  ಇಲ್ಲಿದಿರುವನ್ನು ಕಂಡು ಒಂದು ವಾರದಲ್ಲಿ ರಿವೈಂಡಿಗ್ ಕಾಟ್ ಗಳ ವ್ಯವಸ್ಥೆ ಮಾಡಿ, ಆಯೋಗಕ್ಕೆ ವರದಿ ನೀಡಲು ಸೂಚನೆ ನೀಡಿ ನಂತರ ಸುಖಿ ಒನ್ ಸ್ಟಾಪ್ ಸೆಂಟರ್ ಗೆ ಗಮನಿಸಿ, ಸಂಕಷ್ಟದಲ್ಲಿ ಬಂದಂತಹ ಮಕ್ಕಳಿಗೆ ಸಕಾಲದಲ್ಲಿ ಸೇವೆ ಒದಗಿಸುವಂತೆ ಸಲಹೆ ನೀಡಿದರು. ಸ್ಕ್ಯಾನಿಂಗ್ ಸೆಂಟರ್ ಭೇಟಿ: ಲಕ್ಷ್ಮಿ ನರ್ಸಿಂಗ್ ಹೋಂ ಮತ್ತು ಪ್ರಶಾಂತಿ ನರ್ಸಿಂಗ್ ಹೋಂ ಗಳ ಸ್ಕ್ಯಾನಿಂಗ್ ಸೆಂಟರ್ ಗಳಿಗೆ ಭೇಟಿ ನೀಡಿ ಆಯೋಗ ಪರಿಶೀಲನೆ ನಡೆಸಿದ ಆಯೋಗ ಪಿಸಿಪಿಎನ್ಡಿಟಿ ಕಾಯ್ದೆ ಪ್ರಕಾರ ಸ್ಕ್ಯಾನಿಂಗ್ ಸೆಂಟರ್ ಗಳು ಕಾರ್ಯ ನಿರ್ವಹಿಸುತ್ತಿಲ್ಲ, ಆದರೆ ನೋಡಲ್ ಅಧಿಕಾರಿ ಇದೆಲ್ಲ ಗಮನಿಸಿದೆ ಇರುವುದು ನೋವಿನ ಸಂಗತಿ ಎಂದು ಕಳವಳ ವ್ಯಕ್ತಪಡಿಸಿದರು. ಈ ಸಂದರ್ಭದಲ್ಲಿ ಡಿಎಚ್‌ಒ ಡಾ.ಅಶ್ವಥ್‌ಬಾಬು, ಜಿಲ್ಲಾ ಸರ್ಜನ್ ಡಾ.ಮೋಹನ್‌ ಮತ್ತಿತರರಿದ್ದರು.